Azərbaycan dövlətçiliyi tarixində gömrük işi
120
olan malların gömrükxanadan alınması və “Raznoeksport”a məxsus mal-
ların göndərilməsi; 4) Müəyyən edilən hallarda, gömrükxanalara, Maliyyə
Komissarlığı və Dövlət Bankına verilən girovun təmin edilməsi və azad
edildikdən sonra geri alınması; 5) “Raznoeksport”un adından
gömrük qay-
daları əsasında müxtəlif adda yığım və rüsumlar haqqında öhdəlik götür-
mək; 6) yüklərin yanğın və oğurlanması hallarının qarşısını almaq, yüklərin
mühafizəsi üçün anbarlar icarəyə götürmək və bu xidmətlərin haqqını
ödəmək; 7) digər dövlət, ictimai təşkilatlar və məhkəmə orqanlarında
“Raznoeksport”u təmsil etmək və hüquqlarını müdafiə etmək kimi
məsələlərə rəhbərlik etmək səlahiyyəti verilmişdi. 1936-cı il yanvarın 1-dən
“Mineralsilikateksport” ümumittifaq birliyinin Bakı şöbəsi, bir müddət
sonra isə texniki dərman bitkilərinin ixracı üzrə ixtisaslaşmış ümumittifaq
birliyinin (“Lektexsırye”) Bakı bazası və Cənubi Qafqaz dövlət idxal-ixrac
və tədarük birliyinin (“Zakqostorq”) xalça və biyan kökü bölmələri də
“Raznoeksport”un Azərbaycan şöbəsinə birləşdirildi. Təkcə 1936-cı ildə
birliyin müəssisələrində 1401966 ədəd xırdabuynuzlu
heyvan dərisi emal
edilmiş, bunun 970280 ədədi ixrac edilmişdi [64, 23].
1934-cü illərdə gömrük anbarlarının ləğv edilməsi xarici ticarət və
gömrük işinə ağır zərbə vurmuşdu. Xarici ticarət əməliyyatlarının xeyli
azalması gömrük işini bir növ “arxa plana” salmışdı. Lakin 1935-ci il
avqustun 13-də imzalanmış SSRİ-İran ticarət müqaviləsi iqtisadi-ticarət
əlaqələrinin artmasına səbəb oldu. Əgər 1934-cü ildə hər iki ölkə arasında
ticarət dövriyyəsinin həcmi 221298 min manat olmuşdusa, 1935-ci ildə bu
göstərici 1,5 dəfə artaraq 336300 min manatı ötmüşdü [204, 1935, № 8, 22].
1935-ci il ərzində İrandan 20688 ton mal gətirilmiş, 15661 ton mal
ixrac edilmişdi. Quru yolla daşınan digər mallar kimi sovet maşınları da İran
bazarına Culfa gömrükxanasından keçməklə daxil olurdu. 1934-cü
ilin may
ayında ilk dəfə İ.Stalin adına Moskva avtomobil zavodunda istehsal
olunmuş üç tonluq “ZİS”-lər sovet-İran sərhədindən Culfa-Təbriz-Tehran-
Bəndərşah-Pəhləvi-Tehran marşrutu ilə hərəkət edərək yerli istismar şərai-
tinə tam uyğun oldu göstərdilər. 1934-cü il oktyabrından sovet yük avto-
mobilləri və avtobuslarının İran bazarında satışına başlanıldı. 1935-ci ilin
iyuluna qədər Culfadan keçməklə İran bazarına 482 min rial (1 rial = 7,5
qəpik) 110 ədəd “ZİS” markalı yük avtomobilləri çıxarılmışdı. İrana yük
avtomobilləri ilə yanaşı, 12 ədəd həmin markadan olan avtobuslar da gön-
dərilmişdi. Yerli mətbuat Tehranda şəhər sərnişin nəqliyyatının təşkilində və
avtobus parkının genişlənməsində sovet avtomobillərinin
xarici şirkətlərin
avtobusları, o cümlədən “Şevrole” və “Doc”la rəqabətdə geri qalmadığı
haqqında yazırdı [201, 1935, № 7, 21-22].
Azərbaycan SSR XKS-nin sədri M.C.Bağırovun imzaladığı 1933-cü il
14 may tarixli qərarda bütün dövlət, təsərrüfat, kooperativ və ictimai
Azərbaycan SSR sovet gömrük sistemi şəraitində (1920-1991)
121
təşkilatlara ixrac əhəmiyyətli xalçaların müəyyən edilməsi üçün xarici
ticarət birliyinə təhvil vermələri haqqında göstəriş verilmişdi [69, 3].
Statistik rəqəmlərdən aydın olur ki, Azərbaycan SSR-in 1936-cı ilin
yanvar-mart ayları üçün Moskvada tərtib edilən ixrac planı 696200 manat
olmaqla 101, 6 faiz yerinə yetirilsə də, xalça məmulatları (56,6 faiz) və
qiymətli balıq növləri üzrə (70,9 faiz) kəsirdə qalmışdı. Azərbaycan SSR
ixrac planının kontrol rəqəmlərinin göstərildiyi
və XKS-nin sədri Hüseyn
Rəhmanovun imzaladığı 1936-cı il 19 aprel tarixli 339 s nömrəli qərarda
təsərrüfat ilinin ikinci yarısında bir sıra mallar üzrə ixrac həcminin artırıl-
ması (neft məhsulları nəzərə alınmadan - 1686800 manat), o cümlədən
1432000 manat dəyərində 142 ton qara kürünün ixracı nəzərdə tutulmuşdu
[50, 23]. Cənubi Qafqaz dövlət ticarət idarəsinin (Zakqostorq) ləğv edilməsi
ilə əlaqədar Azərbaycan SSR XKS-nin qərarı ilə 1936-cı ilin dekabrın 20-
dək xalça və xalça məmulatlarının, biyan kökünün tədarükü və topdan-
satışını həyat keçirmək səlahiyyəti Yerli sənaye Komissarlığına verildi.
Respublika ərazisi hüdudlarında digər təşkilatlara həmin mallar üzrə
kommersiya əməliyyatları aparmaq qadağan edilirdi [74, 170].
SSRİ MİK və XKS-nin 1930-cu il 22 dekabr tarixli qərarı ilə SSRİ
XXTK iki müstəqil komissarlığa bölündü: SSRİ Təchizat Komissarlığı və
SSRİ XXTK. Hər iki qurumun qarşısında duran əsas vəzifə dünya iqtisadi
böhranı nəticəsində ticarət dövriyyəsinin kəskin surətdə azalması və başlıca
kapitalist dövlətlərinin sovet ixracını məhdudlaşdıran
tədbirlər həyata keçir-
diyi bir şəraitdə xarici ticarət fəaliyyətinin çevikliyini və manevr qabiliy-
yətini təmin etmək idi. Buna müvafiq olaraq, komissarlıqların idarəetmə
strukturunda dəyişikliklər aparıldı.
1931-ci ilin ortalarında SSRİ XXTK-nın tərkibində aşağıdakı idarələr
yaradıldı: İşlər idarəsi; İxrac idarəsi; İdxal idarəsi; Baş xəz idarəsi; Baş
gömrük idarəsi və Müfəttişlik. Bundan əlavə, xarici ticarətin qarşısında
qoyulan vəzifələrə müvafiq müstəqil bölmələr yaradıldı: Şərq bölməsi,
tədarük və təchizat bölməsi,
nəqliyyat bölməsi, valyuta-maliyyə bölməsi,
təşkilat bölməsi, ticarət siyasəti bölməsi, kadrlar bölməsi, kadr hazırlığı və
qeydiyyat bölməsi. Şərq bölməsinə Monqolustan, Tuva, Qərbi Çin,
Əfqanıstan, İran və Türkiyə ilə idxal-ixrac əməliyyatlarına rəhbərlik həvalə
edildi. Bu bölmənin fəaliyyətində əsas istiqamətlərdən
birini Azərbaycan
üzərindən İranla ticarət əlaqələrinin və tranzit daşımaların genişləndirilməsi
tuturdu [211, 118-119].
Aşağıdakı cədvəldən görünür ki, 1933-cü ildə qeyri-neft məhsulları
sahələrində Azərbaycanın ixrac potensialında bir çox sahələr üzrə üstün
artım sürəti müşahidə olunmuşdu. Belə ki, bir il ərzində bu göstərici, xüsu-
silə xalça, barama toxumu və xəzin ixrac həcmi təqribən 2 dəfə artmışdı: