Azərbaycan dövlətçiliyi tarixində gömrük işi
118
olunan vəzifəli şəxslərin tərkibi bunu sübut edir: SSRİ Xarici
ticarət
Komisarlığının İrandakı xüsusi səlahiyyətli nümayəndəsi Avanesov, Bakı
Birjasından A.Oleniçev, RSFSR ticarət komissarlığından S.Petrenko, Bakı
gömrükxanasından Topuridze, İodkov, Şaginyan və Asanov [94, 48-49].
1923-cü ilin sonundan Türkiyə ilə ticarət münasibətlərində lisenziyasız
ticarət rejimi tətbiq edilmiş və bu proses 1927-ci il birinci sovet-Türkiyə
ticarət müqaviləsinin tətbiqinə qədər davam etmişdi. Lisenziyasız ticarət
rejiminə əsasən türk tacirləri sovet bazarına siyahı əsasında müəyyən
edilmiş malları gətirmək və lazım olan malları alıb aparmaqda sərbəst idilər.
Belə bir güzəşt Yaxın və Orta Şərq ölkələri içərisində ilk dəfə Türkiyə və
İrana tətbiq edilmişdi. 1926-cı ildə SSRİ Xarici Ticarət Komissarlığının
qərarı ilə Türkiyə və İran ilə əlaqələr netto-balans ticarəti qaydası əsasında
qurulmuşdu [149, 4-5].
1923-1929-cu illərdə SSRİ ilə Türkiyə arasında ticarət “Lozanna
rejimi” və “Lozanna gömrük-tarif sistemi” əsasında qarışıq sovet-ingilis
səhmdar cəmiyyəti “Arkos”un İstanbul şöbəsi tərəfindən aparılırdı. 1924-
1927-ci illərdə bu vəzifə eyni zamanda sovet-Türkiyə birgə cəmiyyəti olan
“Russoturk” şirkəti icra edirdi.
Məlumdur ki, Sovet-Türkiyə münasibətləri tarixində ilk ticarət
müqaviləsi 1927-ci ilin martın 1-də bağlandı və iyunun 1-də qüvvəyə mindi.
Müqavilənin 1-ci hissəsində (1-9-cu maddələr)
ticarət və ticarət işləri
əlaqədar şəxslərin hüquq və səlahiyyətləri, ticarətin forma və qaydaları, 2-ci
hissədə isə dənizçilik, gömrük və icarə rüsumlarından bəhs edilirdi. Qafqaz
respublikalarını Türkiyə ilə ticarət əlaqələrində təmsil edən “Zaqqostorq”
“Şərq Dövlət Ticarət Birliyi”nin tərkibinə daxil idi.
1931-ci ilin martın 16-da Moskvada SSRİ ilə Türkiyə arasında ticarət
və dənizçilik haqqında 2-ci müqavilə imzalandı. Beş il müddətinə bağlanmış
müqavilənin 17-ci maddəsində tranzit xərcləri və gömrük rüsumları qeyd
olunmuşdu. Müqavilədə göstərilirdi ki, malların tranzit daşınması,
yerləş-
dirilməsi hər bir ölkənin mövcud dövlət qanunları əsasında yerinə
yetirilməli, hər iki tərəf bir-birini gömrük vergisindən azad etməlidir. Sovet
İttifaqından Türkiyəyə ixrac olunan malların böyük bir qismi Qafqaz
respublikalarından, xüsusilə neft və neft məhsulları əsasən Azərbaycandan
aparılırdı. Zaqafqaziya Xarici Ticarət Palatasının verdiyi məlumata görə,
1934-cü ildə Qafqazdan Türkiyəyə ixrac olunan məhsulların dəyəri 676,6
min qızıl
manata bərabər olmuşdu ki, bu da əvvəlki ildə olduğundan 48 faiz
çox idi. 1937-ci ilin oktyabrın 8-də Ankarada “SSRİ ilə Türkiyə Cümhuriy-
yəti arasında ticarət və gəmiçilik haqqında” müqavilə imzalandı. Müqavilə
29 maddə və 11 əlavə bənddən ibarət olub 3 il müddətinə bağlanmışdı.
Müqavilənin 1-8-ci maddələri hər iki ölkənin vətəndaşları və hüquqi
şəxslərinin səlahiyyətlərini, 9-16-cı maddələri ticarət əlaqələrini, 17-28-ci
Azərbaycan SSR sovet gömrük sistemi şəraitində (1920-1991)
119
maddələri isə gəmiçilik, gömrük və rüsum məsələlərini əhatə edirdi. [219,
244-253].
Türkiyə və İranla ticarəti inkişaf etdirmək üçün 1937-ci
ilin əvvəl-
lərində SSRİ Xalq Xarici Ticarət Nazirliyi nəzdində xüsusi ticarət orqanı
olan “Soviranturktorq” yaradılmışdı.
İranla ticarət əməliyyatları “Eksportxleb” ümumittifaq birliyinin Bakı
şöbəsi mühüm rola malik idi. Şöbənin eyni zamanda Culfada agentliyi
fəaliyyət göstərirdi. 1932-ci ildə birliyin xətti ilə İrandan 40000 ton plana
qarşı 60106 ton düyü gətirilmişdi ki, bunun əsas hissəsi ittifaq təşkilatlarına,
20400 tonu Bakı və Culfadakı anbarlara təhvil verilmişdi. İrana Bakı göm-
rükxanasından keçməklə 9700 ton qənd və 3091 ton şəkər,
Culfa gömrük-
xanasından 3996 ton qənd və 1622 ton şəkər tozu göndərilmişdi [71, 6-8].
1932-ci il noyabrın 28 Culfada keçirilən qapalı müşavirədə İranın
daxili bazarında alıcılıq səviyyəsinin aşağı düşməsi və üçüncü ölkələrdən
idxal edilən mallar hesabına külli miqdarda sovet mallarının sərhədyanı
bazalarda yığışıb qalması məsələsi müzakirə edildi. 1932-ci il 1 oktyabr
vəziyyətinə görə, gömrük anbarlarında malların dəyəri (neft məhsulları
nəzərə alınmadan) 2 mln. qızıl manata çatmışdı. Təkcə Culfa gömrük-
xanasında pambıq parça ilə yüklənmiş 109 vaqon “ilişib qalmışdı”. Nəticədə
bütün dərəcələr üzrə gömrük müəssisələrinin və burada çalışan
əməkdaşların sayı 2-3 dəfə ixtisar edilmişdi [70, 88].
1933-cü ildən SSRİ Xarici Ticarət Komissarlığının
ümumittifaq
“Raznoeksport” ixrac-idxal birliyinin Azərbaycan şöbəsi və Bakı kontoru
fəaliyyət göstərirdi. Azərbaycan şöbəsinin və Bakı kontorunun rəisi
Ə.Yüzbaşov təyin edilmişdi. Kontor Bakı limanının 26-cı körpüsünün
ərazisində, 1-ci Qara şəhər küçəsi ilə Fəhlə prospektinin kəsişdiyi küncdə
yerləşirdi. Kontor əsasən İrandan idxal edilən xam dərinin emal etdikdən
sonra ixracını həyata keçirirdi [63, 14].
“Raznoeksport”un Bakı və Culfada qəbul məntəqələri yaradılmışdı.
SSRİ Xarici Ticarət Komissarlığının Azərbaycan SSR üzrə Müvəkkilinin
sərəncamı ilə kontorun məsul əməkdaşları 1934-cü ilin sentyabrından təşkil
edilən xarici dil öyrədilən dərnəklərə cəlb olunurdu. “Raznoeksport”ın mər-
kəzi aparatının 1935-ci il 30 dekabr tarixli əmri
ilə Azərbaycan şöbəsinin
rəisi Ə.Yüzbaşova bütün Cənubi Qafqaz respublikaları ərazisində kontorun
fəaliyyətini əlaqələndirmək, o cümlədən: 1) birliyin Bakı, Culfa və Batum-
dakı ixrac-idxal bazalarına və “Raznoeksport”un nomenklaturasına daxil
edilən mallar üzrə (dəri, bağırsaq, at qılları, kibrit, şüşə, məişət qabları,
xalçalar, kustar məmulatları, müxtəlif tullantılar və s.) aparılan əməliyyatlar;
2) Bakı, Batum və Culfa gömrükxanalarında “Raznoeksport”un gömrük
nəzarətindən keçirilən bütün yüklərin və tranzitin tələb olunan qaydalar
əsasında gömrük rəsmiləşdirilməsinə cavabdehlik; 3) idxal və ixraca verilən
lisenziyalar əsasında digər təşkilatlardan “Raznoeksport”un ünvanına daxil