Azərbaycan SSR sovet gömrük sistemi şəraitində (1920-1991)
133
Müharibənin ilk illərində sərhəddən buraxılan
yük və nəqliyyat
vasitələri haqqında məlumatlar bizə Bakı və Culfa gömrükxanalarının sovet
gömrük sistemində mühüm əhəmiyyət daşıdığını sübut edir. Culfaya lend-
liz xətti ilə ilk karvanı 50 ədəd Dodge markalı yük maşını ilə 1942-ci ilin 23
fevralında Buşerdən Zaqros aşırımını aşmaqla İsfahan-Miyanə-Təbriz şose
yolu ilə (təqribən 2 min km.) hərəkət etmişdi. Buradan isə qadın
sürücülərdən təşkil edilən batalyon hərbi sursat, silah və tibbi vasitələr
yüklənmiş maşınları Şimalı Qafqaza - Orconokidzeyə daşıyırdı. Cəbhənin
tələbatını ödəmək üçün dəniz yolu ilə Azərbaycan neftinin şimala daşınması
işi xeyli sürətləndirildi. Əgər 1913-cü ildə bu yolla 5061 min ton, 1920-ci
ildə 2652 min ton, 1932-ci ildə 8204 min ton neft və neft məhsulları daşın-
mışdısa, 1941-ci ildə bu rəqəm 13333 min tona çatmışdı. Bütövlükdə, 1941-
1943-cü illər ərzində neft daşıyan tankerlərlə 34343 min ton neft və neft
məhsulları daşınıb [188, 153; 78, 85].
SSRİ Plan Komitəsi Mərkəzi Statistika idarəsi sənaye şöbəsinin rəisi
Yejovun imza etdiyi məktubda Azərbaycandan 1941-1942-ci illərdə 68,8
min
ton polad və prokat, 39280,2 min ton neft və neft məhsulları və 4041,8
ton maye qaz göndərilməsi haqqında məlumat verilir [78, 43].
Bakıdan neft daşımalarının həcminin artırılmasına mane olan digər
səbəblər də mövcud idi. Dənizin səviyyəsinin aşağı düşməsi, akvatoriyanın
lillə dolması Bakı-Həştərxan reydində iri və orta tonnajlı gəmilərin istismar
edilməsində çətinlik yaradırdı. Volqada naviqasiyanın dayanması, Mahaç-
Qala və Krasnovodsk limanlarının texniki imkanlarının uyğunsuzluğu, neft
çənlərinin az tutumlu olması, xüsusilə qış mövsümündə Xəzər Dəniz
Gəmiçiliyinin neft tankerlərinin işinə mane olurdu. Vəziyyətdən çıxmaq
üçün neft məhsullarının bir hissəsini qəbul edən Abşeron limanında
yenidənqurma işləri aparıldı, sahildə nasoslar qoyuldu və körpülərə neft
kəmərləri çəkildi.
SSRİ rəhbərliyi bununla kifayətlənməyib, neft daşımalarının həcminin
daha da artırılması üçün tədbirlər görülməsini tələb edirdi.
Azərbaycan
KP(b) MK və Azərbaycan SSR XKŞ-nin
“Xəzərdəki neft daşıyan gəmilərin
1944-cü ilin naviqasiyasına hazırlığı haqqında” 1944-cü il 1 fevral tarixli
qərarında “Kasptanker”ə 23 neft daşıyan tankerin və 8 quru yük gəmisinin
vaxtından əvvəl təmir edilərək istismara verilməsi tapşırığı verilmişdi.
Azərbaycan SSR XKŞ sədrinin müavini İslamzadə və MK katibi
P.Çeplakovun imzaladığı qərarda gəmi təmiri zavodunun bütün işçi qüv-
vəsinin
kazarma şəraitinə keçirilməsi, gündə 3 dəfə isti yemək və xüsusi
geyim dəsti ilə təmin edilməsi, əmək haqqının ödənilməsində akkord siste-
minin tətbiqi nəzərdə tutulurdu. “Kasptanker”in kazarma şəraitinə keçirilən
fəhlə və mühəndislərinə əlavə olaraq 24 ton müxtəlif konservlər, 48 ton
düyü, 6 ton yağ və 6 ton quru meyvə ayrılması üçün SSRİ XKS-nin sədr
müavini A.Mikoyana müraciət edilmişdi [79, 1-2].
Azərbaycan dövlətçiliyi tarixində gömrük işi
134
1942-ci ildən başlayaraq Bakı limanına,
o cümlədən gömrük anbar-
larına İrandan, həmçinin Donbas və Şimali Qafqazdan külli miqdarda
müxtəlif təyinatlı yüklər daxil olurdu. Gömrük baxışından keçirilən yüklər
göndərildiyi ünvana görə aşağıdakı qrupa bölünürdü: 1) İrandan daxil olan
xarici humanitar yüklər; 2) daxili təchizatla bağlı yüklər (taxıl, meyvə-
tərəvəz, ət və s.); 3) dəmir yolu ilə şimaldan daxil olan xarici humanitar
yüklər və strateji mallar); 4) Donbas, Cənub-Şərq,
Moskva və Şimali
Qafqazdan daxil olan yüklər və mülki əhali. 1942-ci ilin iyul-avqust
aylarında dəmir yolu ilə daxil olan 1952 vaqon gömrük baxışından
keçirilmişdi ki, bunlardan 273-ü döyüş sursatı, 142-si hərbi əmlak, 299-u
aviasiya əmlakı, 89-u təyyarə, 174-ü təyyarə təmiri emalatxanası, 254-ü
Aviasiya məktəbinin avadanlıqları və s. mallar yüklənmiş vaqonlar olmuşdu
[52, 11-12, 25-27
arx.
].
Xəzər Dəniz Gəmiçiliyi 1943-cü ilin mayında Bakı-İran-Bakı
istiqamətində 26,4 min ton yük daşımışdı. Lakin Bakı limanında idxal
yüklərinin “ilişib” qalması, boş vaqonların perrona çatdırılmasında gecik-
mələr gömrükxananın işini çətinləşdirirdi. SSRİ XKS yanında Dövlət Plan
Komissiyasının Bakıdakı xüsusi nümayəndəsi xəbərdarlıq edirdi ki, yük-
lənmiş qatarlar vaxtında yola salınmır. Belə ki, 1 iyun vəziyyətinə görə Bakı
limanında 30 min ton idxal malları “ilişib” qalmışdı. Limandakı 1417
vaqondan (22,7 min ton) 869-una metal borular, 152-sinə dəmiryolu relsləri,
176-sına isə düyü yüklənmişdi. İran limanlarında
isə gəmilərə yük
İran ərazisindən Culfa gömrükxanasına irəliləyən
avtomobil karvanı (1943-cü il)
Azərbaycan SSR sovet gömrük sistemi şəraitində (1920-1991)
135
vurulması əməliyyatlarının təşkilində vaxt itkisinə yol verilirdi. Təkcə may
ayında 1152 saat boş dayanmalara görə 10 min ton az yük vurulmuşdu.
SSRİ Xarici Ticarət Komissarlığı “İransovtrans” nəqliyyat birliyinin İran
limanlarında qəbul etdiyi yüklər gömrük sənədlərində son ünvanı göstəril-
mədən birbaşa Bakıya yola salınırdı. Digər tərəfdən, texniki sertifikatları
olmayan metal yüklər Bakı gömrükxanasında yenidən texniki ekspertizadan
keçirilirdi. Bakı limanına SSRİ Xarici Ticarət Komissarlığının İran və sovet
limanları arasında bütün daşımalara nəzarət edən xüsusi müvəkkil təyin
edilmişdi [78, 15-16].
SSRİ Xarici Ticarət Komissarlığı A.Mikoyanın 1943-cü il 27 iyun
tarixli məktubunda SSRİ Plan Komitəsinin Bakıdakı müvəkkili P.Paşininə
aşağıdakı məxfi məlumatları çatdırılmışdı:
1. “Mahaç-Qalaya idxal yüklərinin daşınmasının artırılması haqqın-
da: iyun ayında Mahaç-Qalaya 9 min tondan əlavə olaraq 15 min ton yük
daşınması üçün sifariş verilmiş, iyul ayında isə İrandan Mahaç-Qalaya 28
min ton yük daşınması planlaşdırılmışdır; 2. İdxal mallarının daşınması
üçün Bakıya boş vaqonların verilməsinin sürətləndirilməsi haqqında: Xarici
Ticarət Komissarlığı Cənubi Qafqaz dəmir yolunda boş qatarların
formalaşması üçün vaxtında tədbirlər görmüş, iyun ayının cəmi 20 günü
ərzində Bakıdan 25603 ton idxal yüklənmişdir. Yol. A.İ.Mikoyan Cənubi
Qafqaz dəmir yolunun rəisi yol. Kiknadzeyə teleqramla bildirmişdir ki, o,
Təbrizdən ixrac-idxal malları yaxşı daşındığı kimi Bakıdan da daşınmasına
xüsusi diqqət yetirsin; 3. “İransovtrans”la “Narkomflot” arasında 1942-ci
il sazişi haqqında: 1 may 1943-cü ildən İran Xəzər dənizindəki limanlarında
gəmilərin yüklənməsi “Narkomflot”un 157 saylı əmrinə əsasən həyata
keçirilsin; 4. Bakıya gətirilən ünvansız idxal yükləri haqqında: Xalq
komissarının sərəncamı ilə “Sənaye xammalı idxalı” ümumittifaq birliyinin
sədr müavini yol. Stolyarov idxal edilən metalların növlərə ayrılaraq
müəyyən edilən ünvanlara göndərilməsinin təşkili üçün Bakıya ezam edilir;
5. İran limanlarında nəqliyyat əməliyyatlarının “İransovtrans”dan alınaraq
“Narkomflot”a verilməsi haqqında: bu məsələ bir neçə dəfə müzakirə
edilmişdir. “Narkomflot” hesab edir ki, onun işçi heyəti indiki vaxtda bu
işin öhdəsindən gələ bilməz, buna görə də hələlik İran limanlarında
əməliyyatları (yükboşaltma) “İransovtrans” həyata keçirsin; 6. Yüklərin
texniki sənədlərlə müşayiət olunması: Ticarət nümayəndəliyi və “İransov-
trans” bu məsələni həll edə bilmir, çünki İrandan yüklərin daşınması
xüsusiyyətlərindən asılı olaraq yüklər bir neçə istiqamətdə göndərilir.
Amerikadan gələn yüklərin hara göndəriləcəyini öncədən müəyyən etmək
olmur. Buna baxmayaraq, Xarici Ticarət Komissarlığı yüklərin təftiş edil-
məsi və növlərə ayrılması işlərini sadələşdirmək üçün sovet limanlarına
mütəxəssisləri ezam etmişdir; 7. Xarici Ticarət Komissarlığının Xəzər üzrə
Müvəkkili haqqında: xalq komissarının sərəncamı ilə “İransovtrans” ümu-