Azərbaycan SSR sovet gömrük sistemi şəraitində (1920-1991)
99
II FƏSİL. SSRİ-nin XARİCİ TİCARƏT VƏ GÖMRÜK
MÜNASİBƏTLƏRİNDƏ AZƏRBAYCANIN ROLU
(1922-1960-cı illər)
2.1. Bakıda keçirilən xarici ticarət yarmarkaları gömrük
sənədlərində
1922-ci ildən başlayaraq, Azərbaycan SSR-in xarici ölkələrlə ticarət
əlaqələri və gömrük işinin inkişafında ənənəvi Bakı yarmarkalarının mühüm
əhəmiyyəti oldu. Beynəlxalq yarmarkanın məhz Bakıda təşkil edilməsi onun
təkcə onun qərb və şərq ölkələrini birləşdirən ticarət yollarının üzərində
yerləşməsi, xüsusilə mənfəətli dəniz yoluna malik olması deyil, həm də
sovet Rusiyasının mənafeyi ilə bağlı idi. Yarmarkanın
harada keçirilməsi
mübahisə və müzakirə obyekti idi. Bəziləri mərkəzi idarələrin yerləşdiyi
Tiflis şəhərinə üstünlük verirdilər. Yarmarkanın keçirilməsi üçün Tiflisə
nisbətən Bakı şəhərinin yarmarka üçün daha əlverişli olduğunu israrla təkid
edən Nəriman Nərimanov məqsədinə çatdı. Bakı yarmarkası həmin dövrdə
SSRİ-nin İran, Türkiyə, Əfqanıstan, Monqolustan və Qərbi Çinlə xarici
iqtisadi əlaqələrinin yaradılmasında ilkin mərhələ rolunu oynayırdı. İranın
Bakı yarmarkasına çıxarılan kənd təsərrüfatı xammalı Cənubi
Qafqaz
respublikalarına, RSFSR və Ukraynaya ixrac edilirdi. Bir sıra sovet
respublikalarının sənayesi xüsusi olaraq yarmarkada satılması nəzərdə
tutulan məhsulların istehsalına başlamışdı. Bakının coğrafi mövqeyi,
əlverişli ticarət limanının və tarixi ənənələrə malik gömrükxananın
mövcudluğu xarici ölkələrlə ticarət əlaqələrini asanlaşdırırdı [163, 93].
Bu yarmarkaların təşkilində məqsəd SSRİ-nin bərbad vəziyyətdə olan
iqtisadiyyatını bərpa prosesində ittifaqın daxili rayonlarını zəruri mallarla
təmin edilməsi, Yaxın Şərq ölkələri və birinci növbədə İranla Qərbi Avropa
ölkələri arasında pozulmuş ticarət-iqtisadi əlaqələri bərpa
etməklə iqtisadi
dividentlər əldə etmək olmuşdur [152, 55-59].
Azərbaycan SSR Xalq Komissarları Soveti Bakı yarmarkasının təşkili
barədə qərarı 1922-ci ilin mayın 14-də qəbul edildi. Yarmarka Komitəsinin
tərkibinə iki nəfər azərbaycanlı - A.Qulubəyov və A.Mahmudbəyov daxil
idi. Bakı Soveti 1922-ci ilin avqustun 21-də təşkilati işlər üçün Komitəyə 25
mlrd. rubl vəsait ayırdı [177, 1990, 18 dekabr].
Azərbaycan dövlətçiliyi tarixində gömrük işi
100
Ticarət əlaqələrinin qarşılıqlı şəkildə inkişaf etdirmək üçün bir sıra
Şərq ölkələrindən, o cümlədən Türkiyədən bəzi ticarət şirkətlərini yarmar-
kada iştirak etməyə dəvət edildi. Bu dəvət
Türkiyə hökuməti tərəfindən
müsbət qarşılandı, türk tacirlərinin Bakı yarmarkasında iştirakına icazə
verildi.
Birinci Bakı yarmarkası 1922-ci ilin sentyabrın 15-dən noyabrın 15-
dək davam etdi. “Bakinski raboçi” qəzetinin verdiyi məlumata görə yar-
markada Rusiya və Ukraynanın bir çox iri sənaye potensialına malik
regionları, Türküstan respublikası, İran və Türkiyədən olan sahibkarlar, o
cümlədən 6 xüsusi müəssisə və 2 kooperativ təşkilatla yanaşı, 6 xarici şirkət
iştirak edirdi [178, 1922, 17 sentyabr; 1922, 2 оktyabr].
“Экономический Вестник” (İqtisadi xəbərlər) məcmuəsinin 1922-ci
il 19-cu sayında dərc edilən məlumata görə, oktyabrın 8-nə qədər
yarmarkaya 148694 pud, o cümlədən xarici şirkətlər tərəfindən 13600 pud
müxtəlif mallar gətirilmişdi. Bunlardan 95200 pudu ərzaq malları, 14800
pudu texniki material və avadanlıqlar, 14480 pudu tikinti materialları, 8976
ədəd kənd təsərrüfatı alət
və mexanizmləri, 3342 pudu isə pambıq mahlıcı,
yun, dəri və digər xammal növləri olmuşdu.
Son hesablamaya görə birinci Bakı yarmarkasına təqribən yarım
milyon pud müxtəlif mallar reallaşdırılmışdı. İranı 30 şirkət və tacir (bütün
iştirakçıların 20 faizi) təmsil edirdi. Yarmarkada satılan 1641120 qızıl manat
həcmində malların 40 faizi İran tacirlərinə məxsus idi. 1923-cü ildə RSFSR
Xarici ticarət komissarlığı Rusiya ilə İran arasında aparılan ticarətə daxil
Bakı Yarmarka Komitəsi üçün xüsusi olaraq tikilən bina, 1924-cü il
Azərbaycan SSR sovet gömrük sistemi şəraitində (1920-1991)
101
edilən bütün mallarına lisenziyasız idxal-ixrac rejimi tətbiq olunurdu.
Bundan əlavə, Şərq ölkələri ilə ticarətdə RSFSR-in 1922-ci il Asiya gömrük
tarifindən fərqli olaraq bəzi mallara mütərəqqi hesab edilən 1903-cü il tarifi
qüvvəsini saxlayırdı. Bununla yanaşı, bəzi siyasi-iqtisadi və hüquqi sədlərin
yaradılması yarmarkanın işini çətinləşdirirdi. Məsələn,
lord Kerzonun
məlum notası, qara birjanın bağlanması, fabrik mallarının, xüsusilə pambıq
parçaların qiymətinin süni surətdə artırılması və s. 1923-ü il yarmarkasında
satışa çıxarılan əsas ticarət mallarının 22,8 faizini şəkər, 23,7 faizini pambıq
parçalar, 10,3 faizini pambıq mahlıcı, 8,3 faizini düyü, 3,8 faizini quru
meyvələr, 3,2 faizini şüşə və çini-saxsı qablar, 5,3 faizini kibrit təşkil
etmişdi. Bütün satılan malların 30 faizi, o cümlədən 81 min pud şəkər, 68
min pud un, 19
min pud kibrit, cəmi 1465000 manatlıq mallar İrana
daşınmışdı. Rusiya fabriklərinin istehsalı olan parçalara yüksək qiymət təyin
edildiyindən çox hissəsi satılmamışdı. 1923-cü il yarmarkasının təcrübə-
sində bəzi zərərli fors-major faktorlar nəzərə alınaraq yeni güzəştləri
nəzərdə tutan tədbirlər görüldü. Tarif komitəsinin qərarına görə, Bakıya
dəmir yolu ilə gətirilən bütün mallara yarmarkanın keçirildiyi müddətdə yol
tarifi 15 faiz aşağı salındı. Parça və toxunma mallarına, kibrit, sement, mis,
latun, bürünc, və dəmir təbəqəyə, kənd təsərrüfatı maşın və alətlərinə
(ağacdan hazırlanan alətlər istisna olmaqla) və elektrik avadanlıqlarına 20
faiz, şüşə, büllur və çini-saxsı qablara, dəmir və çuqundan hazırlanmış
məmulatlara 30 faiz, xarici ölkə mənşəli mallara 10 faiz
güzəşt tətbiq
olundu. Xəzər Dəniz Gəmiçiliyi analoji qərar qəbul edərək İran
limanlarından gətirilən düyü və quru meyvə yüklərinin daşınmasına 20 faiz,
digər yüklərə 30 faiz güzəşt tətbiq etmişdi. Bundan əlavə satılmayan
malların geri daşınmasına dəmir yolu tarifləri 10 faiz, gəmi daşımaları 15
faiz güzəştlə həyata keçirilirdi.
Şərq ölkələrindən yarmarkaya göndərilən malların gömrük baxışından
keçirilməsi və rüsumların ödənilməsi sahibkarın istəyinə görə sərhəd
gömrükxanalarından birbaşa Bakı gömrükxanasına göndərilməsinə icazə
verilirdi. Bundan əlavə, yarmarkada satılmayan mallar mənşə ölkələrinə
nəzərdə tutulan müddət ərzində aparıldıqda gömrük rüsumu geri qaytarı-
lırdı. Xarici ölkə tacirlərinə yarmarkada satdıqları mallardan əldə etdikləri
valyutanın 25 faizini aparmalarına icazə verilirdi.
Yarmarkada Azərbaycanı “Azərittifaq”, “Azəripək”, “Azərtütün”,
“Azərdəri” trestləri, mərkəzi təşkilatlardan “Neftesindikat”, “Saxartrest”,
“Spiçsindikat”, “Rezinotrest” və “Kojsindikat” təmsil edirdi. Nijni Novqo-
rod yarmarkasından fərqli olaraq Bakı yarmarkası orta
və kiçik kapitala
malik tacir təbəqəsi üçün daha əlverişli bazar sayılırdı. Yarmarkaya RSFSR-
in sənaye mərkəzlərindən su yolu ilə malların daşınmasını həyata keçirən
Volqa Dövlət çay gəmiçiliyi nəqliyyat tariflərini aşağı salmışdı. Lakin bəzi
qüvvələr guya Bakı yarmarkasında İran tacirlərinin mallarının müsadirə