Microsoft Word Kitabxana nasl q-Biblioqrafiya jurnal 2009 doc
Yüklə 1,35 Mb. Pdf görüntüsü
|
88 qaydaları, qlobal şəbəkədə, elektron kataloqda axtarış aparmaq qaydaları oxuculara öyrədilir. Qlobal şəbəkənin inkişaf etdiyi bir zamanda oxucular arasında kitaba məhəbbət oyatmaq, kitabı onlara sevdirmək, kitabın nüfuzunu qaldırmaq üçün kütləvi tədbirlərin müxtəlif formalarından istifadə etmək vacibdir. Bu məqsədlə Milli Kitabxananın fəaliyyətində həyata keçirilən kütləvi tədbirlərin əhəmiyyəti xüsusilə diqqətəlayiqdir. Belə ki, respublikamızda baş verən əlamətdar və tarixi günlərlə əlaqədar olaraq- anım (xatirə) günləri, sərgilər, guşələr, kitabların təqdimat mərasimləri, kitab bayramı və başqa təbliğat xarakterli rəngarəng tədbirlər təşkil olunur. Ötən il Milli Kitabxanada 60-dan çox belə tədbir keçirilmişdir (4, S.10). Anım günləri xalqımızın yaddaşına həkk olunmuş, qanlı günlərlə, hadisələrlə əlaqədar təşkil olunur. Bu məqsədlə (anım gününün mövzusuna uyğun olaraq) şəhidlərin xatirəsinə fotostendlər, sərgilər hazırlanır, sənədli filmlər göstərilir, həvəskar gənclərin əl işlərindən ibarət sərgi düzəldilir, tanınmış şəxslər, görkəmli elm və mədəniyyət xadimləri, şəhidlərin ailə üzvlərindən, yaxınlarından, döyüş yoldaşlarından bir neçə şəxs dəvət olunur. Bu tədbir zamanı gənclərimizin həm dünyagörüşü artır, həm də mənəvi aləmi zənginləşir, yeni informasiya əldə edir. Sərgilərin təşkili əyani təbliğat formasının ən geniş yayılmış üsuludur. Yeni kitabların sərgisi kitabxanaya yeni daxil olmuş nəşrlər haqqında müntəzəm məlumat vermək məqsədi daşıyır. Həm də bu zaman Azərbaycan elminə, mədəniyyətinə, iqtisadiyyatına və digər sahələrinə dair nəşr olunmuş kitablar haqqında oxucularımız məlumat alır. Qeyd edək ki, kitabxanalarda təşkil edilən sərgilərdə kitablarla yanaşı, müxtəlif qəzet və jurnal nömrələri əks etdirilir ki, bu da həmin sərginin əhəmiyyətini xeyli artırır. Guşələr sərgiyə nisbətən daha geniş və əhatəli olur. Belə ki, guşədə əlavə olaraq kartoteka, qəzet, jurnal materialları, tövsiyə ədəbiyyat siyahıları, mövzuya uyğun bir sıra sənədlər və şəkillər də öz əksini tapmalıdır. Guşələr uzunmüddətli olur. Milli Kitabxanada gənclərimizi maraqlandıran “Azərbaycanın tacı Qarabağ”, “Azərbaycanda turizm” “Hüquq guşəsi” kimi daimi guşələr hazırlanmışdır. Kitabxanada kitabların təqdimat mərasimlərinin keçirilməsinə də xüsusi əhəmiyyət verilir. Milli Kitabxana əsasən Ümummilli liderimiz Heydər Əliyevin ölməz həyat yolunu əks etdirən, bu siyasətin layiqli davamçısı olan prezident İlham Əliyevin fəaliyyətini işıqlandıran kitabların, milli mənəvi dəyərlərimizin və vətənpərvərlik tərbiyəsinin təbliği ilə bağlı ədəbiyyatın, yeni nəsil istedadlı gənclərin yaradıcılığının təbliği, cəmiyyətə tanıdılması məqsədilə onların çap olunmuş əsərlərinin, xalqımızın tarixi, mədəniyyəti ilə bağlı dəyərli kitabların təqdimat mərasiminin keçirilməsinə üstünlük verir. Bu zaman texniki vasitələrdən də istifadə olunur. 89 Oxucuların marağına səbəb olan tədbirlərdən biri də kitab bayramıdır. Bu tədbir ildə bir dəfə keçirilsə də geniş oxucu kütləsinin iştirakı ilə müşahidə olunur. Azərbaycanda fəaliyyət göstərən aparıcı nəşriyyatların və müəlliflərin birbaşa iştirakıyla yeni kitabların sərgisi keçirilir. Bəzi nəşriyyatlar yeni çap olunmuş kitabları oxuculara hədiyyə edirlər. Göründüyü kimi, Milli Kitabxana bütün səyləri ilə bütün oxucuların, xüsusilə də gənc nəslin günbəgün artmaqda olan tələbatlarını ödəməyə çalışır. Təcrübələr göstərir ki, geniş oxucu kütləsi belə tədbirlərə xüsusi maraq göstərir və həvəslə bu tədbirlərdə iştirak edirlər. Təbii ki, hazırda ictimai həyatın bütün sahələrinə yeni texniki vasitələrin tətbiqi ilə əlaqədar kitabxanada da bir sıra proseslərin avtomatlaşdırılması həyata keçirilir. Hazırda elm, mədəniyyət, informasiya, təhsil və tərbiyə müəssisəsi kimi kitabxananın qarşısında duran əsas vəzifə cəmiyyət üzvlərinin, xüsusilə gələcəyimiz olan gənclərin həm bir şəxsiyyət kimi formalaşmasında cəmiyyətə, vətənə layiqli, bilikli, hərtərəfli inkişaf etmiş vətəndaş kimi böyüməsində yaxından iştirak etmək, cəmiyyətə layiqli xidmət göstərmək, əhalini qısa zaman kəsiyində informasiya resursları ilə operativ şəkildə təmin etmək və mükəmməl elektron kitabxana yaratmaqdır. Bu gün 500-ə yaxın kitabın, 200-dən çox qəzet və jurnalın, 4000-ə yaxın məqalənin elektron versiyası yaradılmışdır. Təbii ki, bu prosesin tam həyata keçirilməsi üçün müəyyən zaman lazımdır. Ümid edirik ki, qısa bir zamanda artıq hər bir istifadəçi, istənilən məkanda kompüterlərinin qarşısında oturub, kitabxananın saytına girməklə elektron kitabxanadan onlara lazım olan informasiyanı, kitabı, qəzeti və jurnalı, digər sənəd növlərini elektron versiyada əldə edəcəkdir. ƏDƏBİYYAT 1. Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramının təsdiq edilməsi barədə: Azərbaycan Respublikası Prezidentinin Sərəncamı, 6 oktyabr 2008 //Azərbaycan.- 2008.- 7 oktyabr.- S. 1. 2. Kitabxanalar biliklər cəmiyyətində (ikidilli Azərbaycan-Rusiya layihəsi) /layihənin rəh. Ə.Qarayev, tərt. S.Məmmədəliyeva.-B.:Nurlar, 2006.- 520 s. 3. Xələfov A. İnformasiya xidməti //Kitabxanalar biliklər cəmiyyətində (ikidilli Azərbaycan-Rusiya layihəsi) /layihənin rəh. Ə.Qarayev, tərt. S.Məmmədəliyeva.-B.:Nurlar, 2006.- S. 64-74. 4. M.F.Axundov adına Azərbaycan Milli Kitabxanasının 2008-ci il hesabatı.- 63 s. Yüklə 1,35 Mb. Dostları ilə paylaş:
|