253
Hidrogeoloji tədqiqatlarda kosmik planalma materialları aşağıdakı
məsələlərin həllində öz tətbiqini tapa bilər: yeraltı suların regional yayılma
qanunauyğunluqlarının
öyrənilməsində; kiçik- və ortamiqyaslı hidrogeoloji
xəritələmə və rayonlaşdırmada; yerüstü və yeraltı axımların formalaşma
şəraitinin tədqiqində, yeraltı və yerüstü suların qarşılıqlı əlaqəsinin
qiymətləndirilməsində.
Hazırda kosmik şəkillər çay vadilərinin qumlu massivlərində, qırılma
pozulmalarının və süxurların yüksək çatlılığının sulu zonalarının, gətirmə
konuslarının və karst inkişaf etmiş sahələrin yeraltı sularının ümumi və dəqiq
axtarışı zamanı istifadə edilir.
Ümumi axtarışlar zamanı distansion zondlama materiallarından
istifadə:1)landşaft
indikasion xəritənin; 2)hidrogeoloji rayonlaşdırmanın xüsusi
xəritələrinin; 3)yeraltı suların axtarışı üçün perspektiv sahələrin xəritələrinin;
4)yeraltı suların dəqiq axtarışı üçün tövsiyələrin tərtib edilməsinə imkan verir
Distansion zondlama materiallarının deşifrələnməsi dəqiq axtarış işlərinin
mütləq elementlərindəndir, çünki deşifrələmə nəticəsində alınmış informasiya,
axtarış zamanı istifadə olunan hidrogeoloji xəritələrin ümumi informativliyini
artırır, yerüstü nöqtəvi və profil müşahidələrinin ərazidəki
hidrogeoloji şəraitlə
bağlanmasına və yerüstü işlərin aparılmasının daha effektiv planlaşdırılmasına
imkan yaradır.
Bu məsələlərin həllində əhəmiyyətli rolu, öyrənilən ərazidə əsas sahələri
və regional profilləri səmərəli yerləşdirməyə imkan yaradan, distansion
zondlama materiallarının çöl işlərinə başlamazdan əvvəlki deşifrələnməsi
oynayır.
Landşaft fizionomik komponentlərin formalaşması xassəsinə fəal təsir
göstərən, yer səthinə yaxın yatan yeraltı suların hidroindikasiyası çox zaman
bitki hidroindikatorların kök sisteminin dərinliyə getməsilə təyin edilir.
Burada
deşifrələmə nisbətən yaxşı işlənmiş geobotanik, geomorfoloji və kompleks
landşaft indikatorları sisteminə əsaslanır.
Gök sistemi sərhəddindən aşağıda yerləşən və praktiki olaraq bitkilərə və
ərazinin relyefinə təsir göstərməyən yeraltı suların hidroindikasiyası, onların
(yeraltı suların) minerallaşmasına və su balansına təsir göstərən atmosfer
çöküntülərinin infiltrasiyasını qiymətləndirməyə əsaslanır. Belə qiymətləndirmə
yerüstü axımların əhəmiyyətini artıran müvəqqəti su axımlarının infiltrasiyasına
və onların şəbəkəsinin sıxlaşmasına kömək edən relyefin mənfi formalarının
aşkar edilməsi hesabına aparılır. Yer səthindən sukem çirməyən laylarla ayrılan
təzyiqli suların hidroindikasiyası birbaşa deyil, dolayı yolla (distansion
zondlama materiallarında ayrılmış tektonik strukturların çöküntülərin
infiltrasiyasına və yerüstü axımın filtrasiyasına təsirinə görə) aparılır.
Həm platforma, həm də qırışıqlıq əyalətlərin yeraltı sularının
hərəkəti
üçün, distansion zondlama materiallarında lineament və ya onların sistemləri
kimi kifayət qədər dəqiqliklə ayrılan geoloji strukturların dizyunktiv elementləri
254
xüsusi əhəmiyyət kəsb edir. Qırılma pozulmalarının hidrogeoloji rolu onlara iri
yeraltı su çıxışlarının, yüksək sərfə malik quyuların, yeraltı sularla qidalanan
yerüstü axımların aid edilməsi ilə müəyyən olunur. Həndəsi (uzunluğu, eni,
uzanma azimutu), struktur (kinematika, amplitud), landşaft (bitki örtüyünün
paylanması və hidroşəbəkənin rəsmi) və deşifrələmə (foto rəng-çalar)
əlamətlərinin kompleks təhlili hidrogeoloji məqsədlər üçün məlumatların
alınmasına imkan yaradır.
Bir sıra hallarda distansion zondlama materiallarının məlumatları əsasında
qırılmaların və lineamentlərin fəzavi paylanmasının təhlili yeraltı su axımlarının
qarşısının kəsilməsi və dərində yerləşən sulu komplekslərin (artezian hövzələri)
yayılma sərhədlərinin dəqiqləşdirilməsinə imkan verir.
Dizyunktiv pozulmaların hidrogeoloji rolunun
qiymətləndirilməsi müasir
geologiyanın əhəmiyyətli, ümumi nəzəri problemi və praktiki məsələsidir. Bu
məsələnin həllində, müasir geologiyanın bir çox sahələri üçün effektivliyi
təsdiq olunmuş, dəqiq tətbiqini tapmış lineament yanaşması böyük rol oynama-
lıdır. Distansion zondlama materiallarının mövcud geoloji,geofiziki və digər
məlumatlarla kompleks istifadəsi qırılma pozulmalarının
sululuğunun qiymət-
ləndirilməsi üsulunun təkmilləşdirilməsi yollarının axtarışına kömək etməlidir.
12.4.1.Hidrogeoloji və mühəndisi - geoloji tədqiqatlarda geofiziki üsullar
İçməli suya təlabat və su təchizatı, hidrotexniki, hidromeliorativ, sənaye
və mülki tikintilərin inkişaf sürəti artdıqca hidrogeoloji və mühəndisi – geoloji
tədqiqatların həcminin və keyfiyyətinin yüksəldilməsi
zərurəti də meydana
çıxır. Belə tədqiqatlarda geofiziki üsulların tətbiqi elmi – texniki inkişafın vacib
elementlərindən biridir.
Geofiziki üsullar aşağıdakı spesifik tələblərə cavab verməlidir:
a) təbii proseslər və mühəndisi – texniki amillərin təsiri nəticəsində
məkan və zaman etibarı ilə fiziki xüsusiyyətləri dəyişən, nisbətən az
dərinliklərdə (bir neçə vahiddən onluqlara qədər, nadir hallarda ilkin yüzlüklərə
qədər) geoloji mühitin
yüksək dəqiqliklə öyrənilməsi;
b) geofiziki işlərdə vaxt və vəsait sərfini azaltmaq və təkrar müşahidələr
aparmaq üçün yüngülləşdirilmiş kiçik cihazların və üsulların tətbiqi;
c) az dərinlikli kəşfiyyatda keçilməsi çətin olmayan buruq quyularının və
dağ qazmalarının geniş istifadəsi.
Son vaxtlar hidrogeoloji, mühəndisi – geoloji və donuşluq qlyasioloji
tədqiqatlarda kompleks geofiziki üsulların tətbiqi zəruri hesab edilir ki, bu da
nəinki avtomatlaşdırılmış sistem vasitəsilə informasiyanın alınması və işlə-
nməsinin tətbiqi əsasında mühəndisi – geofizikanın elmi –
texniki səviyyəsinin
yüksəldilməsində, həmçinin geoloji mühitin öyrənilməsi və onun qorunmasının
təşkil edilməsi zamanı qeyri-geofizik mütəxəssislər tərəfindən mühitin fiziki
xassələrinin öyrənilməsində böyük əhəmiyyət kəsb edir.