251
„Smoq“ buludlarının
yerini dəyişməsi, ərazinin səhralara çevrilməsi və s. ilə
əlaqədar çox istifadə edilir.
Mühəndisi geoloji tədqiqatlarda kosmik informasiyanın tətbiqinin üçüncü
dairəsini meteohidrogeoloji şəraiti fövqəladə olan rayonların sistematik
müşahidəsi təşkil edir. Qar yığımları və qarərimə və ya buz sahələrinin
kiçilməsi rayonlarında kosmik planalmanın məlumatları
əsasında,
hidrometeoroloji proqnoz – sürüşmələrin, uçqunların və xüsusilə, sel
axımlarının proqnozlaşdırılması və öyrənilməsi hidrometeroloji amilin operativ
nəzərə alınması, yeni ekzogen geoloji proseslərin inkişafına
və vəziyyətinə
mühəndisi geoloji nəzarətin aparılması imkanını verir. Çünki sonuncular
haqqında məlumat, eyni zamanda böyük ərazilər üçün alına, onlar isə,öz
növbəsində, hidrometeoroloji məlumatlarla tutuşdurula bilər.
Geoloji mühitin qorunması və meteohidrogeoloji şəraitin izlənilməsində
aktual məsələlərdən biri aerokosmik monitorinqin (AKM) təşkilidir.
Aerokosmik monitorinq geoloji mühitin vəziyyətinin və onun təbii və texniki
amillərin təsiri altında məkan və zaman etibarilə dəyişməsinin reqlament üzrə
dövrü distansion müşahidə sistemidir. Aerokosmik monitorinqin məqsədi
geoloji mühitin vəziyyətinin operativ izlənilməsi və onun üzərində nəzarət,
lokal və regional proqnoz üçün distansion informasiyanın
istifadəsi, onların
təbii və antropogen amillərin təsiri altında dəyişməsinin öyrənilməsidir. AKM-n
obyekti, distansion zondlama materiallarında birbaşa və ya dolayı əks olunan
geoloji mühitin dəyişən hissələridir:süxurların fiziki-mexaniki və möhkəmlik
xassəsi: qrunt sularının yatım dərinliyi və minerallaşması; müasir: təbii
(sürüşmələr, uçqunlar, sellər, karstlar, seysmiklik, vulkanizm və s.) və
tektonogen (su anbarlarının sahil hissəsinin yuyulması, bataqlıqlaşma, çökmə
və s.) geoloji proseslərin inkişaf qanunauyğunluqları. AKM, istehsal sahələrinin
səmərəli yerləşdirilməsi
sxeminin tərtibində, dövlət planının ekoloji bölməsinin
perspektiv işləilməsində və s. sahələrdə istifadə edilməlidir.
Hazırda kosmik informasiya bütün kompleks ekzogen proseslərin (yamac
sürüşməsi, sel, buzlaq, karst, eol, eroziya, uçqun, tökülmə, abraziya və s.)
öyrənilməsində geniş istifadə olunur.
Məsələn, kosmik şəkillərin tətbiqi sellərin əmələ gəlməsinin
geoloji,geomorfoloji şəraitinin düzgün qiymətləndirilməsinə kömək edir.
Kosmik şəkillərdən istifadə sel hadisəsinin kiçik və ortamiqyaslı xəritələnməsi
zamanı daha effektiv olur. Burada işin əsas məqsədi selin inkişaf şəraitinin
təhlilidir. Kiçikmiqyaslı kosmik şəkillərin deşifrələnməsi: a)geomorfoloji
rayonların və ya relyef tiplərinin sərhədlərinin dəqiqləşdirilməsinə; b)tektonik
çatlar, qırıl-malar və ya lineamentlərin sıxlaşma sahələrinin sərhədləndiril-
məsinə; v)ərazinin eroziyaya uğraması və ya açılış dərəcəsinin
qiymətləndirilməsinə imkan yaradır. Ortamiqyaslı kosmik şəkillər yerüstü və
aerovizual işlərlə birlikdə ortamiqyaslı sel hövzələrinin tiplərə ayrılması üçün
əsas (lazımi) sahələrdə istifadə edilə bilər.
252
Distansion zondlama materialları müasir
buzlaşma əyalətlərinin
öyrənilməsində də tətbiq edilə bilər. Yay mövsümünün sonunda əldə edilən
müxtəlif miqyaslı distansion zondlama materiallarında, həmin zaman dağlarda
qarın əriməsi ilə əlaqədar olaraq, iri buzlaqlar və buz massivləri aşkar olunur.
Belə şəkillərdə buzlaq əmələgətirən sahələr və ablyasiya sahələri yaxşı seçilir;
buz şəlalələrinin, yan və son morenlərin vəziyyəti təyin edilir; buzlaqların
morfoloji tipi (dərə buzları, çökəklik, karst və s.) aşkar edilir. Ritmik hərəkət
edən buzlaqların monitorinqi (daimi müşahidəsi)
üçün kosmik şəkillərin
əhəmiyyətini xüsusi qeyd etmək lazımdır.
Distansion materialların tətbiqi qar uçqunlarını dağ yamaclarında qar
kütlələrinin qəflətən yerini dəyişməsi və ya uçmasını öyrənərkən qiymətli
informasiya almağa imkan yaradır, çünki kosmik şəkillərdə, qar uçqunları baş
verə bilən iri qaryığımı hövzələrini (karlar, troqlar,erozion dərələr,denudasion
çökəkliklər və s.) ayırmaq və sərhədləndirmək, o cümlədən, onların formaları,
ölçüləri, dərinliyi, səthin meyilliyi, bitki örtüyünün səciyyəsi haqqında lazımı
məlumat almaq mümkün olur.
Kosmik informasiyadan istifadə nəticəsində ,xüsulikdən
ümumiliyə doğru
tədqiqatlarla səciyyələnən yerüstü və aerogeoloji işlərə, kosmik şəkillərin
işlənilməsinə xas olan ümumilikdən xüsusiliyə doğru üsul əlavə olunur. Bu da
müsbət nəticələrə gətirib çıxarır və müxtəlif səhvlərin olması imkanlarını
azaldır, lakin müasir (aerokosmik üsul) mühəndisi geoloji tədqiqatlardan
ənənəvi aerofotoplanalma, aerovizual və yerüstü çöl işlərinin kompleksini
istisna etmir.
Distansion zondlama materiallarının tətbiqilə,
sahənin geokrioloji
şəraitinin öyrənilməsi və xəritələnməsi landşaft üsuluna əsaslanır və o,
şəkillərin xüsusi deşifrələnməsindən və deşifrələnmə
nəticələrinin
interpretasiyasından ibarətdir. Rusiyanın, Kanadanın şimal rayonlarında və
digər regionlarda daimi donma hadisələrinin və proseslərinin tədqiqat təcrübəsi
göstərmişdir ki, geokriologiyada distansion zondlama materiallarının müxtəlif
növlərinin tətbiqinə baxmayaraq, çoxzonalı kosmik fotoşəkillər xüsusilə
effektlidir.
MK-2 kamerası ilə alınmış çoxzonalı kosmik şəkillər yüksək informasiya
imkanlarına
malik olub, kiçik- və ortamiqyaslı daimi donma xəritələrinin
tərtibi üçün yararlıdır.Qeyd etmək lazımdır ki, kosmik şəkillərin geokrioloji
interpretasiya xüsusiyyəti deşifrələmə və hesablama üsullarının birgə tətbiqi ilə
bağlıdır. Bu zaman landşaft deşifrələnməsinin nəticəsi, həm hesablama zamanı
ilkin məlumatların alınması, həm də onun nəticələrinin qiymətləndirilməsi və
korreksiyası üçün istifadə edilir.
Hidrogeoloji tədqiqatlarda kosmik informasiyanın dəyəri ondan ibarətdir
ki, distansion zondlama materialları tədqiqatçılara yeraltı suların dinamikasına
təsir göstərə bilən struktur (plikatik və dizyunktiv) formaların
yerini təyin
etməkdə kömək edir.