326
Tənqid sualdır.
Tənqid refleksiyadır.
Tənqid həmişə kütlə ünvanlıdır.
Tənqid kütlədə özünə dayaq axtarır.
Tənqid bədii gerçəkliyin qnoseologiyasıdır.
Tənqid maskanı yırtıb üzü göstərmək vasitəsidir.
Tənqid dövrün neqativdə görünən portretidir.
Tənqid fərdlə susqun çoxluq arasında
əlaqələndiricidir.
Tənqid müasirliyin fenomenoloji bəyanatıdır.
Tənqid ictimai staqnasiyaların ifadə
patologiyasıdır.
Tənqid çözümdür.
Tənqid bilmədən bilmənin bilgisidir.
Tənqid çağdaş düşüncə paradokslarının təzahür
legitimliyidir.
Tənqid demokratik fikrin mövcudlğunun təsdiqidir.
Tənqid psixolojinin və bilincsizliyin faktıdır.
Tənqid motivləşdirilməmiş reaksiyadır.
Tənqid motivləşdirilmiş reaksiyadır.
Tənqid affektiv münasibətdir.
Tənqid tolerantlığın ifadəçisidir.
Və daha nələr, nələr, nələr... Yazsam yazılasıdır.
Ancaq...
aşıqsayağı söyləmələrlə qurtaraq,
mahiyyətə varaq, həyatın tarixindən, tarixin həyatından
qazandığımız təcrübəni aktuallaşdıraq və baxıb görək,
bu “tənqid” deyilən bir şey axı nəmənədir?
I hissə
“Madam Bovari” romanının müəllifi fransız Flober
hər yanda car çəkirdi ki, tənqid yaranışından xeyirxah
olmayıb. Çox ağır bir ittiham!
Güman ki, kiminsə tənqidi onu bərk sancıb və ya
nahaqdan incidib.
Soruşulur: bu fransız yazarını öz acı tənqidilə
qıcıqlandırmış Allah bəndəsinin adı və soyadı nədir?
Sualın cavabı müşküldür. Belə ki, bu faktı Flober
327
irsini tədqiq edən şünaslardan savayı bir kimsə
bilə bilməz. Dünya isə yalnız və yalnız Güstav Floberi
tanıyır...
Azərbaycan masştabında çoxmu adam Cəfər Xəndan
adlı bir tənqidçidən xəbərdardır? Əlbəttə ki, yox. Amma
Əlağa Vahid milli ədəbiyyatımızın dünənki əfsanəsidir.
Vaxtilə vulqar sosioloji dalğaya köklənmiş Cəfər Xəndan
Vahidin ən amansız tənqidçisi olub. Özü də elə bir
ifşaedici tənqidlə çıxış edib ki, bundan sonra şairi
tut, apar, güllələ.
Hərçənd bu tənqid heç nə ilə
sonuclanmayıb. Nədən ki, sovet ideologiyası şürbi şair
Vahidi özünə ciddi rəqib saymırdı. Nəsə... sözümün canı
bu ki, əgər mən teatrşünasın da bu gün Cəfər Xəndanla
ilişikli bir məlumatım varsa, Əlağa Vahidə görə var.
Çünki məhz qəzəlxan Vahid tənqidçi Cəfər Xəndanı lətifə
qəhrəmanına çevirib və folklor müstəvisində, urvatsız
bir şəkildə olsa da, “yaşadıb”...
Hələ indiyə kimi heç bir uşaq deməyib ki, mən
böyüyüb tənqidçi olacağam...
Mədəniyyət peşələr
cərgəsində beləsini görmür.
“Mən tənqidçiyəm” cümləsinin gizlətdiyi məxfi məna
budur ki, mən dahiyəm, hamıdan üstünəm, fikir
mütləqliyinə iddialıyam. Busa psixi pozğunluq
əlamətidir, latent nərgizlikdir, klinik təzahürdür.
Permanent tənqidçilik nonsensdir; şairliksə mümkündür.
Ondan ötrü ki, obyektdən kənarda tənqidçi yoxdur.
Obyekt
qurtaranda onun tənqidi də, tənqidçisi də
qurtarır: amma nəzəriyyə, təbii ki, poetika statusunda
qalıb öz ömrünü yaşaya bilər.
TƏNQİDİ fikir tarixinə FƏLSƏFƏ gətirir.
FƏLSƏFƏ tənqiddən yaranır.
Toplum sanır ki,
TƏNQİD köhnənin süpürgəçisidir,
yeninin müjdəçisi. Deməli,
tənqidin ictimai rolu
pozitivdir. Bu, belə qəbul edilib.
Olsun.
Hərçənd bu məqalə kontekstində mən çalışmışam ki,
tənqidin tarixi missiyasını və məğzini dekonstruksiya
eləyim.
328
Birinci növbədə onu söyləyim ki,
TƏNQİD
İNSTİNKTDİR! Məhz tənqid insanı seçmək dilemması
qarşısında qoyur. Tənqid bilincsizlikdə latent formada
mütəmadi olaraq oyaqdır.
“Kritik” sözü nə deməkdir? Baxım, təhlil, fikir,
rəy. Hər bir orqanizm buna instinktiv şəkildə
proqramlaşdırılıb. Bədən “mən”dən öncə “baxır”,
“fikirləşir”, “təhlil edir”, “rəy çıxardır”, “qərar
verir”. Nədən ki, təbii seçmə tənqid situasiyasıdır,
tənqidin lokusudur. Sürüdə dişilərin güclü erkəyə
üstünlük verib onu Öcülə çevirmələri
təbii seçmədə
mövcud tənqid rudimentidir. Tənqid instinkti düzgün
seçimi və özünümüdafiəni aktuallaşdırır.
Bəs aşkar, xalis tənqidin meydana gəlməsi nə ilə
əlaqələnir? Sənət, ədəbiyyat aləmində tənqidi hansı
psixoloji səbəblər törədir?
Bu qəfil, kəskin və öyrəşmədiyimiz suallar,
bildirmələr izaha möhtac.
Elə isə “tənqid”, “kritika” yox ha,
sözünün
mənasına və açımına doğru.
Əvvəlcə
“etioloji xəritə”nin mərkəzi iki tezisi:
a)
tənqid toplumun (ictimai rəyin) bəşəri dəyərləri
saf-çürük eləmək (seçmək) vasitəsidir, yoludur;
b)
tənqid insanın instinktiv müdafiə reaksiyasının
mədəniyyət şəbəkısinə köçürülmüş təzahürüdür.
Tənqid kanonları, streotipləri hifz etmə amacıdır,
tanış olmayandan, özgəsindən qorunma cəhdidir. Məntiqi
nəticə budur ki,
tənqid həmişə yeninin tənqididir. Siz
əgər
fikir vermisinizsə, ədəbiyyat və sənət tarixinin
bütün mərhələlərində
tənqid obyektləri ya yeni
fikirdir, ya yeni sözdür, ya da yeni formadır. Və
yeninin tənqidi, o öz estetik qanunlarını, poetikasını
yaradana qədər, davam edir. Ta bundan o yana yenisi
köhnəsidir.
Kontrversiya:
tənqid həmişə köhnənin tənqididir.
Məsələ bu ki, yenisi köhnənin tənqidi kimi formalaşır
və bununla da özünü köhnənin tənqid obyektinə çevirir.