332
formalaşır. Bəşər tarixinin ilk tənqidi atanın
tənqididir. Gərçi ata varsa, onun tənqidi də var. Bu
tənqid həsəd və qorxudan yoğrulur, özünütəsdiq
hissindən peyda olur.
Bəşər tarixinin ilk tənqidi oğulun tənqididir.
Gərçi oğul varsa, onun tənqidi də var. Bu tənqid
instinktiv
şəkildə gerçəkləşən özünümüdafiənin
təzahürüdür.
Ata köhnəsidir, oğul - yenisi. Yəni tənqid əbədi
təkrarlanan situasiya olub inkarı inkar üzərində
qərarlaşır. Məhz bu müstəvidə
tənqid eposdan,
lirikadan, dramdan önə keçir, avanqard pozisyonda yer
tutur. Deməli, ədəbiyyat yaranmamışdan əvvəl də tənqid
mövcud idi.
Tənqid mifin başlanğıc situasiyasıdır. Əgər başqa
cür desək, mif tənqiddən başlayır.
İstərdim ki, bu məsələni bir az da gəlişdirim.
Bunun üçün öncə Avstriya psixiatrı Ziqmund Froydun
“Totem və tabu” əsərinin əsas situasiyasını qısa
şəkildə danışacağam. Filoloji düşüncə tərzinə köklənmiş
bu psixiatra görə qədim insanlar sürü halında
yaşayarkən dişilər bir Ataya, - Öcülə, - məxsus
olublar. Dişilərə yaxın düşmək digər erkəklərə, yəni
oğullara, yasaq edilmişdi. Əslində, bu hələ yasaq
deyildi, dişilərlə bölüşmək istəməyən Öcülün azman gücü
qarşısında qorxu idi. Belə yaşamağın mümkün olmadığını
görən oğullar (potensial qardaşlar) bir gün yığışıb
Öcül atanı öldürdülər və onun ətini parçalayıb yedilər.
Yedilər ki, Öcülün gücünün bir hissəsi onlara keçsin.
Məqam onunla nəticələndi ki, hər oğul özünü bir ATA
bildi. Sürü ailələrə bölünüb bir toplum halına gəldi.
Froyd deyir ki, bu, bəşər tarixində misli görünməmiş
bir bayramdır. Əlbəttə ki, qorxu və həsəddən törəmiş
bir bayram.
Amma və lakin… sonradan oğullar anladılar ki,
doğma atalarını öldürüblər; və bir gün ayıldılar ki,
özləri də Ata olublar: deməli, onları da qarşıda
“motivləşdirilmiş” qətl gözləyir. Odur ki, oğullar Ata,
333
- Öcülü, - totemə çevirdilər. Dedilər ki, yox,
bizim Atamız ölmədi, onun ruhu köçüb, - barmaqlarını
tuşladılar hər hansı bir heyvanın üstünə, - bax, bu
heyvanda yaşayır. Beləliklə, həmin heyvan oldu totem və
onun
ətinin yeyilməsi yasaq buyruldu. Totem
müqəddəsləşdi, ona tapındılar. Bununla da Atanı
öldürməyə əbədi qadağa qoyuldu. Nevrozların təbiətini
öyrənəndə Froydun fikirlərinin doğruluğu həməncə
aydınlaşır…
Hərçənd bu məqalə kontekstində məni maraqlandıran
əsas məsələ qaşılıqlı inkar problemidir. Atanın inkarı
atanın oğullar tərəfindən “tənqidi”dir ki, ölümlə, qan
tökülməsilə nəticələnir. Öcül-Ata da öz növbəsində
oğulları inkar edir ki, bu da oğulların “tənqidi”dir:
onların sürüdən qovulması ilə sonuclanar. Beləliklə,
bəşər mədəniyyəti tarixində ilk tənqid faktı Atanın
“tənqidi”dir. Oğulların “tənqidi” isə Atanın artıq
gerçəkləşmiş olaya reaksiyasıdır. Bununla da qarşılıqlı
tənqid (və ya inkarı inkar) inkişafın yeni yatabını
provakasiya edir: totem meydana gəlir və Ata-Oğul
münasibətlərini tamam başqa bir müstəviyə yönəldir ki,
burada Öcül müqəddəslik nişanələri ilə
“mükafatlandırılır”. Məhz Ata-Öcülün tənqidi ailə və
dinin yaranmasını şərtləndirir.
Hər bir ailə dinə möhtacdır.
Dinin qoruyucusu ailədir.
Ata olmayanda din olmur, din olmayanda Ata olmur.
Harada din qurtarır, oradan anarxiya, orgiya
başlayır.
Orgiya sürünün (kütlənin) əlamətidir.
Öcül (rəhbər, başçı) həmişə latent orgiya
təhrikçisidir. Diktatorların hamısı bu və ya digər
şəkildə həmişə orgiya ilə bağlı olublar.
Atanın Öcülə çevrilməməsi üçün oğulların tənqidi
mütləqdir.
Ailə və orgiya bir araya sığmayan anlayışlardır.
Onlar heç vaxt bir-birilə görüşə bilməz. Əgər
görüşərsə, onlardan biri həməncə məhv olub gedər.
334
Onda belə çıxır ki, ilk tənqid eyni zamanda
orgiyaçılığın tənqididir, Öcülün (məxfi Atanın)
orgiyaçılığa olan meylinin, həvəsinin tənqididir.
II hissə
“... və onlara dedi: “Eşitdiyinizi mənimsəyin.
Hansı ölçü ilə ölçərsinizsə, sizə də həmin ölçü ilə
yanaşılacaq”. Bu, sitat Müqəddəs Markın nəql etdiyi
İncildəndir. Bax, budur əsl tənqid parametri: ölçü.
Məgər dünyada ən darıxdırıcı şey qanun və ölçü deyil?
“Mühakimə etməyin, mühakimə olunmazsınız”. Tənqidin
tənqidi yoxsa tənqid əleyhinə ilk üsyan? Xisləti
nəsranilikdən (xristianlıqdan) gəlir.
Öcülü
(Atanı) öldürdülər və öldürülməkdən
qorxdular.
Ancaq... məsələnin başqa bir çaları da məlum:
atalıq iddiası mübarizə, qarşıdurum təhrikçisidir. ATA
(ÖCÜL, BAŞÇI, RƏHBƏR, AĞSAQQAL, DAHİ) olmaqdan ötrü
mütləq qalib olmalısan. Deməli, tənqid mübarizə
vasitəsidir, mübarizə üsuludur. Belə ki, hər bir
mübarizə nəyinsə inkarından (mütləq tənqid) başlayır.
Bu mənada TƏNQİD İNKAR FƏLSƏFƏSİDİR. Inkar hər hansı
bir mübarizədə yeni ideyanın aqressiya leytmotividir.
İdeya öz xislətindəki inkar motivilə aqressivləşir. Və
qəribəsi budur ki, inkar dışında ideya nonsensdir.
İnkar ideyanın hərəkət və inkişaf dinamikasının
təminatçısıdır. Amma həqiqət bu ki, mübarizə heç vədə
heç bir kimsəyə xeyir gətirməyib: nədən ki, qutsal
enerjini tükəndirir. Mübarizə (deməli, inkar, tənqid)
inkişafın
əsas atributudur. Lakin... heç kəs
qətiyyətlə, birmənalı şəkildə deyə bilməz ki, bu
“inkişaf” adlandırılmış bir təzahürün qarşısında müsbət
işarəsi dayanır, yoxsa mənfi? Tənqid mübarizə
avanqardıdır, mübarizə müjdəçisidir. O, mübarizə
fəlsəfəsinin, inkar fəlsəfəsinin daşıyıcısıdır. Və
yalnız daşıyıcısı... Elə ona görədir ki, tənqid heç
vaxt tarixin əfsanəsinə dönüb “əbədiləşmir”, yalnız
Dostları ilə paylaş: |