175
MƏSCİD. Ərəbcə “məscid” sözü “təzim etmək”, “diz
çökmək” mənalarını ifadə edən “səcədə” kəlməsindən
düzəldilmədir. Xalçaya isə ərəblər “səccadətun” deyir.
Səcdə xalça ilə bağlı davranışdır. Ayaqaltına salınmış
xalça səcdəyə eyhamdır. Azan vaxtı yetişdikdə mömin
insan ibadət xalçasını istədiyi yerdə (şəriətə əsasən
paklığı bəlli olan) döşəyib namaz qıla bilər. Bununla
da müsəlman hər hansı bir məkanın hər hansı bir
guşəsində ibadət xalçasını açmaqla müqəddəs hücrə,
mikroməscid effekti meydana gətirir. O, real dünya
parametrlərində tanrı ilə kontakta çıxmaqdan, Allah
hüzurunda bulunmaqdan ötrü sanki özünə sakral məkan
yaradır, gerçəkliklə bütün əlaqələri müəyyən müddətə
kəsir, ətrafına, dünyaya, bədəninə maksimal şəkildə
yadlaşır, bir növ maddiliyini itirib zaman içindən
kənara “sıçrayır”, əbədiyyətin qapılarına gəlir,
ruhsal, kosmik bir zonada qərarlaşır. İbadət məqamında
müsəlmana söhbət eləmək, yemək, içmək, gülmək,
öskürmək, ağlamaq, namaz rükətlərinin hərəkət
partiturasında verilmiş davranış qəlibini pozmaq
qadağandır. Heçnə müsəlmanın fikrini, diqqətini günün
bu sakral ibadət dönəmlərində Allahından yayındıra
bilməz. Namaz tanrı ilə konfidensial kosmik rabitə
üçün şəxsi vəsiqədir. Onda belə söyləmək olar ki,
məscid Allaha səcdənin icra edildiyi ibadət
xalçasından başlayır... Amma mümükündür ki, bu vaxt
müsəlmanın canamazı olmasın. Fars dilində “canamaz”
sözü “namaz yeri” mənasını özündə qapsayır. Hərçənd
möhür, möhür qabı, təsbih, daraq qabı, qiblənüma
(qibləni göstərən kompas), ibadət xalçası da kompleks
şəkildə “canamaz” anlamının içinə daxildir. Düzü,
artıq uzun illərdir ki, Azərbaycanda “canamaz” sözü
namaz yeri kimi yox, daha çox namaz atributlarının
kompleksi qismində başa düşülür. Məsələnin həqiqəti bu
ki, müsəlmana canamazsız, yəni namaz atributları
olmadan da ibadət etməyə icazə verilir. Müsəlman
məscid olmadıqda xavrada, kəlisada namaz qılmağa
iznlidir. Dəstəmaz üçün su tapılmadıqda o, torpaq, daş
176
vasitəsilə paklaşa bilər. Möminin ixtiyarı var ki,
adi bir daş parçası götürüb ondan möhür əvəzinə
faydalansın. Yəni islamda ibadət namaz yerini və
atriburlarını mütləq vacibliyi olan bir nəsnə saymır.
Önəmli şərt üzü qibləyə dayanıb rükətləri icra etmək,
daha doğrusu, müqəddəs duaları oxumaqdır. Hətta burada
xəstə, səfərə çıxmış adamlar üçün də islam güzəştlər
nəzərdə tutur. Ancaq bir şey güzəştsizdir: namaz
zamanı sən mütləq qibləni bilməlisən. Qibləsiz ibadət
yoxdur. İbadət müsəlmanın üzünü qibləyə çevirməsiylə
başlayır... Bu o deməkdir ki, islamda ibadət müstəqim
şəkildə məkanla bağlıdır. Bu fikri bir ayrı cür də
səsləndirmək mümkün: islam dünyasında ibadətin şərti
məkandır. İbadət məkanını müsəlmanın özü təşkil edir.
Müsəlman aləmində fərdlə tanrının ünsiyyətini məkan
tənzimləyir. Deməli, o yerdə ki namaz qılınır, ibadət
edilir, ora məsciddir. MƏSCİD İBADƏT EDİLƏN, SƏCDƏ
OLUNAN YERİN MƏKAN KONKRETLİYİDİR. Lakin... və bir də
lakin... Əgər mömin öz ibadəti üçün hər yerdə lokal,
fərdi mikroməscid təşkil edə bilirsə, o zaman MƏSCİD
bir tikili statusunda müsəlmana nədən ötrü lazımdır?
Birbaşa deyim, aydın olsun, sonra keçim izahına.
Məscid, ilk növbədə, müsəlman cümələrinin məscididir,
icmanın bir yerə toplaşmasının
şərtidir,
zəruriliyidir, dini kommuna obrazıdır, müqəddəs
KARVANSARADIR. Məscid özündə hər zaman karvansara
ideyasını yaşadır. Di gəl ki, bununla belə... Məscid
bir tikili kimi öz zahiri quruluşu, forması etibarı
ilə ən qədim və primitiv memarlığa refleksiyadır.
Vizual mədəniyyət sistemində öz gerçəkliyini tapmış
bütün estetik formalar kişi və qadın başlanğıclarına
xas obrazların müxtəlif variasiyalarda imitasiyasıdır.
Məscid kompleksində də minarə və gümbəz məhz bu
başlanğıcları eyhamlaşdırır, onların ideal
birgəliyini, törədici qüdrətini simvolik şəkildə
sərgiləyir.
Əvvəlcə “minarə”nin etimolojisindən
başlayım. Söz “manara” sözündəndir, ilkin anlamı “od
yandırılan yer” və ya “od parıltısı salan yer” olub.
177
Yəqin ki, zərdüştlikdə od qüllələrilə bağlıdır.
Minarə vertikal duruşlu insanı da andırır, “əlif”
hərfini xatırlatdığı üçün tanrını da simvolizə edir
2
.
Məkan içrə minarə öz oxu ətrafında bükülmüş ehramdır.
Gümbəz isə müsəlman memarlığı ansamblında üfqi
istiqamətdə ortadan kəsilmiş ehramı xatırladır. Minarə
horizontal xəttin vertikal vasitəsilə yuxarı dünyaya
sıçrayışıdır. Gümbəz isə sanki yaradılış üçün hazır
palçıq (torpaq) kündəsidir. Toposferada gümbəz elə bil
ki hamilə qadının yumrulanmış qarnına işarədir. Minarə
öz sakral enerjisini məhz gümbəz vasitəsilə məkana
paylaşdırır.
MƏSCİD Ortaçağ memarlığının məkan “imzası”dır,
onun MƏNLİK “jesti”dir, islamın şəhərə verdiyi yaşam
vəsiqəsidir, dini emblemdir, işarədir. Bu işarə
müsəlman məskəninin daxili enerjisini, batini gücünü,
yaradıcı ruhunu həndəsi obraza, həndəsi fiqura
çevirir. Müsəlman şəhəri məkanda açılmış, məkana
döşənmiş məsciddir. Məscid isə sanki mozaika kimi
şəhəri, məkanı öz içinə yığır, onun ahəngini, ritmini
modulyasiya edir. İş bu ki, məscidin fonunda müsəlman
şəhəri miskin, əlacsız, sakit və məğmun görünür. Amma
bu, aldadıcı təəssüratdır. Müsəlman şəhəri okeanın
dibi kimi təlatümsüzdür, hərçənd... bu səssizlik
şiddətli qasırğalar törətməyə qabil. Dar, əyrim-üyrüm
küçələr, köndələn, ensiz dalanlar, biri digərinin
böyründə “bitən” yastı-yapalaq evlər, hasar-çəpərli
bap-balaca həyətlər müsəlman şəhərini, gərçi şair
diliylə desəm, yumağa oxşadır. Hər hansı bir özgəsi bu
şəhərə gələndə elə sanır ki, labirintə düşüb:
məhəllələrin görkəm eyniliyi ilə rastlaşır, bənzər,
əkiz binaları, qəfəsli, kiçik pəncərələri bir-birindən
ayıra bilmir. Çünki məkanın fərq nişanələri ona heç
nə “pıçıldamır”. Avropalı müsəlman şəhərində bir nəsnə
tapmır ki, özünə oriyentir seçsin. O, hər zaman məkana
xof və şübhə ilə yanaşır. Özünü sirr və məxfiliklərlə
dolu bir dünyada hiss edir və sonucda formalar
yeksənəqliyindən cana doyur, bezir. Müsəlman şəhəri
Dostları ilə paylaş: |