199
gətirməsidir. Bu mənada zühur, forma, hadisə seyr
dünyanın “oxunan” və “yozulan” sintaqmasını təşkil
edir. Forma zaman və məkanın kəsişdiyi nöqtədə
mövcuddur. Tanrı, ruh, enerji, cövhər isə zaman və
məkan dışına çıxıb dünyanın “oxunması” və “yozulması”
çətin, gizli, məxfi sintaqmasını müəyyənləşdirir.
Cövhər formaya keçəndə sirrini eyhamlaşdırır. Tanrı,
ruh, enerji zühuru ilə bəlli olur. Onlar ölçüyə
gəlmirlər. Zühur isə konkret ölçülərə malik forma
deməkdir. Forma varsa, şübhəsiz, bu formanın bir
tamaşası da var: yəni o, cövhərin reprezentasiyası
kimi, cövhərin misallar sistemində hüzuru kimi daima
sərgidədir, seyr obyektidir. Elə dünya da ona görə
teatr adlanır ki, bura tanrının, ruhun, enerjinin
görüntü aldığı oyun məkanıdır, tamaşa məkanıdır,
formaların qurub-quraşdırıldığı fəza taxçasıdır. O
yerdə ki, formalar əriyib itir, ora “FƏZA” deyilir.
Bəs ünsiyyət nədir? Məkanı, forması varmı onun?
Dünyanın formalar muzeyində ünsiyyətin şəkli yox. Onu
görmək və göstərmək mümkünsüz. Ünsiyyət tanrı, ruh,
enerjilə eyni bir sintaqmada cərgələnir və fəza
boşluğunda sərbəstcəsinə ora-bura axır. Ünsiyyət (söz,
danışıq) yalnız dünya efirində mövcuddur, ruhla,
enerjilə idarə olunur, fəzaya süzülüb sonsuzluğa
gedir.
“Ünsiyyət nədir?” sualına cavab tapmaq müşkül
məsələ. Adamın ilk ağlına gələn budur ki, ünsiyyət
söhbətdir, söz deməkdir, söz eşitməkdir, kiminləsə
dialoq aparmaqdır. Amma susub da ünsiyyətdə bulunmaq
mümkün. Əbəs söyləmirlər ki, baxışlar da danışa bilir.
Lallar səssizlik içində jestlərlə söhbət qururlar.
Korlar əllərini formaların üstü ilə sürüşdürə-
sürüşdürə dünyanın “dilini açırlar”. İnsan canlı və
cansız aləmlə, kosmosla və tanrı ilə daimi, permanent
ünsiyyətdədir, təmasdadır. Və bununla belə ünsiyyət
problemdir, müəmmadır. O nəsnə ki var, amma sən onu
görə bilmirsən, ona toxuna bilmirsən, onu dada
bilmirsən, deməli, həmin nəsnə möcüzdür, virtualdır.
200
Ünsiyyət də elə bu cür bir şeydir, insanla qəbir
evinəcən birdir, nəfəs kimi, ruh kimi bir şeydir, olum
əlamətidir. “Mən” çıxılsın “ünsiyyət” bərabərdir
“tənhalıq”: buradan isə faciəyə, ölümə bir addımlıq
məsafə qalır. Ünsiyyətin astar üzü təklikdir. “Mən”
ünsiyyətsiz “mən” ola bilmir, özünü tanıya bilmir,
özünü dərk edə bilmir. Ünsiyyət toplum içrə “mən”in
yaşam nişanəsidir, sosial mövcudluğun atributudur.
“Mən”in toplumsal dəyəri onun ünsiyyət yaratmaq
bacarığı ilə müəyyənləşir. Hərçənd bir olqu
bildiricisi kimi ünsiyyətin nə rəngi var, nə biçimi,
nə də forması. Hamıya bəllidir ki, insan barmağı ilə
öz ağzını göstərmək iqtidarında deyil. Belə ki, dodaq
var, dil var, diş var, damaq var, daha doğrusu,
onların konkretliyi var; ağız yoxdur, konkretliyi də
yoxdur. Söz isə ağızdan izhar olur.
1
Və bu sirri bir
kimsə bilə bilmir. Ağız dodağın, dilin, dişin, damağın
evidir, onların birgəliyidir. Ünsiyyət də insanlığın
yaşadığı virtuaL, ölçüdən kənar super evdir. Çünki
ünsiyyət, ilk növbədə, prosesdir, “insanlar arasındakı
əlaqələrin qurulması və inkişafı prosesidir”.
2
Bu
proses birgə fəaliyyətdə bulunmaq və informasiya
mübadiləsində olmaq tələbi ilə diktə edilir.
Psixologiya elmi ünsiyyətin üç tərəfini fərqləndirir:
kommunikativ, interaktiv və perseptiv. Kommunikativ
tərəf birbaşa informasiya ilə, bilgiylə ilişikli
tərəfdir. İnsanların məqsədləri, niyyətləri onların
ünsiyyətini
şərtləndirir. Bu prosesdə
təkcə
informasiya “hərəkətə gətirilmir”, həm də bilgilər,
məlumatlar, rəylər dəqiqləşdirilir, zənginləşdirilir.
Kommunikativ prosesin vasitələri nitqdir, optik-
kinetik (jest, mimika, pantomima), para və
ekstralinqvistik (intonasiya, ibarə, pauza)
sistemlərdir, ünsiyyətin zaman və məkan içrə təşkili
sistemidir, bir də ki “gözlərlə kontakt” sistemidir.
Kommunikativ prosesin səciyyəsi budur ki, ünsiyyət
subyektləri bir-birinin davranışına təsir göstərməyə
çalışırlar, özünün özgəsində ideal şəkildə təmsil
201
olunmasına, yəni özgə gözlərində personaya
çevrilməsinə səy göstərirlər. Bunun üçün gərək
ünsiyyət dili bir ola və ünsiyyətin gerçəkləşdiyi
situasiyanın dərki eyni ola. Ünsiyyətin interaktiv
tərəfi dedikdə qarşılıqlı münasibətlərin, daha dəqiq
olmaq naminə, əməli fəaliyytin ümumi strategiyası başa
düşülür. Bu strategiya özündə ya kooperasiyanı
(əməkdaşlığı), ya da rəqabəti qapsayır. Birinin
əsasında saziş, həmrəylik dayanır, o birisi konflikt
müstəvisində qərarlaşır. Bu, interaktiv ünsiyyətin
təməl prinsipidir. Ünsiyyətin perseptiv tərəfi başqa
şəxsin obrazının formalaşma prosesini özündə ehtiva
edir. Bu o deməkdir ki, subyekt özgəsinin fiziki
parametrləri güzgüsündə onun psixoloji portretini
yaradır, rəftarının xüsusiyyətlərini təxmini şəkildə
müəyyənləşdirir. Belə məqamda başqa insanın dərk
edilməsinin (qavranılmasının) iki mexanizmi
aktuallaşır: identifikasiya (bənzətmə, tanıma, bilmə)
və refleksiya (bu adamı ətrafı necə görür).
3
Bu
sitatlaşdırdığım məsələlər məlum və bəlli. Ünsiyyət
subyekt - obyekt bağlantısıdır və bu bağlantını təmin
edən vasitələr mövcuddur. Amma bununla belə mən yenə
deyə bilmərəm ki, ünsiyyətin özü nədir, forması nədir,
harada peyda olur, harada tükənir. Çünki onun konkret
bildiricilər sistemi yoxdur; ünsiyyətin obrazı yoxdur,
ünsiyyətin maddiliyi yoxdur və o, efemerdir,
müvəqqətidir, ötəridir, məkana sığmır. Əvəzində
ünsiyyətin qabı var, cihazı var. Belə ki, insan
ünsiyyət istehsalçısıdır, ünsiyyətin yaradıcısıdır,
müəllifidir; yəni o özündən ünsiyyət yapır. Ünsiyyət
zor və istəm (iradə) dışındadır, ruhun oyunudur, ruhun
özünü tanıtmasıdır, ruhun səsidir, ruhun mikro
sərgüzəştləridir. Söhbət hələ ünsiyyət demək deyil,
amma ünsiyyət əlamətidir. “Üns” sözü ərəbcədən azəri
türkcəmizə
tərcümədə “yaxınlaşma”, “dostlaşma”,
“mehribanlaşma” mənalarında anlaşılır. Məsələ bu ki,
söhbətin ünsiyyətə çevrilib-çevrilməyəcəyi bir qayda
olaraq müəmma kimi qalır. Çünki ünsiyyəti “mən”in
Dostları ilə paylaş: |