3
yekun, aksiomatik və vacib göstərişlər kimi müəyyən etmək olar. Məhkəmə hakimiyyətinin, o
cümlədən ədalət mühakiməsinin həyata keçirilməsi zamanı onlara riayət edilməsi qanunçuluq
və hüquq qaydasının zəruri şərtidir.
Azərbaycan Respublikası Konstitusiyasında eksplisid prinsiplər “Ümumi müddəalar”
bölməsinin birinci fəsilində öz əksini tapmışdır. Həmin prinsiplər, dövlətin əsaslandığı əsas
dəyərləri əks etdirməkdən başqa, qanunvericilik və icra hakimiyyəti orqanları tərəfindən
qaydalarına riayyət edilməli olan normalardı. Qeyd olunan normalar subyektiv hüquq və
hüquqi vəzifələri yaradaraq, məhkəmələr tərəfindən müdafiə olunmalıdır.
İnsan və vətəndaşın pozulmaz və ayrılmaz hüquq və azadlıqları Azərbaycan
Respublikasının Konstitusiya quruluşu konsepsiyasının əsasını təşkil edir. Azərbaycan
Respublikası Konstitusiyasında vahid konstitusiya quruluşu prinsipləri məhz bu əsaslar
üzərində müəyyən olunur.
Birinci növbədə bu ən ali dəyər kimi insan və vətəndaş hüquq və azadlıqları və insanın
cəmiyyət və dövlətdə hüquqi vəziyyətini müəyyən edən digər prinsiplərdir; hüquqi dövlətçilik,
sosial dövlətçilik, iqtisadi zona və azad iqtisadi fəaliyyətin vahidliyi, mülkiyyətin müxtəlif
formalarının bərabər müdafiəsi və s.
Eyni zamanda, həmin prinsiplər dövlət hakimiyyətinin quruluşunu müəyyən edir:
demokratiya və xalq suverenliyini, Azərbaycan Respublikasının dövlət suverenliyini,
hakimiyyətin qanunvericilik, icra və məhkəmə sistemlərinə bölünməsini, dövlət hakimiyyəti ilə
yerli özünüidarətmənin fərqləndirilməsi və s.
Azərbaycan Respublikası Konstitusiya Məhkəməsi öz qərarlarında eksplisid prinsiplərə
dəfələrlə əsaslanıb. Belə ki, 29 oktyabr 2010-cu il tarixli Qərarında Konstitusiya
Məhkəməsinin Plenumu qeyd edib ki,Hüququn müxtəlif sahələrinin normaları Konstitusiyada
demokratik, hüquqi dövlətin təbiətini və mahiyyətini əks etdirən, insan və vətəndaş hüquq və
azadlıqlarının təminatını nəzərdə tutan prinsiplərə əsaslanmalıdır.
Konstitusiyanın 25-ci maddəsində bəyan edilən bərabərlik prinsipi insan hüquq və
azadlıqlarının hər hansı ayrı-seçkilik olmadan ədalətli qaydada eyni hüquqi imkanlar
əsasında həyata keçirilməsini nəzərdə tutur. Həmin maddənin V bəndində nəzərdə tutulur ki,
dövlət orqanları və hakimiyyət səlahiyyətlərinin daşıyıcıları ilə münasibətlərdə hər kəsin
bərabər hüquqları təmin edilməlidir. “Hakimiyyət səlahiyyətlərinin daşıyıcıları” dedikdə,
əsasən dövlət orqanlarının və bələdiyyələrin vəzifəli şəxsləri başa düşülür. Onlar eyni faktiki
hallara malik olan işlərdə eyni qərarlar qəbul etməli və bu qərarı qəbul edərkən hər hansı
şəxsə (fiziki və ya hüquqi şəxsə) qarşı yalnız bərabərlik hüququnu rəhbər tutaraq
yanaşmalıdır”.
3) Konstitusiyanın ayrılmaz hissәsi hesab olununan hәr hansı implisid
normalar mövcuddur? Mövcud olmalarını necә izah etmәk olar? Zaman
keçdikcә hәmin normalar necә formalaşır? Qeyd olunan normaların mәnşәyi hәr
hansı hüquq mәnbәlәrindәn irәli gәlir? (mәs. Konstitusiya hüququ vә ya
beynәlxalq hüquqdan irәli gәlәn konstitusiya prinsiplәri). Hüquqşunas alimlәr vә
ya cәmiyyәtin digәr qruplarının nümayәndәlәri, konstitusiya ilә tәsbit olunmuş
prinsiplәrin inkişafına öz töhfәlәrini vermişdilәrmi?
Konstitusiya Məhkəməsi tərəfindən müxtəlif normaların şərh edilməsi və qanuniliyin
yoxlanılması təcrübəsində Konstitusiya ilə təsbit olunmamış, lakin müvafiq sosial
münasibətlərə, ədalət və hüquqi müəyyənlik üzrə fundamental təsir göstərən, o cümlədən
ictimai, dövlət və kommersiya maraqlarının balansını qoruyan, dəyərlərin formalaşması
müəyyən olunur.
Belə ki, Qanun və məhkəmə qarşısında hər kəsin bərabərlik prinsipindən Məhkəmə,
hüquq normasının müəyyənliyi, aydınlığı, ikimənalı olmaması prinsipini müəyyənləşdirmişdir.
Qanun və məhkəmə qarşısında hər kəsin bərabərliyi, normanın eyni cür şərhi və anlaşılması
şərti ilə təmin edilə bilər.
4
Belə ki, hüquq normasının müəyyənliyi prinsipi Qanunvericiyə irəli sürülən konstitusion
tələb kimi, öz əksini 06 avqust 2002-ci il tarixli
“Azərbaycan Respublikası Vergi Məcəlləsinin
49.3 və 49.6-cı maddələrinin şərh edilməsi haqqında” Qərarda öz əksini tapmışdır: «Hüquq
normasının müəyyənliyi, aydınlığı, ikimənalı olmamasının ümumi hüquqi şərtləri kimi hamının
qanun və məhkəmə qarşısında bərabərliyinə dair Konstitusiya prinsipindən irəli gəlir. Belə
bərabərlik hüquqtətbiqedicilər tərəfindən yalnız normanın eyni cür şərhi və anlaşılması şərtilə
təmin edilə bilər. Hüquq normasının məzmununun qeyri-müəyyənliyi isə əksinə, hüquqtətbiqi
prosesində onun qeyri-məhdud anlaşılmasına imkan yaradır və qaçılmaz olaraq özbaşnalığa,
hamının qanun və məhkəmə qarşısında bərabərliyi, eləcə də qanunun aliliyi prinsiplərinin
pozulmasına gətirib çıxarır”.
Hüquqi müəyyənlik prinsipinə riayyət edilməsi ilə, normayaradıcılıqda - insan hüquq və
azadlıqların təmin edilməsi sahəsində vahid və əvvəldən ehtimal olunan hüquqtətbiqedici
təcrübəsi üçün şərait yaradılır. Qanunvericilik akltarından əlavə, hüquqi müəyyənlik tələbi,
məhkəmə tərəfindən qəbul olunan qərarlarda da irəli sürülür.
13 iyun 2008-ci il tarixli Qərarda, Məhkəmə qeyd etmişdir ki, konstitusiya hüququnun
doktrinası hüquqi müəyyənlik prinsipini Azərbaycan Respublikası Konstitusiyasının
Preambulasında öz əksini tapan qanunun alilliyinin əsas elementlərindən biri kimi tanıyır.
Eyni zamanda Konstisusiya Məhkəməsi, qanunun aliliyindən irəli gələn mütənasiblik
prinsipini müəyyənləşdirmişdir. 29 oktyabr 2010-cu il tarixli Qərarında, Konstitusiya
Məhkəməsinin Plenumu qeyd etmişdir ki, normanın düzgün şərh edilməsi üçün,
Konstitusiyanın Preambulasında əksini tapan qanunun aliliyinin tərkib hissəsi olan
mütənasiblik prinsipi nəzərə alınmalıdır.
Mütənasiblik prinsipinə müvafiq olaraq fiziki və ya hüquqi şəxslərin hüquqi statusuna hər
hansı müdaxiləni nəzərdə tutan tədbirlər inzibati orqanın güddüyü qanuni məqsədə
mütənasib olmalı, həmin məqsədə çatmaq üçün öz məzmunu, yeri, vaxtı və əhatə etdiyi
şəxslərin dairəsi baxımından zəruri və yararlı olmalıdır.
Mütənasiblik prinsipi uyğunluq, zərurilik və yararlılıq meyarlarına cavab verməlidir.
Uyğunluq meyarına görə fərdin və ya hüquqi şəxsin hüquq və azadlıqlarını məhdudlaşdıran
hər hansı bir tədbir inzibati orqan tərəfindən nəzərdə tutulan məqsədə nail olmaq üçün uyğun
olmalıdır. Zərurilik meyarına əsasən inzibati orqan tərəfindən tətbiq olunan məhdudlaşdırıcı
tədbirlər daha az məhdudlaşdırıcı qanunvericilik vasitələrinin olmadığı yerdə, qarşıya
qoyulmuş məqsədlərə nail olunmaq üçün ən yumşaq, zəruri olmalıdırlar. Yararlılıq meyarı
qarşıya qoyulmuş məqsədlərə qeyri-mütənasib olan hər hansı həddən artıq inzibati
tədbirlərdən istifadə edilməməsini, ictimai maraqlarla tarazlaşdırmasını nəzərdə tutur”.
Azərbaycan Respublikası Konstitusiya Məhkəməsi 17 mart 2016-cı il tarixli Qərarında,
Azərbaycan Respublikasının Konstitusiyasının 73-cü maddəsinin mənasından irəli gələn
vergilərin və başqa dövlət ödənişlərinin yalnız qanunla müəyyən edilməsi prinsipinə istinad
edir.
İmplisid normalarının əsasını həm Konstitusiyanın eksplisid prinsipləri, həmdə
beynəlxalq müqavilələrdən irəli gələn ümumi beynəlxalq hüquq prinsipləri təşkil edir.
Hüqüqşunas alimlərə qaldıqda, onlar Konstitusiya Məhkəməsi tərəfindən ekspert
qismində iclaslara dəvət olunurlar və onların rəyi qəbul olunan Qərara öz təsirini göstərə
bilər.
Beləliklə, alimlər bəzi hallarda implisid prinsiplərin formalaşmasında öz töhfələri ilə
birbaşa istirak edirlər.
4) Konstitusiya
prinsiplәrinin
müәyyәnlәşdirilmәsindә
Konstitusiya
Mәhkәmәsinin rolu nәdәn ibarәtdir? Konstitusiya prinsiplәri Konstitusiya
Mәhkәmәsi tәrәfindәn hansı qaydada müәyyәn edilib vә edilir? Qeyd olunan
prinsiplәrin müәyyәnlәşdirilmәsindә vә tәdbiqindә Konstitusiya Mәhkәmәsi
tәrәfindәn hansı şәrhedici üsüllar istifadә olunur? (mәs. sistematik, grammatik,
tarixi, mәntiqi vә s.).