Azərbaycan Tarixi
101
Xaqanı ilə sülh bağlamağa məcbur olur və xaqanın qızı ilə
evlənib bu müqaviləni möhkəmləndirir.
Cavanşirin Albaniyanın siyasi
müstəqilliyini qorumaq
naminə Xilafətə və Xaqanlığa güzəştə getmək siyasəti bəzi
yerli bütpərəst hakimlərin narazılığına səbəb olurdu. Onlar
hökmdar Cavanşirə qarşı sui-qəsd hazırlayırlar. 680/681-ci ildə
Alban hökmdarı Cavanşir sui-qəsd nəticəsində öldürülür.
Cavanşirin ölümü Xəzər Xaqanlığı ilə bağlanmış sülhü təhlükə
qarşısında qoyur. Xəzər Xaqanı kürəkəninin intiqamını almaq
üçün Albaniyaya qoşun göndərir. Albaniyanın yeni hökmdarı
Varaz Tridat çox çətinliklə olsa da Xaqanlıqla sülhü bərpa edib,
Xəzər Xaqanlığının qoşunlarının ölkədən çıxarılmasına nail
olur.
Xilafət hökmdar Cavanşirin ölümündən sonra tədricən
Albaniyanın müstəqilliyini məhdudlaşdırmağa başlayır. 715-ci
ildə Albaniya vassal dövlət statusunu itirdi. Albaniyanın
hökmdarı öz hakimiyyətini formal olaraq saxlayırdı. Əslində
isə ölkə ərəb canişinləri tərəfindən idarə olunurdu. Beləliklə,
şimallı – cənublu bütün Azərbaycan ərəblərin hakimiyyəti
altına düşdü.
7.3. Azərbaycan xalqının müsəlmanlığı qəbul etməsi.
Xilafətin işğalına qədər Azərbaycan əhalisi Sasani –
Bizans
müharibələrindən, xəzərlərin hücumlarından çox əziyyət
çəkmişdi. Ona görə də xalq ərəb istilaçılarına gətirdikləri İslam
dininin bərabərlik, səadət və əmin-amanlıq vədlərinə inam və
ümid bəsləyirdi.
İlk vaxtlar ərəblər vergi və töycüləri toplamaqla kifayətlə-
nib xalqların dini inamlarına toxunmurdular və ölkədə əmin-
amanlığı qoruyurdular. Həm də Azərbaycanda Xilafətin topla-
dığı vergi və töycülər Sasanilərin
hakimiyyəti dövründəkindən
xeyli az idi. Bu da xalqın ərəblərin gətirdiyi yeni dinə rəğbətini
və inamını artırırdı.
Ərəbistanda olduğu kimi Azərbaycanda da yalnız bütpə-
rəstlər zorla, yəni qılınc gücünə müsəlmanlaşdırılırdılar. Yerdə
Qəzənfər Rəcəbli
102
qalan əhalidən isə məbləği öncədən xəbər verilmiş vergidən
başqa, heç bir əlavə vergi toplanmırdı. Əhli-Kitab xalqlardan
(müsəlmanlardan, xristianlardan və cuhudlardan), həmçinin
atəşpərəst azərbaycanlılardan “cizyə” (can vergisi) yığılmırdı.
Azərbaycanda öncə düzən bölgələrin əhalisi İslamı qəbul
etmişdir. Çünki ərəblər əsasən düzən bölgələrdə məskunlaşmış-
lar. Ərəblər dağlıq şəraitə adət etmədiklərindən dağlıq
bölgələrə
getmir və onların dağlılara təsiri çox az idi. Azərbaycanda İs-
lam dinini çox erkən vaxtlarda qəbul edənlər sırasında yerli feo-
dallar və hakimlər öndə gedirdilər; çünki onlar ərəblərin sima-
sında özlərinin sosial dayaqlarını görürdülər; İslamı qəbul et-
məklə onlar özlərinin mülklərini və torpaqlarını qorumuş olur-
dular. Şəhərlərin əhalisi kəndlərin əhalisinə nisbətən müsəl-
manlığı daha tez qəbul edirdi. Çünki İslam ticarət və sənətkarlı-
ğın inkişafı üçün təminatlı şərait yaradırdı.
Müsəlmanlıq Azərbaycanın cənub torpaqlarında şimal
vilayətlərinə nisbətən çox erkən qəbul edilmişdir. Bu da şimal
vilayətlərinin əhalisinin etnik baxımdan çox rəngarəng olması
ilə bağlı idi. Etnik baxımdan fərqlənən müxtəlif soyların hər
birinin öz inam, etiqad, adət-ənənələri var idi. Daxili qayda-
qanunların, etiqadların, adət-ənənələrin
çox güclü olduğu müx-
təlif soylar İslamın qanunlarına çox ehtiyatla yanaşırdılar.
Qaynaqlarda xəlifə Əli (ə.) dövründə ərəblərin kütləvi
surətdə Azərbaycana köçürülməsi barədə və onlara yerli əhalini
İslama daha fəal dəvət etmək tapşırığı verilməsi barədə məlu-
mat vardır. Məhz, bu dövrdə Azərbaycanın cənub torpaqlarına
hakim təyin edilmiş əl-Əşas ibn Qeys Ərdəbil şəhərində cümə
məscidi tikdirdi. Bu Azərbaycanda ilk müsəlman məscidi idi.
Azərbaycanda ilk müsəlman məscidləri əsasən ərəblərin
məskunlaşdıqları şəhərlərdə tikilirdi. Sonralar isə Azərbaycanın
hər bir yaşayış məntəqəsində məscidlər tikilməyə başladı. Bu
məscidlər yerli əhalinin İslamı qəbul etməsində fəal rol
oynayırdılar. Beləliklə, ilk ərəb istilasından
keçən təqribən üç
Azərbaycan Tarixi
103
əsr ərzində bütün Azərbaycanda əhalinin əksəriyyəti İslamı
qəbul etdi.
Ərəblərin Azərbaycana gəlmələri Xilafət tərəflərindən
aparılan işğalçılıq müharibəsinin nəticəsində baş vermişdi. Bu
baxımdan Xilafətin istilaları bir tarixi hadisə kimi
pislənməlidir. Lakin tarixdə baş verən digər istilalardan fərqli
olaraq, Xilafətin Azərbaycanı istilası həm niyyətinə görə, həm
də sosial-siyasi nəticələrinə görə çox müsbət, mütərəqqi tarixi
hadisə idi.
Xilafət istilalarının niyyəti yeni
və ən mütərəqqi din olan
İslamı yaymaq idi. Ərəb istilalarının nəticəsi olaraq Azərbaycan
xalqı daha mütərəqqi din olan İslamı qəbul etdi, onun dünyada
ən kamil sayılan əxlaq normalarına yiyələndi. Bu istila
nəticəsində İslam dini bütün Azərbaycanı vahid dövlət
tərkibində birləşdirdi. Bu da bir tərəfdən Azərbaycanı böyük
müsəlman ölkələri iqtisadi bazarına qoşdu, bu bazar vasitəsilə
dünya iqtisadi bazarına çıxardı ki,
nəticədə Azərbaycan
iqtisadiyyatı daha sürətlə inkişaf etmək imkanına nail oldu.
Digər tərəfdən Azərbaycanda çox saylı etnosların və soyların
vahid din vasitəsilə qaynayıb-qarışmasına və vahid Azərbaycan
xalqının təşəkkülü prosesinin sürətlənməsinə şərait yaratdı.
İslam dinini qəbul etməkdə Azərbaycan xalqı böyük
müsəlman mədəniyyətinə qovuşdu. Müsəlman mədəniyyəti isə
təxminən min illik bir tarixi dövrdə dünyada mədəni birinciliyi
əlində saxlamışdır. Azərbaycan xalqı müsəlman mədəniyyəti
dünyasına daxil olmaqla ondan çox şeylər əxz eləmiş,
bəhrələnmiş və öz növbəsində onun zənginləşməsində fəal
iştirak etmişdir. Müsəlman mədəni dünyasının
nümayəndələri
olan azərbaycanlılar dünya ədəbiyyatının, incəsənətinin və
elminin inkişafına təsir göstərmiş, öz qiymətli töhfələri ilə onu
zənginləşdirmiş və ümumbəşəri mədəniyyətin yaradılmasının
iştirakçıları olmuşlar.
Qəzənfər Rəcəbli
104
Ədəbiyyat:
1. Azərbaycan tarixi. 7 cilddə, 2-ci cild. s.84-236.
2. Azərbaycan tarixi. Dərslik. s. 236-256.
3. Z.M.Bünyadov. Azərbaycan VII-IX əsrlərdə. Bakı.
1989.
4. N.Vəlixanlı. Ərəb Xilafəti və Azərbaycan. Bakı, 1993.