BAŞ-BOYUN ŞİŞLƏRİ
52
truksiya etdikdə, beyin əsasına sirayət etdikdə aparılır
və əlavə
rentgenoloji məlumatların alınmasına imkan verir.
Baş-boyun nahiyəsinin şişlərinin diaqnostikasında aşağıdaki kontrastlı
rentgenografiya metodlarından istifadə olunur:
−
sialoqrafiya – qulaqətrafı və çənəaltı ağız suyu vəzilərinin axacaq-
larına kontrast maddə (urotrast, verotrast, kardiotrast) vurularaq
aparılan rentgenoloji müayinə metodudur. Bu metoddan böyük ağız
suyu vəzilərinin xoş və bədxassəli şişlərinin diaqnostika və
diferensial diaqnostikasında istifadə olunur.
−
angioqrafiya – baş-boyun nahiyəsinin damar mənşəli, həmçinin qan
təchizatı yaxşı olan şişlərinin (angiofibroma, hemodektoma, qal-
xanabənzər vəzi xərçəngi) diaqnostikasında istifadə olunur. Angio-
qrafiya damar mənşəli şişlərin aşkar olunmasına,
həmçinin şişin
əsas qan təchizatı mənbəyinin aşkar edilməsinə imkan verir. Angio-
qrafiya zamanı kontrast maddə xüsusi kateter vasitəsilə xarici yuxu
və ya körpücükaltı arteriyalara yeridilir.
Kompüter tomoqrafiya (KT). Metodun mahiyyətini orqanizmin orqan
və toxumalarından yelpikvari rentgen şüaları dəstinin keçməsi nəticəsində on-
ların köndələn nazik kəsiklərinin alınması təşkil edir. KT rentgen borularının
və həssas detektorların insanın bədəni ətrafında hərəkəti zamanı həyata ke-
çirilir. Rentgen şüaları xəstənin bədənindən keçdikdən sonra detektorlar tərə-
findən qəbul edilir və elektrik siqnallarına çevrilir. Elektrik siqnalları kom-
püterə daxil olaraq orada orqan və toxumaların təsvirini əmələ gətirir, alınmış
təsvir isə televizorun ekranına ötürülür.
KT adi rentgenoqrafiya ilə müqayisədə aşağıdakı mühüm
üstünlüklərə
malikdir:
• Bütün toxuma növlərinin (sümük, qığırdaq, əzələ, piy) təsvirinin
alınmasının mümkünlüyü
• Nəinki müayinə olunan orqanın, həmçinin həmin səviyyədə («kə-
sikdə») yerləşən ətraf toxumaların da ölçülərinin, formalarının, to-
poqrafo-anatomik münasibətlərinin təyini
• Köndələn kəsikləri üst-üstə qoymaqla orqanların boylama təsvirinin
alınması
• Patoloji ocağın ölçülərini bir neçə dəfə böyütməklə müayinə olunan
orqanın ölçülərinin
dəqiqləşdirilməsi
• Sıxlığı arasındakı fərq 15-20% olan toxumaların dəqiq təsvirinin
alınması (rentgenoqrafiyada bu fərq 0,5%-dən çox deyildir)
• Müalicənin effektivliyi haqqında fikir yürüdülməsi
• Ölçüləri hətta bir neçə millimetr olan şişlərin təyin edilməsinin
mümkünlüyü
Fəsil 2. BƏDXASSƏLİ ŞİŞLƏRİN DİAQNOSTİKASI
53
İlk eksperimental KT 1971-ci ildə Londonda EMİ səsyazma studiyasında
işləyən mühəndis Qodfri Haunsfild (Godfrey Hounsfeld) tərəfindən yaradılmış,
1973-cü ildə kliniki praktikada istifadə edilməyə başlamışdır. İlk nəsil KT
aparatlarında bir detektora yönəlmiş bir rentgen borusundan istifadə olunurdu.
Skanerləşdirmə addımbaaddım həyata keçirilir, hər kəsiyin alınmasına
rentgen
borusunun bir dövrəsi, təsvirin bir qatının alınması üçün 4 dəqiqəyə qədər vaxt
tələb olunurdu.
İkinci nəsil KT aparatlarında yelpikvari tip konstruksiyalardan istifadə
olunmağa başlandı. Belə ki, rentgen borularının fırlanma halqasındə bir neçə
detektor quraşdırıldı, nəticədə bir təsvirin işlənməsi müddəti 20 saniyəyə qədər
azaldıldı.
Üçüncü nəsil kompüter tomoqraflar spiral kompüter tomoqrafiyanın
(SKT) əsasını qodu. SKT zamanı rentgen boru və detektorlar sistemi fasiləsiz
hərəkət edən stol ətrafında dayanmadan fırlanırlar.
SKT-dan istifadə kontrast
maddələrin (əsasən, yod tərkibli) damarlardan keçməsinin müəyyən (arterial və
ya venoz) fazalarında müayinənin tez bir zamanda aparılmasına imkan verdi və
nəticədə yeni bir müayinə metodunun (KT-angioqrafiya) yaranmasına gətirib
çıxardı.
Dördüncü nəsil KT aparatlarına multispiral kompüter tomoqrafiya
(MSKT) aid edilir. İlk MSKT aparatları rentgen borusunun, müddəti 0,5 saniyə
olan bir fırlanma dövrəsində qalınlığı 0,5 mm olan 4 kəsiyin aparılmasına
imkan verirdilər. Hal-hazırda əksər MSKT aparatları 4-16 spirallıdır. 2005-ci
ildən başlayaraq dünyanın ən qabaqcıl klinikalarında 32-64 spirallı və rentgen
borularının dövrə müddəti 0,3 saniyə olan ən müasir MSKT aparatlarından
istifadə olunur. MSKT spiral KT qarşısındaka əsas üstünlükləri aşağıdakılardır:
– müayinə müddətinin daha az olması,
– nazik (1,0-1,5 mm) və çox nazik (0,5 mm) kəsiklərin alınması,
– kontrast müayinənin keyfiyyətinin daha yüksək olması (kontrast
müayinənin arterial və venoz fazaları daha dəqiq ayırd edilir),
– xəstəyə şüa yükünün daha az (30%-ə qədər) olması aiddir [şəkil
2.3].
KT
müayinəyə mütləq əks göstəriş, demək olar ki, yoxdur. Metod istə-
nilən vəziyyətdə (hətta ağ ciyərlərin süni ventilyasiyası şəraitində) icra edilə
bilər. Müayinənin şüa yükünü nəzərə alaraq hamilə qadınların və kiçik yaşlı
uşaqların müayinəsində KT aparılmasının vacibliyi konkret vəziyyətin nəzərə
alınması ilə həyata keçirilir.
BAŞ-BOYUN ŞİŞLƏRİ
54
2.7.2. Radionuklid müayinə
Radionuklid müayinə onkologiyada istifadə olunan əksər
diaqnostika
metodlarından fərqli olaraq orqanlarda olan struktur dəyişikliklərlə bərabər şiş
toxumasında və ətraf toxumalarda metabolik proseslərin pozğunluqlarının
qiymətləndirməsinə də imkan verir. Metod bədxassəli şişlərin diaqnostikasında
mühüm əhəmiyyət kəsb edib, yüksək dürüstlüyü, az travmatikliyi, sadəliyi ilə
seçilir. Bu diaqnostika metodu radiofarmasevtik preparatların (RFP)
müxtəlif
orqan və toxumalarda seçici aşkar edilməsinə əsaslanır. RFP – tərkibində ra-
dioaktiv izotop olan və diaqnostik və ya müalicə məqsədi ilə insan orqanizminə
yeridilməsinə icazə verilən kimyəvi birləşmələrdir.
Bədxassəli şişlərin diaqnostikasında istifadə olunan RFP şərti olaraq 2
qrupa bölünür.
• Şişi əhatə edən toxumalarda toplanmaq xüsusiyyəti olan (orqa-
notrop) RFP. Bu zaman birincili şiş və onun metastazları özünü
«dolma defekti» – «soyuq ocaqlar» şəklində göstərir (neqativ ssin-
tiqrafiya).
• Şiş hüceyrələrində toplanmaq qabiliyyəti olan (tumorotrop) RFP.
Bu qrup RFP mitotik və metabolik aktivliyi yüksək olan şiş toxu-
masında daha çox toplanması nəticəsində «isti ocaqlar» müşahidə
olunur (pozitiv ssintiqrafiya).
Baş-boyun nahiyəsinin bədxassəli şişlərinin diaqnostikasında hansı
orqanın müayinə olunmasından asılı olaraq aşağıdakı PFP-dan istifadə olunur:
Şəkil 2.3. Kompüter tomograf