Fəsil 2. BƏDXASSƏLİ ŞİŞLƏRİN DİAQNOSTİKASI
61
Şəkil 2.9. Distansion termoqraf
2.7.5. Termoqrafiya
Termoqrafik müayinənin mahiyyəti insanın bədən səthindən spontan is-
tilik şüalanmasının qeydiyyatı və nəticədə müayinə olunan nahiyənin termoq-
rafik təsvirinin («temperatur şəkillərinin») alınmasından ibarətdir. Onkolo-
giyada, əsasən, distansion infraqırmızı termoqrafiyadan istifadə olunur ki, bu
zaman müayinə olunan obyektin səthindən yayılan
temperatur xüsusi skaner-
ləşdirici optik aparatın köməkliyi ilə qeydiyyata alınır [şəkil 2.9].
Normal termoqrafik təsvir bədən səthindən yayılan hərarətin səviy-
yəsindən asılı olaraq ağ-qara və müxtəlif intensivlikli rəngli sahələrdən ibarət-
dir. Normada hərarətin insanın bədən səthi boyu paylanması orta xəttdən dəqiq
simmetrikliyi ilə xarakterizə olunur. Temperatur şəklinin asimmetriyası əksər
hallarda patoloji proses nəticəsində müşahidə olunur.
Əksər bədxassəli şişlər zamanı termoqrammalarda patoloji hipertermiya
müəyyən edilir (temperatur fərqi 2-6
0
təşkil edə bilər). Bu şiş toxumasında
müşahidə olunan aşağıdakı amillərlə izah olunur:
• Mübadilə proseslərinin daha yüksək səviyyəsi ilə
• Hüceyrə bölünməsinin intensivliyinin artması ilə
• Anaerob
qlikolizin üstünlüyü ilə
• Qan cərəyanının daha yüksək intensivliyi ilə
• Əlavə qidalandırıcı damarların formalaşması ilə
BAŞ-BOYUN ŞİŞLƏRİ
62
Termoqrafiyadan aşağıdakı məqsədlərlə istifadə olunur:
− bədxassəli şişlərin xoşxassəli şişlərlə, qeyri-şiş xəstəlikləri ilə və il-
tihabi proseslərlə diferensial diaqnostikası
− şişin topik diaqnostikası
− radikal müalicədən sonrakı dinamik müşahidədə residiv və metas-
tazların erkən diaqnostikası
− şiş prosesinin gedişinin proqnozlaşdırılması (proqnoz patoloji hiper-
termiyanın səviyyəsi ilə korrelyasiya olunur)
− şüa və dərman müalicəsinin effektivliyinin qiymətləndirilməsi. Bu,
aparılan konservativ müalicə nəticəsində dinamikada
patoloji hi-
pertermiyanın enməsinə əsaslanır. Göstərilən dinamikanın olmama-
sı şişin aparılan müalicə metoduna rezistentliyinə dəlalət edir ki, bu
da müalicə taktikasının dəyişdirilməsinə əsas verir.
Müayinənin effektivliyinin (şiş və normal toxumadan ayrılan hərarət fər-
qinin) artırılması məqsədi ilə aktiv termoqrafiya adlanan üsuldan da istifadə
olunur. Aktiv termoqrafiya fiziki-kimyəvi təsirlərdən (hipotermiya, hiperbarik
oksigenasiya, hiperqlikemiya) sonra aparılır ki, nəticədə şiş toxuması nahi-
yəsindəki hərarət daha 0,5-2
0
-yə qədər artır. Digər bir aktiv hipertermiya üsulu
karbohidrat və ya qlükoza yükü testidir. Bədxassəli şişlər qlükozanı böyük
miqdarda özündə toplayaraq onu süd turşusuna qədər parçalayırlar ki, bu za-
man şiş nahiyəsindən ayrılan hərarətin səviyyəsi daha da artır.
Termoqrafik
müayinədən, əsasən, qalxanabənzər və ağız suyu vəzisi, sümük
və yumşaq toxuma şişlərinin, sümük şişlərinin metastazlarının, melanomanın,
həmçinin limfoproliferativ xəstəliklərin diaqnostikasında istfiadə olunur.
Metodun dəqiqliyi dəri melanomasında 85-90%, baş-boyun nahiyəsinin
yumşaq toxuma və sümük sarkomalarında 80-85%, qalxanabənzər vəzi xər-
çəngində 50-60 % təşkil edir.
Termoqrafiyanın üstün cəhətlərinə aşağıdakılar aiddir:
• Zərərli olmaması
• Xəstə və tibbi personalın şüa təsirinə məruz qalmaması
• Müayinənin tezliyi
• Alınan nəticələrin interpretasiyasının
sadəliyi
• Yüksək diaqnostik effektivliyi
2.7.6. Endoskopik müayinə
Endoskopik müayinə bədxassəli şişlərin əsas diaqnostika metodlarından
biridir [şəkil 2.10-2.11]. Baş-boyun nahiyəsi şişləri arasında qırtlağın, udlağın
və burun boşluğunun əsas müayinə metodlarından biri olaraq aşağıdakı əsas
vəzifələrin həllinə kömək edir:
• Bədxassəli şişin ilkin diaqnostikası
Fəsil 2. BƏDXASSƏLİ ŞİŞLƏRİN DİAQNOSTİKASI
63
• Bədxassəli şişin dəqiqləşdirici
diaqnostikası (lokalizasiyası,
ölçüləri, anatomik forması)
• Şişdən götürülən bioptatın
histoloji müayinəsi nəticəsin-
də onun morfoloji strukturu-
nun
təyini
• Müalicənin effektivliyinin qiy-
mətləndirilməsi və dispanser
endoskopik nəzarət
• Burun boşluğu, udlaq və qırt-
laq şişlərinin endoskopik xaric
edilməsi və nəticədə onların
bədxassəli şişə transformasi-
yasının qarşısının alınması
Endoskopiyanın aşağıdakı növləri
ayırd edilir:
−
standart endoskopiya boş-
luqlu orqanların
selikli qişa-
sında minimal ölçüsü 0,5 sm-ə
qədər olan şiş ocaqlarının aş-
kar olunmasına imkan verir;
−
xromoendoskopiya standart
endoskopiya zamanı selikli qi-
şanın rənginin, relyefinin, da-
mar şəklinin qiymətləndiril-
məsi çətinliyi olduğu hallarda
aparılır.
Bu zaman müxtəlif
boyayıcı maddələr istfiadə
olunur (Lüqol məhlulu, me-
tilen abısı). Selikli qişa Lüqol
məhlulu ilə boyandıqda bəd-
xassəli şiş olan nahiyə boyan-
mamış qalır, digər sağlam na-
hiyələr isə tünd qəhvəyi rəngə
boyanır. Metilen abısından is-
tifadə etdikdə isə, əksinə, şiş
törəməsi göy rəngə boyanır,
digər nahiyələr isə boyanmır;
−
darspektrli endoskopiya
(NBI – narrow-band imaging).
Şəkil 2.10. Rinilaringofibroskop
Şəkil 2.11. Rəgəmli
videoendoskopiya