BAŞ-BOYUN ŞİŞLƏRİ
70
(məsələn, dilin qanaxma ilə ağırlaşmış yayılmış xərçəngi zamanı xarici yuxu
arteriyasının bağlanması, stenozverici qırtlaq xerçəngində asfiksiya təhlükəsi
zamanı – traxeostomiya, udlağın tam disfagiya ilə ağırlaşmış xərçəngi zamanı
qastrostoma).
3.2. Minimal-invaziv müalicə metodları
Son onilliklərdə açıq cərrahi əməliyyatlara alternativ kimi minimal in-
vaziv cərrahiyyədən və minimal invaziv (kriogen, lazer, ultrasəs, fotodinamik)
ablasiya metodlarından geniş istifadə olunur. Şişin ablasiyası termini (latın di-
lindən ablatio – kənar etmək, məhrum etmək) birbaşa kimyəvi və ya termiki
təsir etməklə şiş hüceyrələrinin məhvi mənasını verir.
Kriodestruksiya patoloji şiş ocağının maye azotla dondurulması yolu ilə
məhv edilməsinə əsaslanır [şəkil 3.1]. Bu zaman baş verən hüceyrə destruksi-
yası buzun təsirindən onların dehidratasiyası, buz kristalları ilə hüceyrə struk-
turlarının zədələnməsi, donmuş toxumada qan dövranının dayanması ilə
xarakterizə olunur.
Kriodestruksiya nəticəsində
şiş hüceyrələrinin məhvi tempera-
tur-vaxt rejimindən asılıdır. Şişlərin
kriodestruksiyası üçün əsas para-
metrlər aşağıdakılardır: temperatu-
run səviyyəsi, kriogen təsirin müd-
dəti, dondurma-donun əriməsi sik-
lində temperaturun dəyişmə sürəti
və s. Hüceyrənin məhvi üçün «kri-
tik temperatur» müxtəlif toxumalar
üçün fərqli olub mənfi 25-4
0
C inter-
valında tərəddüd edir. Kriodestruk-
siya bir neçə (adətən, 2-3) sikldən
ibarət olub kriogen təsirin müddəti
bir sikldə 2-10 dəqiqə arasında də-
yişir. Dondurulan şişin kütləsindən
və lokalizasiyasından asılı olaraq
donun əriməsi müddəti 3-15 dəqiqə
təşkil edir.
Kriodestruksiyadan dəri, do-
daq, ağız boşluğu, yuxarı tənəffüs
yollarının şişlərində geniş istifadə
olunur. Radikal kriogen müalicəyə
göstəriş erkən mərhələli (T
1
-T
2
) şiş-
Şəkil 3.1. Avtomatik kriogen gurğu
Fəsil 3.
BƏDXASSƏLİ ŞİŞLƏRİN MÜALİCƏSİNİN ÜMUMİ PRİNSİPLƏRİ
71
lərdir. Bu müalicə metodundan həmçinin digər müalicə metodlarından (şüa,
cərrahi, kombinəolunmuş) sonrakı qalıq və residiv şişlərdə, şüa müalicəsinə
rezistent şişlərdə, yaşlı və ciddi yanaşı xəstəliyi olan şəxslərin müalicəsində
istifadə olunur.
Metodun üstün cəhətləri aşağıdakılardır:
− şiş toxumasmm tam dağılmasının mümkünlüyü
− müdaxilənin nisbi ağrısız olması
− perifokal reaksiyanın minimal olması
− dondurmanın hemostatik effekti
− kobud çapıqların alınmaması nəticəsində yaxşı kosmetik effekt
Metodun çatışmayan cəhətlərinə aiddir:
− birdəfəlik dondurulma heç də həmişə şişin bütün kütləsinin məhvinə
gətirib çıxarmır, ona görə də təkrari təsirlər tələb olunur.
− şiş iri damarların yaxınlığında olduqda hüceyrələrin tam məhv ol-
ması üçün optimal hərarəti (mənfi 20-18°C) yaratmaq mümkün
olmur ki, bu da residivlərin əmələ gəlməsinə səbəb olur.
Hal-hazırda kriodestruksiya üçün istifadə edilən aparatlar iki növə bölü-
nür: kriopüskürdücülər və krioapplikatorlar. Kliniki praktikada sonunculara üs-
tünlük verilir, belə ki, bu zaman şişə müvafiq müxtəlif formalı və ölçülü ucluq-
lar seçməklə ətraf sağlam toxumaların zədələnməsinin qarşısını almaq müm-
kündür. Kriopüskürdücülər pulverizasiya prinsipi ilə işləyir və yuxarıda göstə-
rilən xüsusiyyətə malik deyildir.
Lazer cərrahiyyəsi. Optik kvant generatorlarının (lazerlərin) qeyri-adi
xüsusiyyətləri; şüalanmanın böyük sıxlığı, dəqiq istiqamətlənməsi, şüa dəstinin
fokuslaşdırılmasının mümkün olması onların onkologiyada istifadə edilməsinə
imkan verir. Lazer şüalarının təsir mexanizmi tam öyrənilməsə də müəyyən
edilmişdir ki, onun bioloji obyektlərə təsiri nəticəsində termik, ultrasəs, elek-
trokimyəvi, fotokimyəvi və digər effektlər alınır. Morfoloji tədqiqatlar nəticə-
sində müəyyən edilmişdir ki, lazer şüalarının təsiri nəticəsində toxumalarda
elektrokoaqulyasion nekrozu xatırladan dəyişikliklər baş verir. Lazerin ən
yüksək şişəleyhinə effekti onun kimyəvi dərman preparatları və şüa müalicəsi
ilə birgə işlədilməsi zamanı alınır.
Hal-hazırda kliniki praktikada lazerlərin bir neçə tiplərindən istifadə
olunur. Bura bərk hissəcikli lazer (rubin kristalları və s.) qaz tərtibli lazer (he-
lium, neon, karbon qazı və s.) və mikroskoplu lazer (lazer mikroskopu) aiddir.
Baş-boyun onkologiyasında lazer cərrahiyyəsindən gözdaxili şişlərin, dəri, ağız
boşluğu və qırtlağın şişönü, xoş və erkən bədxassəli şişlərinin müalicəsində
geniş istifadə olunur.
Ultrasəs müalicəsi. Hal-hazırda kliniki praktikada bədxassəli şişlərin
müalicəsi üçün istfiadə olunan ən perspektiv ultrasəs müalicə metodu
yüksək intensivlikli fokuslaşdırılmış ultrasəs ablasiyasıdır (HIFU – Hight
BAŞ-BOYUN ŞİŞLƏRİ
72
Intensity Focused Ultrasound). HIFU yeni nəsil müasir texnologiya olub,
tezliyi 4 Mhs-ə qədər, intensivliyi 3 Vt/sm2 və daha çox olan ultrasəs
şüalarının enerjisinin dərində yerləşmiş toxumalara yüksək dəqiqliklə çat-
dırılmasını nəzərdə tutur. HIFU terapiya zamanı fokus zonasında temperatur
90-100
0
C-yə çatır və qısa müddətli təsir (fasiləsiz rejimdə 1-2 saniyə,
impulslu rejimdə 2-5 saniyə) şiş hüceyrəsinin məhvinə gətirib çıxarır. HIFU
özünün yüksək effektivliyi, yanaşı təsirlərinin olmaması, ətraf toxumalara
zərər yetirməməsi və nisbi ucuzluğu ilə xarakterizə olunur. HIFU hal-
hazırda sərbəst və kombinəolunmuş mualicənin komponenti kimi süd vəzisi,
qaraciyər, prostat vəzi və mədəaltı vəzi xərçənginin, sümük və yumşaq to-
xumaların sarkomalarının müalicəsində istifadə olunur. Qeyd etmək la-
zımdır ki, bu müalicə metodu kliniki onkologiyada son 5-6 ildə istifadə olu-
nur və alınan ilkin nəticələr (ilk növbədə prostat vəzi xərçənginin mü-
alicəsində) ümidvericidir.
Fotodinamik terapiya (FDT) şişlərin yeni müalicə metodlarından olub
şişuducu preparatların (fotosensibilizatorlar) şiş toxumasında selektiv toplanma-
sına və müəyyən uzunluqlu işıq şüalarının təsiri ilə toxumalarda fotoreaksiyaların
əmələ gəlməsilə əsaslanır. Fotosensibilizə olunmuş şiş hüceyrələrinin işıq
şüalarının təsiri altında məhv olması «fotodinamik terapiya» adlanır [şəkil 3.2].
FDT – ikikomponentli müalicə metodudur. Onun bir komponenti şiş
toxumasında toplanan və orada normal toxumaya nisbətən daha çox ləngiyən
fotosensibilizatordur. Digər komponent işıq, adətən, lazer şüalarının təsiridir.
Fotosensibilizator toplanmış şiş toxuması müxtəlif uzunluqlu işıq şüaları ilə
şüalandırıldıqda baş verən fotokimyəvi reaksiyalar qeyri-toksiki triplet ok-
sigenin (III O
2
) yüksək sitotoksiyi olan sinqlet (I O
2
) oksigenə çevrilməsinə
və sərbəst oksigen radikallarının əmələ gəlməsinə səbəb olur ki, bu da şiş
toxumasına toksiki təsir göstərir. Nəticədə şiş rezorbsiya olunur və tədricən
birləşdirici toxuma ilə əvəz olunur. FDT ənənəvi müalicə metodlarından
(cərrahi, şüa, kimyəvi) şiş toxumasının yüksək zədələnmə dərəcəsi, ağır yerli
ağırlaşmalarının olmaması, təkrarı müalicə seanslarının aparılmasının
mümkünlüyü ilə fərqlənir. FDT zamanı birinci nəsil fotosensibilizator olan
fotohemdən (fotofril, fotosan) və 2-ci nəsil fotosensdən və porfizindən daha
çox istifadə edilir.
FDT üçün işıq mənbəyi kimi lazer [şəkil 3.3] və qeyri lazer şüalarından
(ksenon, civə lampaları, işıq diodları) istifadə olunur.
FDT ən çox dərinin bədxassəli şişlərində (bazalioma, yastıhüceyrəli xər-
çəng, melanoma) istifadə olunur. Eyni zamanda ağız boşluğu, qırtlaq xərçən-
gində onun istifadəsi haqqında məlumatlar vardır. FDT zamanı fotosensi-
bilizator ya venadaxilinə yeridilir, ya da dəri səthinə çəkilir. Müəyyən vaxtdan
sonra xərçəng hüceyrələri fitosensibilizatoru absorbsiya edir və sonra həmin
nahiyə şüalandırılır. Şüalanma preparatın oksigen ilə reaksiyaya girməsinə şə-
rait yaradır, nəticədə əmələ gələn kimyəvi birləşmələr xərçəng hüceyrələrini
Dostları ilə paylaş: |