BAŞ-BOYUN ŞİŞLƏRİ
64
Metodun mahiyyətini boşluqlu orqanın selikli qişasının dar bir
zolağının göy (415 nm) və yaşıl (540 nm) işıq dalğaları ilə şüalandı-
rılması təşkil edir. Dalğalar hemoqlobin tərəfindən udulur və nəti-
cədə selikli qişanın damar şəklinin iltihabi proses, şişönü xəstəliklər
və erkən xərçəng üçün xas olan təsviri alınır. Alınan müxtəlif rəngli
kontrast təsvir virtual xromoskopiya effektini yaradır.
2.7.7. Morfoloji müayinə
Şişlərin diaqnostikasının yekun etapı diaqnozun morfoloji təsdiqidir. Onko-
loji xəstənin müalicəsi, adətən, şiş prosesinin morfoloji təsdiqindən sonra başlayır.
Bu məqsədlə sitoloji və histoloji metodlardan istifadə olunur. Sitoloji müayinənin
məqsədi patoloji materialın hüceyrə tərkibinin, histoloji müayinənin məqsədi isə
toxuma tərkibinin öyrənilməsindən ibarətdir.
Sitoloji müayinə hal-hazırda onkoloji praktikaya geniş daxil olmuşdur.
Baş-boyun nahiyəsi orqanlarının anatomo – topoqrafik lokalizasiyası morfoloji
müayinənin aparılması üçün heç də həmişə biopsiya yolu ilə lazimi həcmdə
materialın alınmasına imkan vermir. Bu nahiyənin bir sıra şişlərində biopsiya-
nın aparılması texniki çətinliklərlə bağlıdır və ya məqsədəuyğun deyildir. Bu
ilk növbədə qalxanabənzər və ağız suyu vəzilərinin, çənə və əng sümüyünün,
burnun əlavə ciblərinin şişlərinə, melanomaya, boynun orqandankənar şişləri-
nə, xərçəngin boyun limfa düyünlərinə metastazlarına aiddir. Bütün bu hallarda
sitoloji diaqnostika mühüm əhəmiyyət kəsb edir.
Metodun üstünlüklərinə aşağıdakılar aiddir:
• İcrasının sadəliyi
• Travmatik olmaması
• Götürülən materialın həcminin azlığı
• Müayinə müddətinin qısalığı
• Ambulator şəraitdə yerinə yetirilə bilinməsi
• Ucuzluğu
Təcrübəli sitoloq keyfiyyətli hazırlanmış sitoloji preparata adi mikro-
skopla baxış zamanı 90-95 % hallarda düzgün diaqnoz qoya bilir ki, bu da me-
todun yüksək informativliyini göstərir. Eyni zamanda qeyd etmək lazımdır ki:
− diaqnozun sitoloji təsdiqinə baxmayaraq, əməliyyat zamanı çıxarıl-
mış şiş histoloji müayinədən keçməlidir;
− əgər kliniki əlamətlər bədxassəli şişin olmasına dəlalət edirsə, lakin
sitoloji müayinə bunu təsdiq etmirsə, şiş törəməsinin biopsiyası və
bioptatın histoloji müayinəsi aparılmalıdır. Ancaq bundan sonra
bədxassəli şiş diaqnozunu təsdiq etmək olar.
Sitoloji müayinə üçün material aşağıdakı metodlarla alınır:
• Punksion metod adi şpris və şişin punksiyası yolu ilə həyata keçiri-
Fəsil 2. BƏDXASSƏLİ ŞİŞLƏRİN DİAQNOSTİKASI
65
lir. Punksiya vizual nəzarət, həmçinin USM və KT nəzarəti altında
həyata keçirilə bilər.
• Ekskoxleasion metod şiş nahiyəsindən qaşıntı yolu ilə materialın
götürülməsidir.
• Eksfoliativ metod zamanı tədqiqat üçün mayelərdən (transudat və
eksudatlar), şişlə zədələnmiş orqanın səthindən götürülən yuyucu
sulardan, ifrazatlardan (bəlğəm, sidik, fistul ifrazatları) istifadə
olunur.
• Yaxma – iz əşya şüşəsinin şişin səthi ilə bilavasitə təması nəticə-
sində, həmçinin biopsiya zamanı alınan tikələrin əşya şüşəsi üzərinə
yaxılması nəticəsində əldə edilir.
• Aspirasion metod qapalı boşluqlardan (plevra, qarın boşluğu) və
boşluqlu orqanlardan (həzm, sidik ifrazedici) alınan aspiratların mü-
ayinəsini nəzərdə tutur.
Müasir kliniki praktikada, palpasiya olunmayan şişlərdə punksiya USM
və KT nəzərəti altında aparılır. Digər tərəfdən şişəleyhinə müalicə (şüa, dər-
man, fotodinamik) prosesində onun effektivliyinin qiymətləndirilməsi və son-
rakı müalicə taktikasının müəyyən edilməsi üçün şişdən götürülən punktatın
sitoloji müayinəsi mühüm əhəmiyyət kəsb edir.
Histoloji müayinə bədxassəli şişlərin diaqnostikasının son etapı olub,
biopsiya yolu ilə aparılır.
Biopsiya-diaqnostik məqsədlə morfoloji müayinə üçün canlı orqanizmin
toxumasının alınması metodudur. Biopsiyanın aşağıdakı növləri ayırd edilir:
• Punksion biopsiya toxuma sütunu alınmasına imkan verən xüsusi
iynələrlə aparılır. Qalxanabənzər və ağız suyu vəzilərinin şişlərinin,
həmçinin böyümüş limfa düyünlərinin
morfoloji müayinəsində istifadə olu-
nur [şəkil 2.12].
• Trepanobiopsiya burğu vasitəsi ilə müx-
təlif toxuma hissəciklərinin dəlinməsi
yolu ilə aparılır. Əsasən, sümük və
qığırdaq toxuması şişlərinin morfoloji
müayinəsində istifadə edilir [şəkil 2.13].
• İnsizion biopsiyada zamanı şiş toxu-
masının bir hissəsi müayinə üçün gö-
türülür. Morfoloji diaqnozun dəqiq ol-
ması üçün kəsilib götürülən şiş fraq-
mentinin ölçüləri 1,0x1,0 sm-dən az
olmamalıdır [şəkil 2.14].
• Ekssizion biopsiya bütün şiş kütləsinin
kəsilib götürülməsidir. Biopsiyanın bu
Şəkil 2.12. Punksion
biopsiya üçün iynə
BAŞ-BOYUN ŞİŞLƏRİ
66
növü, adətən, məhdud şiş proseslərində
icra edilir.
Aparılan biopsiya planlı və təcili (intraope-
rasion–frozen section) ola bilər. Biopsiyanın apa-
rılma qaydalarına aşağıdakılar aiddir:
− biopsiya əməliyyat və ya sarğı otağın-
da aseptika və antiseptika qaydalarına
riayət edilməklə aparılmalıdır.
− şişin lokalizasiyası və əməliyyatın mü-
rəkkəblik dərəcəsindən asılı olaraq bi-
opsiya yerli və ya ümumi keyitmə al-
tında aparılır.
− biopsiya şiş toxumasının dağılmaması
üçün iti alətlə icra edilməlidir.
− kəsilmiş şiş fraqmenti yaradan səliqəli
çıxarılmalıdır. Onun sıxıcı və ya pinset
ilə kobud travmatizasiyası şiş parçası-
nın fraqmentasiyasına, şiş hüceyrələ-
rinin yara səthinə yayılmasına və şişin
böyüməsinin stimulyasiyasına səbəb
ola bilər.
Biopsiya zamanı şiş toxuması törəmənin
mərkəzindən deyil, periferiyasından kəsilib götü-
rülməlidir. Bu onunla izah olunur ki, şişin mərkə-
zində çox vaxt dağılma, nekroz, ikincili iltihab
müşahidə olunur. Bu halda morfoloqa göndərilən
materialda şiş prosesi üçün xarakterik əlamətlər
tapılmaya da bilər. Əksinə əgər toxuma fraqmenti
şişin periferiyasından, onun sağlam toxuma ilə
sərhəddindən götürülərsə, patomorfoloq mikro-
skop altında şiş ilə intakt toxumanın sərhəddini
aydın görə bilər.
Təcili histoloji müayinəni effektivliyi ədə-
biyyat məlumatlarına görə 95-98% təşkil edir,
4%-dən az hallarda isə planlı histoloji müayinəyə
ehtiyac duyulur. Baş-boyun onkologiyasında «fro-
zen section», əsasən, cərrahi sərhədlərin dəyər-
ləndirilməsində, ağız suyu və qalxanabənzər vəzi-
lərin şişlərində, qırtlaq xərçəngində, boynun «gö-
zətçi» limfa düyünlərinin qiymətləndirilməsində
istifadə olunur.
Şəkil 2.13. Trepan biopsiya
üçün qurğu
Şəkil 2.14. İnsizion
biopsiya üçün alət
Dostları ilə paylaş: |