BAŞ-BOYUN ŞİŞLƏRİ
46
− sinxron birincili – şoxlu şişlərin olması mümkündür;
− hərtərəfli baxış zamanı ciddi yanaşı patologiya aşkar oluna bilər ki,
bu da müayinənin həcminə təsir edə bilər.
Palpasiya – onkoloji xəstənin müayinəsində mühüm metoddur. Birincili
şişin palpasiyası şişin lokalizasiyası, ölçüləri, ətraf toxumaların vəziyyəti haq-
qında əlavə məlumatlar verir. Palpator olaraq şişin konsistensiyası, hərəkətli-
liyi, ətraf anatomik strukturlarla əlaqəsi aşkar olunur. Boynun palpasiyasında
limfa düyünlərinin sayı, lokalizasiyası, konsistensiyası, hərəkətliliyi müəyyən
edilir və alınmış nəticələr əsasında onların metastatik zədələnməsi haqqında
fikir yürüdülür. Palpasiya bir əllə (digər əllə baş fiksə edilir) və ya bimanual
(dəri və ağız boşluğu tərəfindən) aparılır.
Perkusiya və auskultasiya baş-boyun şişlərinin müayinəsində az (çənə
və əng sümüyünün şişlərində dişlərin perkusiyası, hemodektomalar zamanı
sistolik küyün auskultasiyası) diaqnostik əhəmiyyətə malikdir.
2.4. Kliniki fenomenlər
Bədxassəli şişlərin klinik fenomenlərinə aşağıdakılar aiddir:
• Obturasiya fenomeni – daha çox boşluqlu orqanların şişləri zamanı
müşahidə olunur və borulu orqanların mənfəzinin şiş törəməsi ilə
bilavasitə və ya kənardan sıxılması nəticəsində daralması ilə xarak-
terizə olunur. Kliniki olaraq özünü orqanın stenozu əlamətləri ilə
(disfagiya, keçməməzlik, asfiksiya və s.) göstərir.
• Destruksiya fenomeni – şişin xoralaşması zamanı müşahidə olunur,
şiş toxumasının dağılması və ya damar divarının zədələnməsi ilə xa-
rakterizə olunur. Kliniki olaraq özünü qanaxma ilə göstərir.
• Kompressiya fenomeni – şişin proqressiv böyüməsi zamanı mü-
şahidə olunur və onun sinir götüklərinə, ətraf orqanlara təzyiqi ilə
xarakterizə olunur. Kliniki olaraq özünü müxtəlif intensivlikli ağ-
rılarla göstərir.
• İntoksikasiya fenomeni – şişin kütləsinin böyük ölçülərə çatması
zamanı müşahidə olunur. Klinikada özünü xarakterik triada (ümumi
zəiflik, arıqlama, iştahanın itməsi) ilə göstərir.
• Şiş törəməsi fenomeni – özünü gözlə görünən, əllənən və ya kliniki
instrumental müayinə metodları ilə təyin edilən şiş törəməsi ilə
göstərir.
• Orqanın spesifik funksiyalarının pozulması fenomeni – ən çox
endokrin orqanların şişləri zamanı müşahidə olunur.
• Paraneoplastik sindrom fenomeni – bədxassəli şiş prosesinin tə-
siri altında əmələ gələn müxtəlif mənşəli simptomokompleksdir.
Belə ki, şiş toxuması müəyyən maddələr ifraz edə bilir ki, onlar da
Fəsil 2. BƏDXASSƏLİ ŞİŞLƏRİN DİAQNOSTİKASI
47
orqanizmdə bir sıra dəyişikliklərə gətirib çıxarır. Müşahidə olunan
bu dəyişikliklər şişin toxuma və orqanlara bilavasitə təsiri (sira-
yətetmə, metastazvermə) nəticəsində deyil, onun orqanizmdə baş
verən mübadilə və digər proseslərə təsiri nəticəsində inkişaf edir.
Paraneoplastik sindromlar xəstəliyin müxtəlif mərhələlərində müşa-
hidə oluna bilər. Ən çox rast gəlinən paraneoplastik sindromlara
aşağıdakılar aiddir:
− endokrin mənşəli sindromlar: hipertireoidizm, hiperglikemiya
− qanyaradıcı sistemin paraneoplastik zədələnmələri: anemiya,
tromboflebit və trombemboliyalar
− sinir sisteminin paraneoplastik zədələnmələri: sinir-əzələ poz-
ğunluqları, periferik nevritlər
− dərinin zədələnməsi ilə müşayiət olunan paraneoplastik dəyişik-
liklər: dermatitlər, dermatomiozitlər, hiper və diskeratozlar
2.5. Laborator diaqnostika
Əksər laborator reaksiyalar bədxassəli şiş prosesi zamanı dəyişilir. Lakin
bu, adətən, şiş prosesinin yayılmış mərhələsində, orqanizm ilə şiş arasında mü-
vazinət pozulduqda baş verir.
Qanın morfoloji tərkibi şiş prosesinin erkən, bəzən isə gecikmiş mərhə-
lələrində də dəyişilmir, yəni eritrositlər, trombositlər, leykositlər norma daxi-
lində olur. Şiş prosesinin gecikmiş mərhələsində böyüyən şiş dəmiri özündə
akkumulyasiya edir, onun həyat fəaliyyətinin toksiki məhsulları eritropoezi zə-
iflədir, qısa həyat dövrlü eritrositlər sintez olunur, anemiya əmələ gəlir. Sonra-
kı mərhələdə ağ qanda da dəyişikliklər baş verir. Limfositopeniya şişin böyü-
məsi ilə artır. Şiş prosesinin generalizasiyası zamanı eozinofiliya və monositoz
müşahidə olunur. Qeyd etmək lazımdır ki, şüa və kimyəvi müalicələr də perife-
rik qanın şəklinə təsir edərək leykopeniyaya və trombositopeniyaya gətirib çı-
xarır.
Bədxassəli şiş prosesi zamanı baş verən əsas laborator dəyişikliklər aşa-
ğıdakılardır:
• Bədxassəli şişi olan xəstələrin sidiyində poliaminlərin diaqnostik
əhəmiyyəti haqqında məlumatlar vardır. Müəyyən olunmuşdur ki,
xərçəngin əmələ gəlməsi ilə sidikdə poliaminlərin miqdarı az və ya
çox dərəcədə artır.
• Şiş prosesinin gecikmiş formalarında qan zərdabında sidik cövhə-
rinin, sümük metastazlarında isə qan zərdabında kalsiumun səviy-
yəsi artır.
• Xərçəngə çökmə reaksiyası (XÇR) - onkoloji xəstələrin qan zərda-
bında γ-qlobulin zülalının aşkar edilməsidir. XÇR eksperimentdə və
BAŞ-BOYUN ŞİŞLƏRİ
48
klinikada effektivliyi 90%-dir. XÇR şişin erkən mərhələlərində da-
ha dəqiq diaqnostik əhəmiyyətə malikdir. Şiş prosesinin gecikmiş
mərhələlərində zülalların sintezinin pozulması səbəbindən XÇR
diaqnostik effektivliyi azalır.
• Onkoloji xəstələrdə qan zərdabında heksokinazanın, xəstəliyin ge-
cikmiş mərhələlərində isə həm də adenozintrifosfatazanın (ATF) sə-
viyyəsi artır.
2.6. İmmunoloji diaqnostika
Son onilliklər ərzində immunologiyanın sürətli inkişafı ilə əlaqədar an-
tigen-antitel reaksiyasına əsaslanan çoxsaylı diaqnostika metodları işlənib ha-
zırlanmışdır. Bədxassəli şişlərin immunoloji diaqnostikası normal və şiş toxu-
malarının antigen fərqlərinə əsaslanır. İmmunodiaqnostika aşağıdakı vasitələrlə
həyata keçirilə bilər:
• Spesifik antizərdabların köməyi ilə şiş hüceyrələrində, qan zərda-
bında, sidikdə və digər maye mühitlərində sintezi müəyyən toxuma
üçün xarakterik olmayan və ya normada az miqdarda sintez olunan
atipik məhsulların aşkar edilməsi
• Orqanizmdə şişin əmələ gəlməsinə cavab olaraq bir sıra spesifik hu-
moral və hüceyrə-immun reaksiyaların baş verməsi
• Bədxassəli şişin immun sistemdə əmələ gətirdyi qeyri-spesifik də-
yişikliklərin təyini
• Biopsion və seksion materialın immunohistokimyəvi diaqnostikası
İmmunoloji diaqnostika nöqteyi-nəzərindən xəstələrin qanında və sidi-
yində şiş markerlərinin aşkar edilməsi mühüm əhəmiyyət kəsb edir.
Şiş markerləri (ŞM) normal hüceyrələrə nisbətən şiş hüceyrələrində
daha çox sintez olunan mürəkkəb tərkibli zülallardır. Şiş markerləri qanda və
digər bioloji mühitdə radioimmunoloji və immunofermentativ metodlarla
müəyyən edilir.
ŞM, adətən, şiş toxuması tərəfindən sintez olunur və qan-damar sisteminə
daxil olur, lakin onlar xərçəng hüceyrələrinin ətraf toxumalara invaziyasına
cavab olaraq normal toxumalar tərəfindən də ekspressiya oluna bilərlər. Diaq-
nostik nöqteyi nəzərdən ideal ŞM aşağıdaki tələblərə cavab verməlidir:
− ŞM sintez olunan konsentrasiyası müasir diaqnostika metodları
vasitəsi ilə təyin edilməsi üçün yetərli səviyyədə olmalıdır
− ŞM sağlam insanların və ya xoşxassəli şişi olan şəxslərin qanında
rast gəlinməməli və ya onun konsentrasiyası cuzi olmalıdır
− ŞM şiş prosesinin erkən mərhələlərində aşkar edilə bilinməlidir ki,
bu da ondan hər hansı bir şişin skrininqində istifadə etməyə imkan
verir
Dostları ilə paylaş: |