126
Bu məqsədlərə uyğun olaraq, informasiya axtarışının
dörd əsas növünü fərqləndirirlər:
- biblioqrafik axtarış;
- sənədli axtarış;
- faktoqrafik axtarış;
- analitik axtarış.
Eyni zamanda axtarış obyektinin növündən, formasın-
dan, məzmunundan və formatından asılı olaraq, infor-
masiya axtarışının aşağıdakı növləri qeyd olunur:
- Tammətnli axtarış – sənədlərin məzmunu (bütün
mətni) üzrə axtarış prosesidir. Tammətnli axtarış sis-
temlərinə nümunə kimi internetin informasiya-ax-
tarış sistemlərini göstərmək olar.
- Meta-verilənlər üzrə axtarış – sənədlərin axtarış
sistemi tərəfindən qəbul edilən atributlarına və ya
rekvizitlərinə (sənədin adı, yaradılma tarixi, ölçüsü,
müəllifi və s.) görə axtarılması prosesidir. Bura ki-
tabxana-informasiya sistemlərində istifadə olunan
elektron kataloqları aid etmək olar.
- Təsvirə görə axtarış – məzmununa görə təsvirlərin
axtarılması prosesidir. Axtarış sistemi təsvirlərin
məzmunlarını tanıyır. Axtarış nəticəsində verilmiş
təsvirə oxşar şəkillər istifadəçiyə təqdim edilir.
- Ünvanlı axtarış – axtarış sorğusunda göstərilən for-
mal əlamətlərə görə səndələrin axtarılması prosesi-
dir. Burada sənədin ünvanı dedikdə onun yaddaş
qurğusunda, informasiya saxlanclarında yerləşməsi
qaydaları nəzərdə tutulur. Ünvan qismində web-ser-
verin və ya web-səhifənin URL-ünvanı, biblioqrafik
məlumat bazasında yazıların elementləri, sənədlərin
saxlanclarda saxlanması ünvanları və s. çıxış edə
bilər.
127
- Semantik axtarış – sənədlərin məzmununa görə on-
ların axtarılması prosesidir. Burada sənədin və sor-
ğunun məzmunu təbii dildən informasiya-axtarış di-
linə çevrilir və onların axtarış obrazları yaradılır, ax-
tarışın əlavə şərtləri göstərilən axtarış təsviri tərtib
olunur.
- Sənədli axtarış – istifadəçinin sorğusuna uyğun ola-
raq, informasiya-axtarış sisteminin saxlancında ilkin
sənədlərin və ya verilənlər bazalarında ikinci dərə-
cəli sənədlərin axtarılması prosesidir. Sənədli axtarı-
şın iki növü vardır: ilkin sənədlərin axtarışına yönəl-
miş kitabxana axtarışı və sənədlər haqqında biblioq-
rafik yazılar şəklində təqdim olunmuş məlumatların
axtarışına yönəlmiş biblioqrafik axtarış.
- Faktoqrafik axtarış – axtarış sorğusuna uyğun olan
faktların axtarılması prosesidir.
İnformasiya axtarışı sahəsində əsas anlayışlardan biri
də sorğu anlayışıdır. Praktikada çox vaxt axtarış sorğusu
və ya informasiya sorğusu terminlərindən istifadə olunur.
Burada informasiya (axtarış) sorğusu dedikdə istifa-
dəçinin informasiyaya olan tələbatının informasiya-axta-
rış dilində ifadə olunan xüsusi forması başa düşülür. Bəzi
axtarış sistemləri sorğunu təbii dildə daxil etməyə imkan
verir.
İnformasiya axtarışının həyata keçirilməsi üçün infor-
masiya-axtarış sistemləri reallaşdırılır. İnformasiya-axta-
rış sistemi (İAS) – istifadəçiləri maraqlandıran informasi-
yanın saxlanılması, axtarışlması və təqdim edilməsi üçün
nəzərdə tutulmuş proqram-texniki sistemdir.
Bir qayda olaraq, İAS tərəfindən informasiya axtarışın
təşkili üçün mümkün sənədlərin göstəriciləri (təsviredi-
ciləri) çoxluğu yaradılır. Göstəricilər açar sözlər və ya söz
128
birləşmələrindən, onların aid olduqları sənədə istinaddan
ibarət ola bilər. Açar sözlər və ya söz birləşmələri həmin
sənədin hər hansı xassəsini daşıyır, onun məzmununa uy-
ğun olur, onu mahiyyətcə təsvir edir, istinadlar isə məhz
bu xassələrə malik olan sənədlərə istiqaməti müəyyən
edirlər. Ənənəvi sənədli İS-də göstəricilərin bir neçə for-
masından istifadə olunur. Daha geniş yayılmış göstəricilər
müəllif, mövzu və sistemli göstəricilərdir.
Ayrı-ayrı söz və ya söz birləşmələrindən ibarət olan belə
göstəricilərə (terminlərə, açar sözlərə və s.) indekslər deyi-
lir. Sənədlərin göstəricilərinin, yəni onların indekslərinin
yaradılması prosesi indeksləşdirmə adlanır. Sənədlərin in-
deksləşdirilməsi zamanı onlardan seçilib götürülən termin-
lər və ya açar sözlər indeksləşdirmə terminləri adlanır.
Adətən, hər bir indeksin aid olduğu sənəd üçün təxmin
edilən vaciblik dərəcəsini əks etdirən çəki əmsalları ayrı-
ayrılıqda hesablanır və ona əlavə edilərək bazada saxla-
nılır. İndeksləşdirmə prosesində istifadə olunan terminlər
çoxluğuna lüğət, informasiya ehtiyatlarının indeksləşdiril-
məsi nəticəsində alınmış göstəricilər (indekslər) çoxluğu-
na indekslər bazası, bəzən isə sadəcə indeks deyilir. Ayrı-
ayrı sənədlərin məzmununu təsvir edən indekslər (göstə-
ricilər) çoxluğu sənədin axtarış obrazı adlanır.
İndekslər bazası yaradıldıqdan sonra İAS axtarış ma-
şınları adlanan xüsusi proqramların köməyi ilə istifadəçilərə
tərtib etdikləri sorğular vasitəsilə həmin bazalara müraciət
etmək imkanını verir. Ümumiyyətlə, axtarış prosesi istifadə-
çinin sorğusu ilə sənədin indekslər bazasında olan axtarış
obrazının müqayisə edilməsindən ibarətdir. Ona görə də
sistemə daxil olmuş sorğular da informasiya massivinin
sənədlərinə analoji olaraq indeksləşdirilməlidir (şək.4.2).
129
Şək.4.2. İnformasiya axtarışının sadələşdirilmiş
prosedurası (indeksləşdirmə və axtarış)
İndeksləşdirmə –
sənədin məzmununun
təhlili
Sorğunun məzmununun
təhlili
(sorğunun
formalaşdırılması)
İndekslər bazası
(sənədlərin indekslərin
köməyi ilə təsviri – axtarış
Sorğunun
daxil edilməsi
Sorğunun
indeksləşdirilmiş forması
İnformasiyanın axtarılması:
Sorğunun və sənədlərin terminlərinin müqayisəsi,
sorğunun tələblərinə uyğun gələn sənədlərin
təsvirlərinin verilməsi
(avtomatik proses)
Cavab
(axtarışın nəticəsi)
İnformasiya
massivinin sənədləri
Dostları ilə paylaş: |