138
4. Dilin qrammatikası. Müəyyən anlayışların mənala-
rının genişlənməsi və daralması üçün indeksləşdirmə
terminlərinin istifadəsi ilə yanaşı informasiya-axtarış
dilinin tərkibinə digər mexanizmlər də daxil olur.
Onlara aşağıdakıları aid etmək olar:
- söz birləşmələrinin istifadəsi;
- bir neçə terminin birlikdə sənədlərə daxil olmasını
göstərən "AND" ("VƏ") məntiqi operatorunun
tətbiqi;
- sənədlər terminlər arasındakı məsafəni göstərən
"NEAR" ("YANINDA") məntiqi operatorunun
reallaşdırılması və s.
5. Relevantlıq (qeyri-relevantlıq) kriterisi. Dilin tərki-
bində informasiya massivində olan sənədlərin axtarış
sorğusuna relevant və qeyri-relevant olmasının təs-
diq edilməsi, eləcə də bu sənədlərin axtarışının nəti-
cəsi kimi istifadəçiyə verilməsi və ya verilməməsi
qaydaları müəyyən edilir. Axtarış nəticəsində seçil-
miş sənədlər istifadəçiyə nizamlanmış siyahı şəklin-
də təqdim olunur. Bunun üçün sənədin istifadəçinin
sorğusuna yaxınlıq dərəcəsini (qiymətini) müəyyən
edən oxşarlıq əmsallarından istifadə olunur. Oxşarlıq
əmsalları sorğudakı açar sözlərin sənədlər üçün ter-
min qismində əhəmiyyətini göstərən çəki əmsalları-
nın köməyi ilə hesablanır.
6. Axtarışın əlavə şərtləri. Axtarışın nəticəsinin dəqiq-
liyinin və dolğunluğunun yüksəldilməsi üçün müxtə-
lif əlavə axtarış şərtləri istifadə oluna bilər. Bu şərtlə-
rə sorğuda göstərilmiş terminlərin sənədin müəyyən
olunmuş hissələrində (adında, başlığında, girişində,
xülasəsində və s.) axtarılması, axtarış sahəsinin da-
139
raldılması, sənədlərin yaradılması tarixlərinə qoyul-
muş zaman intervallarının, müxtəlif lüğətlərin (te-
zaurusların, assosiativ sözlərin, sinonimlərin və s.)
istifadəsi kimi şərtlər aid edilə bilər.
7. Axtarışın nəticələrinin verilməsi forması. İstifadə
üçün rahatlığı təmin etmək məqsədilə tapılmış rele-
vant sənədlərin siyahısı istifadəçilərə xüsusi for-
malarda təqdim olunur. Bu siyahı, əsasən, aşağıdakı
parametrlərlə müəyyən olunur:
- tapılan və istifadəçilərə verilən sənədlərin siya-
hısının nizamlanması (daha vacibdən nisbətən az
vacibə doğru sıraya düzülməsi);
- siyahının forması;
- siyahıya sənədlər haqqında əlavə məlumatların
(məsələn, mətn fraqmentinin, sorğunun sözlərinin
sənəddə rastgəlinmə tezliyi, sənədin sorğuya ya-
xınlıq dərəcəsi və s.) daxil edilməsi;
- sənədlərin siyahısının istifadəçiyə verilməsi porsi-
yasının həcmi, yəni interfeys pəncərəsinin çıxış
səhifələrində sənədlərin sayı;
- axtarış nəticəsində istifadəçiyə təqdim olunan
sənədlərin ümumi sayına qoyulan məhdudiyyət.
8. İstifadəçi ilə əks əlaqə. Axtarış prosesində istifadə-
çiyə öz sorğularının dəqiqləşdirilməsi, sənədlərin
təqdimatının təkmilləşdirilməsi, eləcə də əvvəldən
tapılmış sənədlər arasından göstərilmiş konkret sə-
nədə "oxşar" olan sənədlərin axtarışının aparılması
imkanları verilir.
Nəhayət, qeyd olunmalıdır ki, informasiya-axtarış sis-
temlərində istifadəçi ilə sistem arasında yaradılan intellek-
tual dialoq istifadəçiyə öz sorğularını daha dəqiq və rahat
140
şəkildə formalaşdırmaq imkanı verir. Bu isə yekunda axta-
rış prosesinə və onun nəticələrinə təsir edir.
İstifadəçi sorğusuna daxil edilən açar sözlərin qabaq-
cadan indeksləşdirilmiş sənədlərin axtarış obrazları ilə
müqayisəsindən sonra axtarış sistemi informasiya-axtarış
dilinin köməyi ilə istifadəçiyə konkret sənədlərə istinadla-
rın siyahısını təqdim edir. İAS-a görə istifadəçiyə verilən
sənədlər onun sorğusuna ən relevant sənədlərdir.
İnternetdə fəaliyyət göstərən Google, AltaVista, Excite,
Open Text, Yahoo, Yandex, Rambler və s. kimi axtarış
sistemlərində ən sadədən ən mürəkkəbə qədər müxtəlif
sorğuları formalaşdırmağa imkan verən güclü İAD
reallaşdırılmışdır.
İntellektual istifadəçi interfeysinin və sorğuların forma-
laşdırılması xidmətinin təşkili üçün istifadə olunan İAD
sənədlərin təqdim olunması və informasiyanın saxlanması
modellərindən, eləcə də onların indeksləşdirilməsi və
axtarılması üsullarından birbaşa asılıdır.
4.3. İnformasiya axtarışının nəticəsinin
qiymətləndirilməsinin əsas meyarları
İAS tərəfindən tapılmış sənədlərin axtarış sorğusuna
uyğunluq dərəcəsini qiymətləndirmək üçün bir çox üsullar
mövcuddur. Tapılmış sənədin sorğuya uyğunluğu dərəcəsi
anlayışı subyektiv anlayış olub, sorğunu tərtib edən və ax-
tarışın nəticəsini qiymətləndirən adamdan asılı olur.
İnformasiya axtarışının nəticəsinin təhlili və qiymət-
ləndirilməsi üçün iki anlayışdan – relevantlıq və pertinent-
lik anlayışlarından istifadə olunur.
141
Relevantlıq – axtarış nəticəsində tapılaraq istifadəçiyə
təqdim edilmiş sənədlərin məzmununun informasiya sor-
ğusunun məzmununa uyğunluğu dərəcəsidir. Məzmunları
istifadəçinin sorğusuna cavab verən sənədlər relevant,
cavab verməyənlər isə qeyri-relevant sənədlər adlanır.
Relevantlıq anlayışının iki formasını fərqləndirirlər:
- formal relevantlıq;
- faktiki relevantlıq.
Formal relevantlıq – axtarış mexanizmlərinin köməyi
ilə İAS tərəfindən istifadəçinin axtarış sorğusunun infor-
masiya massivində olan sənədlərlə tutuşdurulması (mü-
qayisə edilməsi) yolu ilə müəyyən olunan relevantlıqdır.
Faktiki relevantlıq dedikdə axtarış nəticəsində İAS-dan
alınmış sənədlərin məzmununun istifadəçi tərəfindən araş-
dırılması (dərk edilməsi) və onun tələbatına yaxınlıq dərə-
cəsinin təyin edilməsi yolu ilə müəyyən olunan relevantlıq
başa düşülür.
Hər bir istifadəçi özünün informasiyaya olan tələbatını
dəqiq bilməsinə baxmayaraq, obyektiv səbəbələrdən bu
tələbatı axtarış sorğusunda qeyri-adekvat şəkildə forma-
laşdıra və düzgün ifadə etməyə bilər. Belə olduqda istifa-
dəçinin konkret sorğusuna cavab olaraq İAS-ın verdiyi in-
formasiya ehtiyatlarının müəyyən hissəsi (bəzən əksəriy-
yəti) həqiqətdə istifadəçinin tələblərinə (ehtiyacına) uyğun
olmur. Ona görə də axtarışın nəticəsinin keyfiyyətinin
müəyyənləşdirilməsi üçün İAS-ın verdiyi sənədlərin istifa-
dəçinin sorğusuna deyil, onun informasiya tələbatına uy-
ğunluğunun qiymətləndirilməsi böyük əhəmiyyət kəsb edir.
Bu məqsədlə pretinentlik anlayışından istifadə olunur.
Pertinentlik – informasiya axtarışı nəticəsində tapılmış
sənədlərin məzmununun istifadəçinin axtarış sorğusu şək-
lində formalaşdırılmış informasiya tələbatına uyğunluğu
Dostları ilə paylaş: |