269
Н.В. и др.,1990). Bu, ilk növbədə,
137
Cs izotopunun mineral və üzvi torpaqlarda
müxtəlif fiksəolunma dərəcəsi ilə əlaqədardır.
İndi də radionuklidlərin bitkidə toplanma əmsalının vegetasiya dövrünün
mərhələlərindən asılı olub‐olmaması üzərində dayanaq. Əvvəlcə qeyd edək ki,
bitkilərdə radionuklidlərin konsentrasiyasının vegetasiya müddəti ərzində qeyri ‐ stabil
olmasına dair ədəbiyyatda, az da olsa, məlumatlar mövcuddur (Лосик Н.В. и др.,
1991; Тимофеев С.Ф. и др., 1991). Müxtəlif yabanı ot bitkilərində
137
Cs izotopunun
fəsildən asılı toplanma dinamikasının tədqiqi onun miqdarının vegetasiya müddəti
ərzində geniş intervalda dəyişdiyini göstərir. Daha dəqiq desək, seziumun miqdarına
yazdan yaya qədər artma, yaydan payıza qədər isə azalma tendensiyası xas olması
müəyyənləşdirilmişdir (Цветнова О.Б., Щеглов А.И., 1999).
137
Cs izotopunun miqdarının fəsildən asılı dəyişmə dinamikası bitkinin növ
xüsusiyyətlərindən, onların yetişmə şəraitlərindən əhəmiyyətli dərəcədə asılı olur.
Hidromorf şəraitlərdə əksər bitkilərdə dinamik konsentrasiyanın yazdan payıza qədər
eyni istiqamətli enmə əyrisinə malik olduğu göstərilir. Seziumun miqdarı bu şəraitlərdə
vegetasiya dövrünün sonuna yaxın 5‐10 dəfəyə qədər az olur. Bununla yanaşı, bəzi
bitkilər üçün fəsil dinamikasında ümumi azalma izi fonunda seziumun miqdarının ayrı‐
ayrı periodlarda artıb‐azalması da müşahidə olunur
(Цветнова О.Б., Щеглов А.И.,
1999).
Bunun əksinə olaraq, avtomorf ərazilərdə fəsil dinamikasında yazdan yaya
qədər seziumun miqdarının artması baş verir və yalnız bitkilərin quruması (sentyabr‐
oktyabr ayları) zamanı, çox yəqin ki, yuyulma prosesləri hesabına onun miqdarı azalır
(Цветнова О.Б., Щеглов А.И., 1999).
Bu xarakterli dəyişmə əksər mikroelementlər üçün doğru olur (Белицына
Г.Д., Черепова Т.В.,1980). Bununla yanaşı, bəzi bitkilərdə əyrinin maksimumu iyuldan
sentyabra tərəf sürüşə bilir ki, bu da bitkinin inkişaf tsiklinin uzunluğu ilə müəyyən
edilir.
Göründüyü kimi, yalnız sadalanan faktların əsasında hansısa ümumiləşmiş
nəticələr söyləmək çətindir. Fərz etmək olar ki, qeydə alınmış fərqlər bitkinin
köklərinin yaratdığı kimyəvi potensialın dinamikası ilə müəyyən olunur. Bu rəqəm
biokütlənin toplanma intensivliyindən və nəmlik dinamikasından asılı olur
(Карпачевский Л.О., 1981).
Avtomorf landşaft şəraitlərində bitkilərdə yazdan payıza tərəf suyun miqdarı
azalır ki, bu da vegetasiyanın sonuna qədər seziumun konsentrasiyasının artmasına
səbəb olur. Hidromorf şəraitlərdə isə bütün bu period ərzində suyun miqdarı
dəyişmədiyi üçün (Щеглов А.И. и др., 1991) konsentrasiya əyrisi ekstremumlara malik
olur. Seziumun bitkilərdə toplanma dinamikasına dair nəticələrdən trofiki zəncirin
«bitki ‐ heyvan» həlqəsi aspektinə keçsək, seziumun qida zənciri üzrə axınının yaz və
yayın sonuna yaxın sürətli olması fikrinə gəlmiş olarıq.
Göründüyü kimi, bu istiqamətdə aparılan tədqiqat işləri süni radionuklidlərə,
əsasən də Çernobıl radionuklidi olan sezium‐137 izotopuna həsr olunub. Təbii
radionuklidlərin bitkilərdə fəsildən asılı toplanamsına dair, demək olar ki, tədqiqat
270
işləri aparılmayıb. Məlum olduğu kimi, müxtəlif minerallarla fiksə olunmuş formada
olan metalların bitkilərə keçməsi çətinləşir ki, bu da, onların bitkilərdə toplanma
əmsalını azaldır (Агапкина Г.И., 2002).
Qeyd edək ki, Şeqlov və Svetnova da çoxillik ağac bitkiləri üçün
radionuklidlərin müxtəlif növ bitkilərdə mövsümi toplanmasında hansısa bir
qanunauyğunluq tapmağa cəhdlər etmişlər və müəyyən etmişlər ki,
137
Cs və
90
Sr
radionuklidlərinin ağac bitkilərində konsentrasiyasının mövsümi dəyişmələri formaca
sadə, izin xarakterinə görə əksdir (Щеглов А.И., Цветнова О.Б., 2004). Daha dəqiq
desək,
137
Cs izotopunun yazdan payıza qədər mövsüm dinamikasında bir istiqamətli
azalma,
90
Sr izotopunda isə həmin müddət ərzində artma izi aşkar edilmişdir.
Müəlliflərin çoxillik müşahidələri
137
Cs izotopunun miqdarının avtomorf landşaft
bitkilərdə ilbəil azaldığını, hidromorf və yarım ‐ hidromorf şəraitlərdə isə artdığını
göstərmişdir. Bu zaman
90
Sr üçün bitkilərdə akkumulyativ xarakterli toplanma
müşahidə olunmuşdur ki, bu da, müəlliflərin fikrincə, həmin izotopun akkumulyativ
toplanma xarakterli olması ilə əlaqədardır.
Belə çıxır ki, radionuklidlərin müxtəlif bitkilərdə miqdarının həm mövsümi,
həm də çoxillik dəyişmə dinamikası çoxlu faktorlardan asılı olan bir prosesdir. Bu, ilk
növbədə, radionuklidlərin kimyəvi təbiəti, landşaft şəraiti, bitkilər üçün
mənimsəniləbilən formanın əmələgəlmə kinetikasından, bitkilərin kök sistemlərinin
yerləşdiyi torpaq layında radionuklidlərin mübadiləolunabilməyən formada fiksə
olunmasından və s. asılı olur. Ona görə də bu sahədə müəyyən bir qanunauyğunluğun
tapılması və proseslərə uyğun riyazi modellərin qurulması üçün, sadalanan amillər
nəzərə alınmaqla, eksperimentlər identik torpaq‐iqlim şəraitində aparılmalıdır.
Sonda qeyd edək ki, elmi ədəbiyyatda radionuklidlərin qida məhsullarına
keçmə əmsallarının təyininə dair işlərə da rast gəlmək olur. Məsələn, Hindistan
alimləri yerüstü və su ekosistemlərində radionuklidlərin toplanması ilə yanaşı, həm də
onların heyvan yeminə, südünə və ətinə keçmə əmsallarını da müəyyənləşdirmişlər
(Hegde A.G. et al., 2004).
9.4. Radionuklidlərin torpaqdan bitkilərə keçməsinin riyazi modeli.
Ümumiyyətlə götürdükdə, son illərin tədqiqat işlərində ən çox diqqəti cəlb
edən həm süni, həm də təbii radionuklidlərin torpaqda paylanma və torpaqdan bitkiyə
keçərək bitkidə, onun ayrı‐ayrı orqanlarında paylanması proseslərinin riyazi
modellərinin qurulmasına edilən cəhdlərdir. Bu işlərə misal olaraq, Bulqakov, Şkuta,
Qontarenko, Panasenko, Fesenko, Vudhed və başqalarının işlərini göstərmək olar
(Булгаков А.А., Шкута О.В., 2004; Гонтаренко И.А., 2001; Панасенко С.М., 1999;
Фесенко С.В. и др., 2002; Woodhead D.S., 2003). Qeyd olunan işlərin, demək olar ki,
hamısı
137
Cs izotopunun tədqiqinə həsr edilmişdir. Bu izotopun həm torflu (Фесенко
С.В. и др., 2002) və meşə ekosistemlərində (Гонтаренко И.А., 2001) özünü
aparmasını, həm də bitkilərdə toplanmasını təsvir edən riyazi model qurulmuş
(Булгаков А.А., Коноплев А.В., 2002; Фесенко С.В. и др., 2002), modelin parametrləri
Dostları ilə paylaş: |