271
əsasında seziumun torpaq profili üzrə paylanmasının və bitkilrə daxil olmasının
proqnozu verilmişdir. Riyazi modeldə antropogen amillərin təsiri də öz əksini
tapmışdır (Молчанова И.В., Караваева Е.Н., 2001).
137
Cs izotopunun bitkilərdə toplanma mexanizmi, maddələrin bitkilərə daxil
olmasını tədqiq edərkən istifadə olunan və çox yaxşı öyrənilmiş obyektlərdən hesab
olunan bir hüceyrəli yosun nümunələrindən istifadə edilməklə, araşdırılmışdır.
Yosunlarla aparılan təcrübələrin nəticələri əsasında radionuklidlərin torpaq
məhlulundan ali bitkilərin kök sisteminə daşınmasının modelləşməsi üçün yollar
işlənmişdir. Bu yollar həm də mineral qidalanma şəraitinin dəyişməsi zamanı bitkilərə
137
Cs izotopunun daşınması prosesində ayrı‐ayrı nəqliyyat mexanizmlərinin rolunu və
payını qiymətləndirməyə imkan vermişdir. Riyazi modelinin qurulması həmçinin ətraf
mühitin radioaktiv çirklənməsinin törədə biləcəyi təsirlərin uzun müddətə
proqnozlaşdırılması işində mühüm əhəmiyyətə malik olacaqdır.
Qeyd edək ki, riyazi modelləşdirmə işində radionuklidlərin torpaqdan bitkilərə
və onların ayrı‐ayrı orqanlarına keçmə əmsallarını müəyyənləşdirmək işin əsas
mahiyyətini təşkil edir. Bu sahədə aparılmış tədqiqat işlərinin kifayət qədər (Крук А.В.
и др.,2004; Майоров М.Е., 2003; Маркина З.Н. и др., 2003; Мукушева М.К. и др.,
2003; Подояк А.Г. и др., 2005; Романюк С.С. и др., 2002; Geras’kin S. et al., 2004;
Hegde A.G.et al., 2004; Outila I. et al.,2003) olmasına baxmayaraq, model
qurulmasına həsr olunmuş işlər heç də çox deyildir.
Bu baxımdan, həm süni, həm də təbii radionuklidlərin müxtəlif növ
torpaqlarda miqrasiyasının və onların ayrı‐ayrı bitkilərə keçmə xüsusiyyətlərinin
kifayət qədər öyrənilməməsi bu sahədə tədqiqat işlərinin aparılmasına və
radionuklidlərin yerdəyişməsini təsvir edən riyazi modelin qurulmasına böyük ehtiyac
olduğunu göstərir.
Radionuklidlərin torpaqda şaquli miqrasiyasını proqnozlaşdırmağa imkan
verən model Konoplev (Коноплев А.В. 1998) tərəfindən verilmişdir. Bir qrup alimlər
K
t
əmsallarının torpağın xüsusiyyətləri əsasında təyininə dair üsullar da işləyib
hazırlamışlar (Булгаков А.А. и др., 2000; Коноплев А.В., 1998; Коноплев А.В.,
Коноплева И.В., 1999). Həmçinin radionuklidlərin torpaqda mövcudolma formasının
şaquli qeyri ‐ bircinsliliyi əsasında onların bitkilərə keçməsini müəyyənləşdirən model
də təklif olunmuşdur. Bütün bunlara baxmayaraq, Fesenkonun dediyi kimi, bu sahədə
görüləcək işlər hələ də qənaətbəxş deyil (Fesenko S. et al. 1999).
Qeyd edək ki, radionuklidlərin bitkilərdə toplanmasına təkcə onların torpaqda
hansı formada olması təsir etmir. Bu zaman radionuklidlərin torpaqdan bitkilərə
keçməsini proqnozlaşdırmaq üçün K
t
əmsallarına təsir edə bilən bütün amillər
(radionuklidlərin mövcudolma formaları, kökün yerləşdiyi təbəqədə onların şaquli
paylanması, dərinlikdən asılı torpağın xassələri və s.) nəzərə alınmalıdır. Belə ki,
bunlar nəzərə alınmadan bitkilərin radioaktiv çirklənməsinin uzunmüddətli
proqnozunu vermək olmaz və çirklənmiş ərazilərdəki bitkilərdən istifadə
radionuklidlərin insan orqanizminə daxil olmasının əsas mənbəyi ola bilər.
272
Mövcud olan modellərdə radionuklidlərin torpaqdan bitkilərin kök
sistemlərinə keçməsinə dönməz proses kimi baxılır (Avila R., Moberg L., Hubbard L.,
1988; Prister B.S. et al., 1996). Düzdür, bu cür yanaşma əksər hallarda radionuklidlərin
torpaq‐bitki sistemində inteqral axınını düzgün təsvir etməyə imkan verir, lakin
bitkilərin kök sisteminin yerləşdiyi təbəqədə radionuklidlərin qeyri‐bircins şaquli
paylanması halında onların, əksinə, kökdən torpağa keçməsinin də mümkünlüyü
nəzərə alınmır. Bu, ilk növbədə, kök sistemi zonasında çirklənməmiş təbəqəyə aiddir
ki, bu zaman da radionuklidlərin effektiv axını bitkidən torpağa yönələ bilər.
Məlum olduğu kimi, ölçü biologiyasında kinetik allometrik yanaşma üsulundan
istifadə olunur ki, bu üsulla da “ölçünün” bitki və heyvanların bioloji xarakterinə təsiri
öyrənilir. Hal‐hazırda allometrik səviyyədə ölçünün həyatın davametmə müddəti ilə,
qida qəbul etmə və inqalyasiya sürəti kimi bir çox fizioloji parametrlərlə əlaqəsi
müəyyənləşdirilmişdir. Allometrik yanaşmadan istifadə etməklə, 23 müxtəlif
radionuklidin orqanizmlərin toxumalarında konsentrasiyasını proqnozlaşdırmağa
cəhdlər edilmişdir (Higley K.A. et al., 2003).
273
FƏSİL X
________________________________________________________________
RADİOAKTİVLİK VƏ ONUN YARATDIĞI EKOLOJİ PROBLEMLƏR
Bu gün insanları narahat edən problemlərdən biri də radioaktiv şüa
mənbələrinin yaratdığı ekoloji problemlərdir. Qeyd edək ki, “radiasiya” sözü əksər
insanlarda ilk baxışdan qorxu, həyəcan yaradır. Hətta insan psixologiyasının bu halı
üçün yeni “atom sindromu” adlanan termin də qəbul edilmişdir. Ümumi ekoloji
problemlərin
içərisində
radiasiyanın
insanlara,
ətraf
mühitin
ayrı‐ayrı
komponentlərinə təsirinə dair problemlər qədər sual və mübahisələr doğuran, özünə
cəmiyyətin daha çox diqqətini cəlb edən ikinci problem yoxdur.
Adı çəkilən məsələyə aydınlıq gətirmək məqsədi ilə, qısa da olsa, ümumi
ekoloji problemlər üzərində dayanaq.
İnsanın ətraf mühitə texnogen təsirinin yaratdığı ekoloji problemləri,
miqyasından asılı olaraq, qlobal, regional və lokal ekoloji problemlərə ayırırlar.
Qlobal problemlərə ozon “ deşiyi ” problemini, dünya okeanının neft
məhsulları ilə çirklənməsi problemini və istixana” (parnik) effekti problemini aid
edirlər.
Regional ekoloji problemlərə kimya, metallurgiya və s. kimi istesalat sənayesi
tullantılarının hava axını vasitəsi ilə yüz, min kilometrlərlə uzaq məsafələrə
köçürülməsi, turşu yağışlarının əmələ gəlməsi və böyük regionların bitki örtüklərinin
məhv edilməsi problemləri aid edilir. İlk növbədə iri şəhərlərin və sənaye
mərkəzlərinin problemi olan lokal ekoloji problemlər isə miqyasına görə onlarla
kilometr əraziləri əhatə edir.
Bu gün ətraf mühitin müxtəlif radioaktiv tullantılarla
çirklənməsi də ciddi qlobal ekoloji problemə çevrilməkdədir. Bu problemin yaranma
səbəblərini şərh edək.
10.1. Ətraf mühitin radioaktiv tullantılarla çirklənməsi.
Radioaktiv maddələrdən hərbi məqsədlər, elektrik enerjisi almaq və s. kimi
məqsədlər üçün istifadə edilməsi, həmçinin də onlardan təbabətdə, kənd
təsərrüfatında, elmi‐tədqiqat işlərində və digər sahələrdə istifadə edilməsi böyük
miqdarda radioaktiv tullantıların əmələ gəlməsinə səbəb olur. Bu gün radioaktiv
tullantıların “basdırılmasının” bütöv bir sisteminin işlənib hazırlanmasına baxmayaraq,
onların müəyyən bir qismi müxtəlif vasitələrlə ətraf mühitə yol tapır və bununla da
təbii radiasiya fonunu artırır.
Dostları ilə paylaş: |