101
Şəkil 5.1. Müxtəlif radiasiya mənbələrinin yaratdığı şüalanmaya dair pay
diaqramı.
radionuklidlər başa düşülür. Bu mənbələrin yaratdığı şüalanmaları, uyğun olaraq,
kosmik və yer mənşəli şüalanmalar adlandırırlar. Şüalanmanın kosmik və ya yer
mənşəli olmasından asılı olmayaraq, onların əksəriyyətinin yaratdığı şüalanmanın
təsirindən qətiyyən qorunmaq mümkün deyil. Belə ki, yarandığı gündən Yerin səthi
kosmosdan gələn müxtəlif şüaların təsirinə məruz qalır və Yer qabığının özündə
mövcud olan müxtəlif radioaktiv maddələrin şüalanması bu təsiri daha da gücləndirir.
İnsanların məruz qaldığı şüalanmanı iki növə ayırmaq mümkündür.
Radioaktiv maddə, bir halda, orqanizmdən kənarda ola bilər və bu halda onu xaricdən
şüalandıra bilər. Bu şüalanma növü xarici şüalanma adlanır. Digər halda isə, havada,
suda və qidada olan radioaktiv maddə asan yolla orqanizmə daxil ola bilər ki, belə olan
halda artıq orqanizmin daxili şüalanmasından söhbət gedə bilər.
Orqanizmin əsas şüalanma yolları və onların ümumi şüalanmaya verdikləri pay
diaqram şəklində (faizlərlə), uyğun olaraq, şəkil 5.2 və şəkil 5.3 ‐də öz əksini tapmışdır.
Artıq qeyd etdiyimiz kimi, təbii şüalanma mənbələrinin yaratdığı şüalanmaya
Yer kürəsinin hər bir sakini məruz qalır. Fərq onlardan bir qisminin az, digər qisminin
isə çox şüalanma dozası qəbul etmələridir. Buna səbəb isə onların fərqli yerlərdə
yaşamalarıdır. Aydındır ki, radioaktiv süxurlarla zəngin ərazilərdə yaşayan əhali daha
çox şüalanmaya məruz qalmalıdırlar.
Qəbul olunan şüalanma dozası həmçinin əhalinin yaşayış tərzindən də asılı
olur. Belə ki, istifadə olunan bəzi tikinti materialları, qida hazırlamaq üçün təbii qazdan
102
istifadə, açıq kömür kürələri (manqallar), binaların germetiklik dərəcəsi, həmçinin də
təyyarələrdə uçuşlar şüalanma səviyyəsini əhəmiyyətli dərəcədə artıra bilir.
Şəkil 5.2. Orqanizmin əsas şüalanma yolları.
Şəkil 5.3 ‐ dən göründüyü kimi, Yerin özünə məxsus radiasiya mənbələri
insanların məruz qaldığı təbii radiasiyanın yaratdığı şüalanmanın çox hissəsini təşkil
edir
.
Müəyyən edilmişdir ki, orqanizmin, əsasən, daxili şüalanmasını yaradan Yer
mənşəli radiasiya mənbələri əhalinin qəbul etdiyi illik effektiv ekvivalent dozanın orta
hesabla 5/6 hissəsini təşkil edir. Qalan hissəni isə xarici şüalanma mənbəyi rolunu
oynayan kosmik şüalanma yaradır.
Dediklərimizdən aydın olur ki, Yerdə təbii radiasiya fonunu əsasən Yer
süxurlarının tərkibində olan radioaktiv elementlərin yaratdığı şüalar və kosmosdan
gələn şüalar formalaşdırır ki, bunlar da insan orqanizminin xarici və daxili
şüalanmasına səbəb olur. Bu zaman Yer qabığının özündə və bəzi tikinti
materiallarında mövcud olan təbii radioaktiv elementlərin yaratdığı şüalar, insan
bədənini deşib keçməklə, orqanizmin xarıcı radiasiya şüalanmasını yaradır. Bəzi tikinti
materiallarından, yanacaq kimi təbii qazdan, həmçinin də duş qəbulu zamanı təbii
sudan istifadə onlardan ayrılan radioaktiv radon qazının nəfəs yolları ilə insan
orqanizminə yol tapmasına və nəticədə onun daxili şüalanmasına gətirib çıxarır.
Bundan başqa, qida rasionumuzu təşkil edən məhsulların bəzi hallarda mikroskopik
miqdarda radioaktiv elementlərə malik olması da orqanizmin daxili şüalanmasına
səbəb olur.
Tikinti materialları
Kosmik şüalar
Tikinti materialları
Yerin səthi
Yerin səthi
Kosmik şüalar
103
Şəkil 5.3. Yer və kosmik mənşəli şüalanma mənbələrinin daxili və xarici
şüalanmada payı.
Kosmik və Yer mənşəli şüalanmaların yaratdığı xarici şüalanmaya dair məlum
olan bəzi faktlarla tanış olaq.
5.1. Kosmik mənşəli təbii şüalanma mənbələri
Kosmik fəzanı dolduran yüksək enerjili zərrəciklər seli və həmin zərrəciklərin
Yer atmosferində yaratdığı ikinci şüalanma kosmik şüalar və ya kosmik şüalanma
adlanır. Hal‐hazırkı dövrdə kosmik şüaların fiziki xüsusiyyətləri, onların energetik
spektrləri, bucaq paylanmaları, yaratdığı şüalanma dozaları haqqında geniş
məlumatlar toplanmışdır. Yer ətrafı fəzada və atmosferin yuxarı qatlarında kosmik
şüaların geniş tədqiqinə 60 ‐cı illərdən başlamışdır. Qeyd edək ki, bu tədqiqatlar Yerin
süni peyklərindən, yüksəklik aerostatlarından və təyyarələrdən istifadə nəticəsində
mümkün olmuşdur. Müəyyən edilmişdir ki, ilkin kosmik şüalar 0.01 ‐ 1 QeV və daha
çox enerjiyə malik Qalaktik kosmik şüalardan və enerjisi bundan xeyli kiçik olan Günəş
şüalarından ibarətdir. Günəş şüalarının qeydə alınmış tipik enerjisi 40 ‐ 50 MeV ‐ ə
bərabər olur. Kosmik zərrəciklərin kinetik enerjisi də 0.1 ‐ 1 Mev ‐ ə bərabər Yer
mənşəli şüalanmanın kinetik enerjisindən bir neçə tərtib yüksək olur.
Qalaktik şüalanmanı Günəş sistemindən çox ‐ çox uzaqlıqda yerləşən
obyektlər yaratdığı halda, Günəş şüalanması Günəşin səthində baş verən möhtəşəm
Xromosfer partlayışları nəticəsində yaranır. Bu partlayışlar həm rentgen,
Dostları ilə paylaş: |