108
ki, zamana görə dəyişməyən maqnit sahəsi hərəkət edən yüklü zərrəciyin sürətinin
yalnız istiqamətini dəyisə bilər. Bu halda zərrəciyin sürətinin ədədi qiyməti (və enerjisi)
dəyişə bilməz. Yerin dipol maqnit sahəsində isə (hətta o, sabit qaldıqda belə) yüklü
zərrəciyin hərəkəti mürəkkəb xarakterli olacaq. Bu zaman, əgər yüklü zərrəciyin
enerjisi çox da böyük deyilsə, o, maqnit sahəsinin quvvə xətləri boyunca spiralvari
hərəkət edəcək və quvvə xətləri boyunca maqnit sahəsinin induksiyası getdikcə
azaldığından, hər dəfə spiralın addımı azalacaq və müəyyən bir nöqtədə (əks olunma
nöqtəsində) sıfır olacaq. Bundan sonra zərrəcik əks olunaraq, həmin formada əks
istiqamətdə hərəkət edəcək ( şəkil 5.6.).
Şəkil 5.6. Yüklü zərrəciyin Yerin dipol maqnit sahəsində xarakterik
hərəkətinin təsviri.
Kosmik şüalanma zərrəcikləri, istənilən yüklü zərrəciklər kimi, Yerin maqnit
sahəsini keçərkən meyl etməlidirlər. Bu zaman Yer səthinə yalnız o zərrəciklər çata
bilirlər ki, onların enerjisi Yerin maqnit sahəsinin meyletdirici təsirinə üstün gələ bilsin.
Aydındır ki, Yerin maqnit sahəsinin ən güclü meyletdirici təsiri onun geomaqnit
ekvatorunda olmalıdır. Maqnit qütbləri oblastında isə yüklü zərrəciklər maqnit qüvvə
xətləri istiqamətində meyl etmədən Yerə çata bilirlər. Dediklərimizdən aydın olur ki,
Yerin maqnit sahəsi zərrəcikləri enerjilərinə görə ayıra bilir.
Yerin radiasiya qurşaqlarının əsasən elektronlar və protonlar selindən ibarət
olması müəyyən edilmişdir. Yüksək enerjiyə malik olmadıqları üçün onların yaratdığı
şüalanma kosmik gəminin aliminium korpusundan çox çətinliklə keçə bilirlər. Buna
baxmayaraq, kosmik gəminin radiasiya qurşağından keçməsi zamanı kosmonavtın
məruz qaldığı doza gücü 0.1 Qr/saat və daha yüksək həddə çata bilir. Asanlıqla
göstərmək olar ki, bir neçə saat ərzində gəminin bu şüalarla ekspozisiya olunması
kosmonavtlar üçün letal sonluqla nəticələnə bilər. Buna görə də, uçuşlar
planlaşdırılarkən kosmik gəminin radiasiya qurşağında qalma vaxtının kifayət qədər az
S
N
YER
N
S
109
olmasına çalışılır və geomaqnit radiasiya sahəsinin təsirini azaltmaq üçün bir neçə
həftə, ay və ya il üçün nəzərdə tutulmuş uçuşlar kicik hündürlüklərdə (100 ‐ 200 km)
həyata keçirilir.
c) Günəş şüalanması. Günəş şüalanmasını, qeyd etdiyimiz kimi, onun
səthində vaxraşırı baş verın partlayışlar yaradır (şəkil 5.7).
Şəkil 5.7. Günəşdə baş verən partlayışların təsviri.
Günəşdən gələn kosmik şüalar, əsasən, geniş enerji diapazonuna malik
protonlar selidir. Bəzən bu selə müəyyən miqdarda α ‐ zərrəciklər də daxil olur.
Günəşin səthində partlayışın yaratdığı ilk parıltı görünəndən təxminən 15 dəqiqədən
sonra yüklü zərrəciklər Yerə çata bilirlər.
Günəş partlayışları (parıltısı) kosmik uçuşlar keçirən kosmonavtların həyatı
üçün böyük radiasiya təhlükəsi yaradır. Aktiv Günəş partlayışları qısa müddətli olur və
müəyyən müddətdən sonra (hər 11 il ‐ dən bir) təkrarlanır. Günəş aktivliyinə uyğun
piklər (zirvə) 1948, 1959, 1970, 1981, 1992 və 2003 ‐cü illərdə müşahidə olunmuşdur.
Atmosferin yuxarı sərhəddinə çatan Günəş şüalanmasında infraqırmızı şüalar
üstünlük təşkil edir (~ 55 %). Bu şüalar, atmosferi sərbəst keçərək, Yerin sətinə çatır
və torpaq ‐ okeanları isidirlər. Günəş şüalanmasının ~ 40 % ‐ ni isə spektrin görünən
hissəsi təşkil edir. Görünən işıq, məlum olduğu kimi, mürəkkəb fotosintez maşınını işə
salır və bizə ətraf mühitdə istiqamətləri seçməyə, onun bütün gözəlliklərini görməyə
imkan verir.
Günəş şüalanmasının qalan hissəsi (5% ‐ i) dalğa uzunluğu 100 m ‐ dən
400 m ‐ ə qədər olan ultrabənövşəyi şüaların payına düşür.
Günəşin elektromaqnit şüalanması. Günəşin elektromaqnit şüalanmasını
görünən işıq, infraqırmızı, ultrabənövşəyi, rentgen, γ ‐ şüalanmala və radiodalğalar
110
oblastında olan şüalanmalar təşkil edir. Eyni fiziki təbiətə malik olan bu şüalanmalar
elektromaqnit dalğaları adlanır və bir‐birindən yalnız dalğa uzunluqlarına görə
fərqlənir. Elektromaqnit dalğalarının dalğa uzunluğu onların enerjilərini müəyyən edir
ki, bu da verilmiş növ şüalanmanın dağıdıcı təsirini və müxtəlif mühitlərə daxilolma
qabiliyyətini müəyyən edir. Dalğa uzunluğu nə qədər kiçik olarsa, şüalanmanın enerjisi
o qədər böyük olur və şüaların qarşılarına çıxan mühitlərə daxil olması o qədər asan
olur. Məsələn, rentgen şüaları ilə görünən işıq bir‐birindən yalnız dalğa uzunluglarına
görə fərqlənirlər. Rentgen şüalarının dalğa uzunluğu görünən işığın dalğa
uzunluğundan dəfələrlə kiçik olduğundan bu şüalar insan bədənini sərbəst keçə bildiyi
halda, görünən işıq bədənə çatmadan paltar tərəfindən udulur.
Qeyd edək ki, Yerin səthinə çatan Günəş enerjisinin təxminən yarısı spektrin
görünən oblastının payına düşür.
Günəşin ultrabənövşəyi şüalanmasını dalğa uzunluğundan asılı olaraq, A, B və
C kimi 3 diapazona ayırırlar. Bu halda A diapazonu – dalğa uzunluğu 320 ‐ 400 nm
aralığında olan UB ‐ şüalanmaya, B diapazonu ‐ dalğa uzunluğu 280 ‐ 320 nm
aralığında olan UB ‐ şüalanmaya, C diapazonu isə dalğa uzunluğu 200 ‐ 280 nm
aralığında olan UB ‐ şüalanmaya uyğun gəlir.
A diapazonuna uyğun UB ‐şüalanması atmosferin ozon təbəqəsi tərəfindən
udulmur və onun bioloji təsiri hələ də kifayət qədər öyrənilməyib. Bu diapazonda olan
şüalanma yalnız bəzi kimyəvi maddələrlə birgə təsir edərkən insan sağlamlığı üçün
real təhlükə rolunu oynaya bilir.
UB ‐ B şüaları, bu baxımdan, təhlükəli şüalar hesab olunur. UB ‐ A şüaları ilə
müqayisədə 1000 dəfəyə qədər daha təhlükəli olan bu şüalar atmosferin ozon
təbəqəsindən keçə bilmədiklərindən insan sağlamlığına əhəmiyyətli zərər verə
bilmirlər.
Ən kiçik dalğa uzunluqlu UB ‐ C şüaları isə kifayət qədər zərərli təsirə malik
olurlar. Xoşbəxtlikdən bu şüalar da Yer atmosferi tərəfindən tamamilə səpildiyindən,
onlar Yer atmosferini deşib keçərək bizə çata bilmirlər. Əks halda onlar dərimizin üst
təbəqəsi tərəfindən udularaq, onu tamamilə yandırardılar.
Bütün bunlara baxmayaraq, Günəşin UB ‐şüalanması kiçik dozalarda insan və
heyvanlara yaxşı təsir göstərir. Bunun səbəbi adı çəkilən şüaların təsiri ilə dəri
örtüyündə zülalların parçalanması və nəticədə müdafiə qabiliyyətli maddələrin
yaranmasıdır. Tibbi müayinələrin nəticələri göstərir ki, Rusiyanın şimal əyalətlərində
UB ‐ şüalanmanın kifayət qədər olmaması səbəbindən uşaqların pnevmoniya ilə
xəstələnməsi, cənub əyalətləri ilə müqayisədə, 2 dəfə, raxitlə xəstələnməsi isə 2.5 ‐
3.0 dəfə yüksək olur. Bu şüalanma növü insan, heyvan və quş orqanizmlərində,
həmçinin kalsium mübadiləsini tənzimləyən D
3
vitamininin yaranmasına zəmin yaradır
(Усманов С.М., 2001).
Yüksək dozalarda UB ‐ şüalanmanın tamamilə əks təsir göstərməsinə dair
kifayət qədər məlumatlar mövcuddur. Bu şüalanmanın təsiri ilə hüceyrələrin mühüm
hissələrinin parçalanması baş verir və hüceyrədə DNT ‐ nin bölünməsi və RNT ‐ nin
sintezi proseslərini ləngidən maddələr yaranır. Dəri şişlərinin yaranma tezliyi ilə B ‐
Dostları ilə paylaş: |