111
diapazonunda UB ‐ şüalanmanın dozası arasında düz asılılığın mövcud olması faktları
məlumdur (Усманов С.М., 2001).
BMT ‐nin ekspert komissiyasının gəldiyi rəyə əsasən ozon təbəqəsinin 10 %
azalması dəri xərçəngi hallarının 26 % artmasına səbəb ola bilər (НКДАР, 1982). UB ‐
şüaların təsiri ilə xərçəng xəstəliyinin yaranma səbəbini aydınlaşdırmağa çalışarkən
aydın olmuşdur ki, UB ‐ B şüalarının təsiri ilə DNT ‐ də zədələnmələr baş verir. Buna
səbəb kimi, həm atomlararası rabitələrin qırılması, həm də ikiqat spiralın ayrı ‐ ayrı
elementləri arasında əlavə körpü ‐ rabitələrin yaranması göstərilir.
Məlum olduğu kimi, hər bir hüceyrə genetik proqramlaşdırılmış DNT
zədələnmələrini “təmir etmək” mexanizminə malikdir və hüceyrə əksər hallarda bu
funksiyanın öhdəsindən gələ bilir. Əgər şüalanma kvantı birbaşa DNT ‐ni “təmir” edən
genin üzərinə düşürsə, onda bu mexanizm sıradan çıxa bilir.
Son illər UB ‐ şüaların Lanqerqans hüceyrələrinin işini tormozlamaqla, insan
orqanizminin immun sisteminə güclü təsit göstərə bilməsinə dair faktlar da
müəyyən edilmişdir. Elmi ədəbiyyatda UB ‐ şüaların, qazanılmış immun çatışmamazlığı
sindiromu (QİÇS, AİDS ‐ ingiliscə, SPİD ‐ rusca) da daxil olmaqla, bir çox virusları
fəallaşdıra bilməsinə dair məlumatlara da rast gəlmək olur (Усманов С.М., 2001).
Hesab olunur ki, bu səbəbdən də Günəş şüalarında qaralmağa meyilli insanlarda virus
xəstəlikləri daha ağır formada keçir.
İndi də UB ‐ şüaların təsirində əhəhmiyyətli rola malik olan
Yerin ozon örtüyü
haqqında məlumatlarla tanış olaq. Məlum olduğu kimi, Yer atmosferinin ozon tərkibi,
ümumi tərkiblə müqayisədə, çox kiçikdir. Belə ki, ozon, ümumi atmosferin yalnız
4∙10
‐7
% ‐ ni təşkil edir. Buna baxmayaraq, planetimizdə həyatın yaranması və bu günə
qədər də inkişaf edərək mövcud olması məhz ozon təbəqəsinin hesabınadır.
Ozon (O
3
) – oksigenin ikinci, nisbətən dayanıqlı birləşməsidir və o da, adi O
2
forma kimi, oksigen yarada bilir. Atmosferdə oksigen mövcud olan gündən ozon da
mövcud olmuşdur. Ozon təbəqəsi qısadalğalı UB ‐ şüaları uda bildiyindən o, mövcud
olan andan Yerdə canlıların müdafiəsi rolunu həyata keçirməyə başlamışdır. Bu
səbəbdən də, suda yaşayan canlıların Yerin səthinə qalxması, suda ‐ quruda
yaşayanların və sonradan heyvanların əmələ gəlməsinə zəmin yaranmışdır.
Ozon təbəqəsinin 230 nm ‐ dən 300 nm ‐ ə qədər bütöv udulma spektri bioloji
aktiv oblastı əmələ gətirir. Məlum olduğu kimi, nuklein turşuları γ ‐ şüaları məhz bu
diapazonda (240 ‐ 300 nm) udurlar. Həmçinin də nuklein turşuları zülal örtüyünə
malikdir ki, o da, 250 ‐ 400 nm intervalında udulma zolağına malikdir. Bu səbəbdən
də nuklein turşuları Günəş radiasiyasının hüceyrənin ölümünə və yaxud da
mutasiyasına səbəb ola bilən təsirindən tamamilə mühafizə olunurlar.
Strotosferin ozon təbəqəsinin azalması bəşəriyyət üçün fəlakətlə nəticələnə
bilər. Ozon təbəqəsi insanları və bütövlükdə canlı təbiəti Günəşin sərt UB və yumşaq
rentgen şüalarından qoruyan yeganə nazik ekran təbəqəsidir. Bu gün minlərlə güclü
raketlərin buraxılması, atmosferin yuxarı qatlarında reaktiv təyyarələrin gündəlik
uçuşları, atom və istilik‐nüvə silahlarının sınaqdan keçirilməsi, təbii ozonator rolunu
oynayan milyonlarla hektar meşələrin yanğınlar hesabına və vəhşicəsinə qırılmaqla
112
məhv edilməsi, texnikada, ətriyyat sənayesində və məişət kimyasında freonlardan
kütləvi şəkildə istifadə edilməsi Yer atmosferinin ozon təbəqəsini dağıdan əsas
faaktorlardır. Bu səbəbdən də, son illər Yer kürəsinin Şimal və Cənub qütblərində hər
birinin sahəsi 10 mln. km
2
‐dən çox olan nəhəng “ozon deşikləri” (az konsentrasiyalı
ozon sahələri) əmələ gəlmişdir. Belə sahələrə daha çox Rusiyanın və əksər Avropa
ölkələrinin üzərində rast gəlmək olar.
Yerin ozon ekranının dağılması insan sağlamlığına və canlı təbiətə neqativ
təsir edən bir sıra aşkar və gizli hallarla müşayiət olunur. Günəşin, görünən işıqdan 50‐
100 dəfə böyük enerjiyə malik rentgen və UB ‐ şüaları həmin yerlərdən sərbəst
keçərək, güclü meşə yanğınları üçün real şərait yaradır. Məsələn, 1996 ‐ cı ildə
Rusiyada rekord sayda meşə yanğınları baş vermişdir ki, nəticədə 2 mln. hektar ‐a
qədər meşə sahəsi yanıb məhv olmuşdur. Yanğınlar nəticəsində (təkcə meşə yanğınları
yox) istiliklə bərabər külli miqdarda karbon qazı yaranır ki, bu da, Yeri kosmosun
soyuğundan qoruyan termoizoləedici təbəqənin yaranmasına səbəb olur.
Termoizoləedici təbəqə isə, öz növbəsində, Yerin ətrafında istiliyin toplanmasına
zəmin yaradır. Son nəticədə karbon qazının və istiliyin artıq miqdarda toplanması
“istixana effekti” adlanan effektin yaranması ilə nəticələnir. Belə qənaətə gəlmək olar
ki, bu formada artma tendensiyası gələcəkdə planetimizin Venera planetinə, yəni
yüksək temperaturlu və yüksək karbon qazı tərkibli planetə çevrilməsinə səbəb ola
bilər.
Yer atmosferinin karbon qazı ilə zənginləşməsində müxtəlif istilik maşın və
mexanizmlərinin, istilik elektrik stansiyalarının və s. rolu da böyükdür.
Qeyd edək ki, ozon “deşiklərinin” yaranmasına dair “kimyəvi versiyanı” heç
də bütün alimlər müdafiə etmirlər. Məsələn, nüfuzlu ingilis alimləri qrupu ozon
qıtlığının yaranmasının yalnız 30% ‐ nin freonun hesabına olması qənaətinə qəlmişlər.
Azalmanın 70 % ‐ nin səbəbi isə məlum deyildir. Digər bir qrup alimlər isə freonun
ozonun azalmasında ümumiyyətlə rolunun olmadığını söyləyirlər. Onların fikrincə,
ozon difisitinin yaranmasının
başlıca səbəbi atmosfer sirkulyasiyası ilə bağlı klimatik
dəyişmələr, kosmik şüalanma və Günəş aktivliyinin dəyişməsidir. “Tayfun” Elmi
İstehsalat Birliyinin alimləri A. Qavrilov və O. Kaydanov da atmosfer dəyişmələri ilə
“ozon deşiklərinin” yaranma tezliyi arasında müəyyən korrelyasiyanın olmasını
müəyyənləşdirə bilmişlər. Tanınmış fizik Andrey Petroviç Kapitsa isə “ozon
deşiklərinin” yaranmasında təbii faktorların başlıca rola malik olması fikrinin
tərəfdarıdır. Alim həmçinin də hesab edir ki, “ozon deşiklərinin” insan sağlamlığı üçün
təhlükəli olması əhəmiyyətli dərəcədə şişirdilir (Усманов С.М., 2001).
Maraqlıdır ki, əmələ gələn “deşiklər” bərpa olunmağa meylli olurlar. Müəyyən
edilmişdir ki, Rusiya üzərində “ozon deşikləri” hər iki ildən bir yarana bilir və onların
yaranma səbəbləri aydın olmur.
Qeyd edək ki, bir ‐ birinə zidd fikirlərin olmasına baxmayaraq, Ümumdünya
Səhiyyə Təşkilatının mütəxəssislərini stratosfer ozonunun azalması çox narahat
edir. Narahatçılığa başlıca səbəb kimi UB ‐ şüalanmasının artması göstərilir.
BMT ‐ nin ətraf mühitə dair hesablamalarının nəticələrinə əsasən hər il
Dostları ilə paylaş: |