117
Rosenin (Кузин А.М., 1991) aldığı nəticələrə əsasən ekvatorial en
dairələrindən qalxan hava axını təyyarə trasları yerləşən 10 km yüksəklikdə
mikroorqanizmlər toplaya bilir.
Qeyd edək ki, 10 km yüksəklikdə ionlaşdırıcı
şüalanma, dəniz səviyyəsi ilə müqayisədə, təxminən bir tərtib, neytronların sıxlığı isə
iki tərtib çox olur. Bu yüksəkliklərdə (10‐20 km) mikroorqanizmlərin və digər bioloji
mənşəli aerozolların kosmik şüalanma intensivliyi ekvatorda ən yüksək, yerin qütbləri
üzərində isə ən kiçik olur.
Məlum olduğu kimi, Günəş şüalanması həm Günəşdə baş verən partlayışların
intensiv olduğu müddətdə, həm də onun hər 11 il ‐ dən bir təkrarlanan aktivlik
tsiklində güclənir. Bu zaman biotun şüalanmasında ən yüksək pay şüalanmanın
yaratdığı
3
H,
14
C,
7
Be,
10
Be,
22
Na və
24
Na kimi kosmogen radionuklidlərə düşür.
Kosmik neytronların azot və oksigen nüvələri ilə reaksiyası nəticəsində
yaranan tritium atomları isə, atmosferdə tritium suyuna çevrilərək, yağıntılarla
torpağın səthinə çökür və suyun normal dövriyyəsində iştirak edir. Materiklərdəki
sularda tritiumun miqdarının 200 ‐ 900 Bk / m
3
, okean sularında isə 100 Bk / m
3
həddində olması müəyyən edilmişdir
(Kaufman S., Libby W.F., 1954).
ARTEK ‐in hesablamalarına əsasən biosferdə ümumi tritiumun ehtiyatı
1.3∙10
18
Bk, ayrı‐ayrı toxumalarda isə onun orta konsentrasiyası 0.4 Bk/kq həddində
olur (НКДАР ООН, 1982).
Neytron və protonların
14
N nüvələri ilə reaksiyası nəticəsində yaranan
karbon ‐ 14 (
14
C) izotopu atmosferdə
14
CO
2
‐ yə qədər oksidləşir və adi karbon qazı ilə
birlikdə fotosintez prosesində biota daxil olur. Bu izotopun bitki və heyvan
toxumalarında orta miqdarı hər bir kiloqram karbon üçün 227 Bk qədər olur.
ARTEK ‐in hesablamaları biosferdə
14
C izotopunun ümumi miqdarının
8.5∙10
18
Bk həddində olmasını və hər il 10
15
Bk qədər yeni
14
C izotopunun yaranmasını
göstərir (НКДАР ООН, 1982). Kiçik yaşama müddətinə malik berillium‐7 izotopunun
(yarımparçalanma periodu 53.6 sutka) torpaqüstü atmosferdə miqdarı ~ 3∙10
‐3
Bk /
m
3
qədər olur. Yağış suları vasitəsilə o, bitkilərə, onlardan isə il ərzində 50 Bk
miqdarında heyvan və insan orqanizmlərinə daxil ola bilir.
Biosfer bundan da az miqdarda
22
Na izotopuna (yarımparçalanma periodu
2.62 il) malik olur. Bu izotopun Yer kürəsində ümumi miqdarı 4∙10
14
Bk həddində
qiymətləndirilir ki, bunun da 8∙10
13
Bk ‐ i biosferin payına düşür (Кузин А.М.,1991).
5.2. Yer mənşəli radioaktiv şüalanma
mənbələri
5.2.1. Yer qabığının radiasiyası. Yerin dağ süxurlarının radiospektrometrik
analizi Yer qabığında mövcud olan əsas radioaktiv elementlərin kalium ‐ 40, rubidium ‐
87 və başlanğıcını uran ‐ 238 və torium ‐ 232 izotoplarından götürmüş olan iki
radioaktiv ailənin üzvlərinin olmasını göstərir. Qeyd edək ki, böyük yaşama müddətinə
malik olan uran ‐ 238 və torium ‐ 232 radioaktiv elementləri Yerin yaranması anından
onun tərkibinə daxil olmuşlar. Bu elementlərin yarımparçalanma periodları milyon
illərlə hesablanır. Parçalanma nəticəsində təkcə bu elementlərin özləri deyil, həm də
onların parçalanma məhsulları radioaktiv şüalar yaradır. Böyük miqdarda uran
118
filizləri Avstralyada, Rusiyada, Çexiyada, Slovakiyada, Konqoda, Cənubi Afrikada və
ABŞ ‐ da tapılmışdır.
Yer mənşəli təbii ionlaşdırıcı şüalanma mənbələrini xarici və daxili növlərə
ayırırlar. Xarici şüalanma mənbələrinə misal olaraq, müxtəlif dağ süxurlarında, suda,
torpaqda, havada, tikinti materiallarında və s. olan radionuklidləri göstərmək olar. Bu
növ şüalanma insan orqanizmi üçün xarici radiasiya təsiri yaradır. İnsan orqanizminə
kənardan qida məhsulları və udulan hava vasitəsilə daxil olan radionuklidlər
orqanizmin daxili şüalanmasını yaradır ki, bunlar da ikinci növə aid edilir.
Bütün eyni şərtlər daxilində, o cümlədən də eyni miqdarda radionuklidlər
misalında, aşağıda qeyd olunan səbəblərə görə daxili şüalanma xarici şüalanmaya
nisbətən insan orqanizmi üçün daha qorxulu olur:
1) Daxili orqanların dəri örtüyü ilə mühafizə olunmaması;
2) Şüalanma müddətinin adətən kifayət qədər çox olması (bu müddət
radionuklidlərin orqanizmdə qalma müddətlərinə bərabər olur);
3) şüalanma mənbəyi ilə şüalanan toxuma arasında məsafənin çox kiçik
olması hesabına udulma dozasının kəskin böyük olması.
Təbii radionuklidlərin parçalanması α ‐ , β ‐zərrəciklər və γ ‐ kvantlar
əmələ gətirir. α ‐ , β ‐ zərrəciklərin qaçış yolunun həddən artıq kiçik olması ona səbəb
olur ki, bu zərrəciklər bir neçə millimetr qalınlığı olan bioloji toxumalarda tamamilə
udulurlar. Buna görə də Yerin üst qatinda, suda və havada olan radionuklid
şüalanmasının xarici təsirini qiymətləndirərkən, adətən, yüksək nüfuzetmə
qabiliyyətinə malik γ ‐ şüalar nəzərdən keçirildiyi halda, daxili şüalanma üçün
ionlaşdırma qabiliyyəti, β ‐ və γ ‐ şüalanmalarla müqayisədə, kifayət qədər yüksək
olan α ‐zərrəciklər daha əhəmiyyətli rol oynayırlar.
Qeyd edək ki, torpağın radioaktivliyinin öyrənilməsinin müasir metodları
yüksək nüfuzetmə qabiliyyətli γ ‐ şüaların qeydə alınmasına əsaslanmışdır.
Buna görə də onların köməyi ilə Yer qabığında olan yalnız uran ‐ radium və
torium sırasının γ ‐ radioaktiv izotoplarını və kaliumu aşkar etmək olar. Müəyyən
edilmişdir ki, dağ süxurlarından əmələ gələn torpaq orta hesabla (1‐3)% kalium,
(1‐2) % uran və (5‐10)∙10
‐ 4
% torium izotoplarına malik olur.
Aydındır ki, Yer kürəsinin ayrı ‐ ayrı ərazilərində radiasiya şüalanmasının
səviyyəsi, radionuklidlərin həmin yerdə konsentrasiyasından asılı olaraq, eyni olmur.
Fransa, Almaniya, İtaliya, Yaponiya və ABŞ‐da aparılmış tədqiqatlardan məlum olur ki,
bu ölkələrin əhalisinin təxminən 95 % ‐ i şüalanma dozası gücünün il ərzində 0.3 –
0.6 mZv olduğu ərazilərdə yaşayır. Əhalinin təqribən 3 % ‐ i kifayət qədər yüksək
(~ 1 mZv/il), 1.5.% ‐ i isə bundan da yüksək (1.4 mZv/il) şüalanma dozası qəbul edir.
Radiasiya səviyyəsi ifrat yüksək olan əarazilər də mövcuddur ki, bunlar da, şərti olaraq,
şəkil 5.9 ‐ də göstərilmişdir (Радиация. Дозы, эффекты, риск, 1990).
Təbii radionuklidlər, bir qayda olaraq, daha çox miqdarda mərmər və qranit
tərkibli dağ süxurlarında toplanır. Əhəngdaşı və qumlu süxurlar isə, adətən, kiçik
radioaktivliyə malik olur. Bəzi şistlər (lay‐lay quruluşlu suxurlar), əsasən də üzvü
maddələrə malik olanlar, yüksək radioaktivliklə xarakterizə oluna bilirlər.
Dostları ilə paylaş: |