124
vasitələr, icra planı tutulsun. Prezident olmaq istəyən öz ağlına gələni
deyil, məhz bu strategiya və planları, məqsədləri, eləcə də onları
əvvəldən təyin edildiyi üsul və keyfiyyətlə (keyfiyyət və ölçmə,
qiymətləndirmə üsul və parametrləri əvvəldən göstərilir) icra etməyi
öhdəsinə alsa, təyin edilməlidir. Habelə prezident olmaq istəyən bu
strategiya və planların yaradılmasında bilavasitə iştirak edən,
əsaslandıran adamlar içərisindən təyin olunmalıdır. Bundan sonra
vəzifəni tutan prezidentlə, gələcəkdə isə bu vəzifəni əgər əvəz etsə -
baş nazir və nazirlər kabineti ilə parlament arasında müqavilə
bağlanmalıdır. Müqavilədə strategiya və siyasətin təsviri, rəqəmlərlə
ifadəsi, ümumi icra planı və metodları, vasitələri, qiymətləndirmə,
xalq nəzarəti konkret göstərilməlidir ki, aldatma olmasın.
34. Saxtakarlıq imkanı olmayan yeni seçgi maşını yaradılsın.
İctimaiyyət tərəfindən idarə olunan və idarə orqanlarına ictimayyətin
nəzarət etdiyi idarə sisteminə keçmək üçün yeni elektron və ya
yarım elektron seçgi maşını yaradılsın. Burada proses elə hazırlansın
ki, səs vermə, sayma, ümumi nəticə səs vermə anında məlum olsun;
insan əli saymağa və saxtakarlıq etməyə qarışa bilməsin. Məsələn,
xüsusi proqramla hər kəs evindən və ya məntəqəyə gələrək öz parolu
ilə pasportunun nömrəsini yığmaqla daxil olub yalnız bir nəfərə səs
verməsi; iki: biri dövlətin, biri müstəqil seçgi təşkilatının komissiyası
yaradılsın. Seçgi sədrinin üstün hüquqları ləğv edilsin. Yarım
elektron üsulda məlumat yalnız seçginin qutarmasından 10 dəqiqə
ərzində verilməsi qanuni sayılsın, çünki əllə sayılmayacaq, hər
namizədin qutusu elektron tərəziyə qoyularaq, çəkiləcək, səslər
rəngli kartlarda və ya sim kartlarda salınaraq, sayı avtomatik
oxunacaq və ya pul ölçüsündə olaraq pul sayan maşında sayılacaq,
vahid bülleten olmayacaq ki, o qarışdırılsın, sonra ayırıb saysınlar.
Yalan məlumat verənlər isə 10 il həbs olunmalıdır.
35. Müstəqil dövlət elmi - texniki TV kanalı yaradılsın və onu
yalnız elmi texniki şura idarə etsin.
36. İctimai TV – də gündəlik ictimai fikir, problemlərin
aşkarlanması və müzakirəsi və həlli layihələrinin tapılması mövzusu
üzrə proqramlar yaradılsın.
37. Azərbaycan dilinin izahlı elektron lüğətini və dünya
alimlərinin iştirakı ilə Böyük elektron bilik ensiklopediyasını
yaratmaq və diskdə cəmiyyətə pulsuz vermək lazımdır. Məlumat
texnologiyalarının gündəlik həyata daxil olmasını təmin etmək üçün
dövlətin antivirus proqramı yaratması və cəmiyyətə pulsuz verməsi
lazımdır.
125
38. Dinə münasibət , cəmiyyət və din münasibətlərinin
düzgün idarəsi. Dini təbliğatın artması ilə müxtəlif islam
təriqətlərinin yaylması və dindarlığın artması gələcəkdə xalqın
parçalanmasına, dini terrorlara, sünni – şiə toqquşmalarına gətirəcək,
zorakılıqla dini dövlət qurmaqa cəhdlər olacaqdır. Dinlər xalqları
ayırır; biri digərini kafir sayır. Lakin əslində hamı insandır, kafir
yoxdur. Quranın özündə çoxlu ziddiyyətlər və bəşəri dəyərlərə zidd
göstərişlər, habelə onun səhv başa düşülməsi və ondan sui - istifadə
edilməsi və hökumətin bu məsələ üzrə müxtəlif fanatiklər və
radikallara qarşı rasional tədbir görməməsi problemi vardır.
Məsləhət. Dinin güclü təbliği dövlət və ictimai TV- də,
qəzetlərdə dayandırılsın. Türkiyə və İrandan dini kitablar gətirilməsi
dayandırılsın. O kitabları gətirənlərin məqsədləri dinin inkişafı deyil,
öz biznesləri , pul qazanmaqdır. Dinin təbliği əxlaqi insan deyil, daha
çox əxlaqı pozan insan yetişməsinə səbəb olmuşdur. Belə olduqda bu
təbliqat lazım deyil, o, adamları yalnız müti və sərbəst düşünməkdən
məhrum edir. Yeni tərbiyə və düzgün təhsil görmüş ruhanilər
yetişdirilsin. Türkiyə, İran və Ərəbistanın burada açdıqları məktəblər,
Gəncliyə yardım pərdəsi ilə maskalanan Türk dini təşkilatı bağlansın.
Orta məktəb kitablarından dini təbliq edən və düz qələmə verən
məqalə və fikirlər çıxarılsın. Məktəblərdə (dini məktəblərdən başqa)
başı bağlı, niqablı, çadralı qızların oxumasına qadağan qoyulsun.
Elmi məktəbdən uşaqları ayırıb dini məktəbə qoyanlar
cəzalandırılsın. İslam dini əvəzinə elmin və texnikanın,
humanizmin və ümum bəşəri dəyərlərin, habelə xalis milli və
ağıla uyğun mədəniyyətin təbliği artırılsın və belə alim və
filosofların yaradıcılığı, nəzəriyyələri, fikirləri, həyatı təbliq edilsin.
TV və radiolarda hökmən gündəlik belə proqram yaradılsın.
39. Hüquqi cəmiyyət yaradılması ideyası hələ Azərbaycana
zərərlidir.Gələcəkdə də faydalı deyil. Çünki bu hüququ xalqın özü
yaratmır, məmur - varlı sinif yaradır və şübhəsiz, əsasən öz
mənafeyini güdür, əhalinin 80 % - i olan digər adi insanların isə
mənafeyi çox zəif hədlərdə və ya heç güdülmür. Məsələn, 2008 -ci
ilə ərzində şəhərin əksər ərazisində ağacların kəsilib maqazin, ev
tikilməsi hamısı şəhər və ya rayon icra hakimiyyətinin sərəncamı ilə
edilmişdir. Bu hüquqi cəmiyyətin konkret nəticəsidir. Cəmiyyəti
məhz səhv, rasionallıqdan, əxlaqdan uzaq qanun və qərarlar və ya
zəruri qanunun olmaması əzir. İctimai sistem tam demokratik
olandan sonra belə prinsip faydalıdır. İstənilən halda hüquqlar qeyri -
kamil və reallıqın tələblərindən geri qalır və məmurlara hər bir
126
səlahiyyəti - həm səhv etməyi, əxlaqı pozmağı, həm də düz işləməyi
-verir.
40. Cəmiyyət qanunlar vasitəsilə deyil, qəbul olunmuş
gələcək strategiyalar, ümumi konkret məqsədlər, prinsiplər
(bərabərlik, rasionallıq, məqsədəuyğunluq, səmərəlilik,
başqasına, vətəndaşa, təbiətə zərər verməmək və s.) vasitəsilə
idarə olunsun. Hər qərarın prinsiplərə uyğunluğu elmi - futuroloji
qrup tərəfindən yoxlansın, uyğunlaşdırılandan sonra qəbul edilsin.
Cəmiyyət daha çox gələcək üçün hazırlanmış a) strategiyalar və
fəaliyyət planları və bu zaman tələb olunan b) əxlaq və davranış
etalonları, c) gəlirin və xeyirin bölünmə qaydaları, d) icraya
müşahidə və qiymətləndirmə mexanizmi ilə idarə olunmalıdır.
Qanunlar isə bir ümumi sərhədlər, müvəqqəti razılıq normaları kimi
və onların səhv, subyektiv hazırlanması ehtimalının çox olması
səbəbilə prioritet olaraq strategiya və rasionallıq, bərabərlik,
diskriminasiyanın olmaması prinsiplərinin həyata üstün tətbiq
edilməsilə təkmilləşdirilməlidir. Yəni qanunlar deyil, prinsiplər,
strategiyalar ali rol oynamalıdır. Əgər qanunlar, habelə cari
idarəetmə həmin prinsiplər və gələcək inkişaf və davranış
strategiyaları ilə ziddiyyət təşkil edirsə, prinsip və strategiyalar
üstün tətbiq olunmalı, qanunlar isə düzəlişə təqdim olunmalıdır.
41. Bütün rəsmi vəzifəlilər, ali rəhbərlər, prezident və nazirlər -
hamısı xalq adından elmi ictimai şura ilə və özü arasında müqavilə
bağlamalı, ona təqdim edilən strategiya və planı, nə edəcəyi və necə
yoxlanacaği, işi necə ölçüləcəyi dəqiq göstərilməlidir. Bunun üçün
hər idarədə elmi ictimai şura yaradılmalıdır. Bütün strategiyalar,
planlar isə əvvəldən xüsusi elmi ictimai şuralar tərəfindən və aid olan
əhali tərəfindən geniş müzakirə olunaraq, yoxlanaraq,
əsaslandırılaraq qəbul edilməlidir. Bu o deməkdir ki, heç bir rəhbər
və məmur öz bildiyini edə bilməz. Həmin vəzifəyə gələndə əvvəl işi
öyrənir, qəbul edir və həmin işin, planın və fəaliyyətin
layihələndirilməsində, hazırlanmasında əvvəldən hökmən iştirak
etmiş olmalıdır və bunu sübut etməlidir. Hər vəzifəlinin işi isə
müqavilədə göstərilmiş zaman və keyfiyyətdə ictimai təşkilatlar və
ya xüsusi xalq nəzarəti idarəsi tərəfindən müşahidə edilir,
yoxlanılır və qiymətləndirilir.
42. Yeni rasional (kamil, ağılla yaşayan, ağılla idarə olunan)
cəmiyyətə keçənədək: a) hər idarə pilləsində adi kənd
bələdiyyəsindən tutmuş prezidentə qədər hər idarədə elmi futuroloji
və ictimai şura yaradılsın. Hər icraçı məmur, orqan yalnız bu
Dostları ilə paylaş: |