133
hakimiyyətində, Cəbhə hakimiyyətində və sonrakı dövrdə xarici və
daxili siyasət məsələlərində rəsmi katib, məsləhətçi və s. vəzifələr
tutmuş özünü alim sayan və lazımı biliyi olmayan çoxlu şəxslər
mənfi rol oynamışlar. Nəticədə səhv proqnozlara baxaraq dövlət
rəhbərliyi və parlament ermənilərə qarşı mübarizəni Rusiyaya qarşı
mübarizə ilə əvəz etmiş, problemin daha asan həllindən imtina
etmişdir. Onların zərərli təsirilə ilə dövlət və parlament ermənilərin
1994 –cü ildə avtonomiyanı bərpa etmək və müharibəni qurtarmaq
təklifini rədd etmişdir (bax: V. Quluzadənin Azadlıq radiosunda,
2008 , şəxsi etirafı). Belə səhvlər nəticəsində xalq xeyli zərərlər
çəkmiş, qaçqınlıq və didərginlik dövrü uzanmışdır və sonu
görünmür. Hazırda Natodan imtina edib yenidən Rusiya ilə (üst
sistem rolunda) yeni strateji hərbi, iqtisadi və s. müqavilə
bağlanması lazımdır. Bu Qarabağ probleminin də tez həllinə səbəb
olacaqdır. Demək, Azərbaycan təcili Rusiya ilə ittifaqa (hərbi,
iqtisadi və s.)girməli, BP-ni, amerikan şirkətlərini buradan qovmalı,
onların əlindən neftə şərikli olmaq kontraktlarını, Bakı Ceyhan boru
xəttinin operatorluğunu, Platforma tikintisi, boru xətləri
kontraktlarını almalıdır, Əsrin kontraktını və digər kontraktları ləğv
etməli, neftin də satışından tam gəlirini özü almalıdır. 1990, 20
yanvar hadisəsinin də böyük tədbirlə keçirməyin heç bir faydası
yoxdur. Bu hadisədən ağıllanmaq əvəzinə, xalq və dövlət daha da
ağlını azaltmış və səhv yol tutmuşdur. Ümumi dünya qanununa
görə hər kəs, hər icma, dövlət özü bilavasitə öz hərəkətlərində,
başına gələnlərdə günahkardır. Başqa sözlə, hər kəs, hər dövlət ətraf
mühitə zəruri əks təsir və müqavimət göstərməlidir.
Sadə fəlsəfi mahiyyətinə görə təkə qarşı bütün çoxluq (təklər)
ondan istifadə etməyi, onun üzərində dominant olmağı məqsəd seçir.
Belə mühitdə hər tək özünü qorumalı, əks təsir etməlidir, özünü
yaşatmaq üçün lazımı davranışlar seçməlidir. 1988-ci ildən
başlayaraq hər bir halda habelə 20 yanvarda Azərbaycan məhz bunu
etməmişdir. Yeri gəlməyən məqsədlər seçərək hakimiyyəti öz əlinə
almaq üçün bir qrupun təşkil etdiyi avantüra, xalqı öz şəxsi
siyasətinə qurban vermək idi. Bu situasiya yenə də qalmaqdadır.
Əgər ermənilər SSRİ-dən çıxmaq məsələsini qoymadan, məhz elə
onun daxilində qalaraq Ermənistandan Azərilərin çıxarılması və
Qarabağın ayrılaraq Ermənistana birləşdirilməsi məsələsini həll
edirdilərsə, Azərbaycan “qüvvələri” buna adekvat müdafiə və əks
tədbirlər görmək əvəzinə, digər məsələni -SSRİ-dən çıxmaq və
hakimiyyəti öz əlinə almaq məsələsini həll edirdilər. Göründüyü kimi
134
hər tərəf müxtəlif məsələni həll etməyə çalışırdı. Burada səhv edən
yalnız Azərbaycan qüvvələri idi - hakimiyyət və “Cəbhə”, ona görə
də uğursuzluğa düçar oldu. Bir anlığa təsəvvür edək ki, hadisələr
həmin aktyorların fikrinə uyğun inkişaf edərək Azərbaycan 1990-cı
il yanvarın 19 –da SSRİ-dən çıxmasını elan edəcəkdi. Bu nə
verəcəkdi, yenə də ermənilər artıq açıq şəkildə Rusiyanın köməyilə
yenə də hücum edib həmin torpaqları, hətta bütün ölkəni tutacaqdı,
(sonralar etdiyi qaydada). Ermənilər öz məqsədlərini əldə etmək
üçün ağılla qurduqları planı effektiv icra etdilər. Azərbaycan isə
erməni ağlına layiq ağıl irəli sürüb ona qarşı dura bilmədi, yalnız ona
lazım olmayan, əhəmiyyəti olmayan özgə dəyirmanına - ABŞ-ın
məqsədinə(mərkəzi kəşviyyat idarəsinin planına) – SSRİ-nin
dağılmasına işlədi. Halbuki onun iştirakı olmadan da o, dağılmağa
doğru gedirdi. Azərbaycan xalqına müstəqillik deyil, torpaqların əldə
saxlanması birinci məsələ olmalı idi. Nəticədə kim nə əldə etdi?
Ermənilər bütöv Ermənistanı və Qarabağı, əlavə 7 cehiz rayonu;
Azərbaycan isə nadanların şəxsi eqoist məqsədlə hakimiyyət uğrunda
oyunları nəticəsində bunları itirdi. Lakin səbəb müstəqilliyin
olmaması (məhz ermənilər müstəqil olmadan qələbə qazandılar) və
ya SSRİ-nin olması deyildi. Insanları və millətləri nayrahat edən
Kommunist diktaturası idi. Lakin diktatura ləğv olmadı, bütün
respublikalarda həmin kommunist diktatuta başqa adlı diktaturalarla
əvəz olundu. Demək, düzgün məntiqi nəticə budur ki, 1990 –cı ildə
Azərbaycanın yalançı siyasi diletantlarının SSRİ-dən çıxmaq
uğrunda işi xalqa zidd olmuşdur. Ən düzgün davranış məhz
bilavasitə erməni aqressiaına qarşı adekvat tədbirlərin görülməsi,
bütün xalqın fəaliyyətini birləşdirib dişi və cırnağı ilə vətəni
qorumaq, ermənilərin məqsədini pozmaq idi, hətta rus hərbi
qüvvələrindən istifadə idi. Dövlət və siyasətçilər bu səhvlərdən nəticə
çıxarmalıdır. Bütün xalqlar məhz diktaturaya qarşı olmalı, onun ləğv
edilməsinə çalışmalıdırlar. Müstəqillik anlayışı isə çoxdan köhnəlmiş
ideologiyadır, ona alternativ qarşılıqlı asılılıq prinsipidir. Başqa cürə
mümkün deyildir. Hələki dünyada ən inkişaf etmiş Avropa birliyi
məhz bu prinsiplə qurulmuşdur. Yenidən aşkar edirik ki, Azərbaycan
tərəfi-dövləti, deputatları, nazirləri, rəsmi şəxsləri, ictimai liderləri nə
qədər böyük səhvlər etmişlər və bu günə qədər səhv etməkdə davam
edirlər. Tarix hələ dərs olmamışdır.
Azərbaycan, nefti və qazı kimə satmaq qayğısı ilə nayrahat
olmamalıdır. Və Avropanın neftsiz və qazsız qalmasını da vecinə
almamalıdır. Böyük miqdarda neft, qaz çıxarıb satmağa ehtiyac
135
yoxdur. Qoy, Avropa yalvarsın. Daha yaxşısı, çıxarılan neft və qazı
tam istehsal edib dünyaya onlardan alınan və hazır daha ucuz və
keyfiyyətli 300 adda məhsullar satmaq lazımdır.
Demək, o dövlətlər neftin əvəzində Azərbaycanı müdafiə
etməyib torpaqları qaytarmağa kömək etmədilərsə, nə üçün bundan
sonra böyük miqdarda nefti və yeni qaz müqaviləsilə qazı onlara
bağışlamaq lazımdır? Heç bir səbəb yoxdur. Ermənistanı - nefti, qazı
olmadan - bütün dünya müdafiə edir və yardım edir. Lakin
Azərbaycan dövləti səhvən güman edir ki, neft, qazla- yəni rüşvətlə
özünə dünya dövlətləri içərisindən tərəfdarlar tapacaq, onlar da
torpağı qaytaracaq. Səhv və uydurma xəyaldır.
Problemin digər həlli Azərbaycanın nə Natoya, nə Rusiya ilə
hərbi bloka girməməsi haqda 3 tərəfli müqavilə ola bilərdi ki, bundan
sonra 7 rayon qaytarıla və Qarabağın statusu sonra müəyyən edilə
bilərdi. Lakin bu az ehtimaldır, buna Rusiya inanmaz , çünki sonra 7
rayon qaytarılsa və Qarabağ Azərbaycan ərazisi sayıldıqdan sonra
Azərbaycan şərtlərdən imtina edib natoya daxil olsa, Rusiya təsir
imkanını itirmiş olar. Bunu nəzərə alaraq Rusiya belə işə razı olmaz,
yəni yalnız Rusiya ilə hərbi bloka girəndən və ərazisində baza
yaradandan sonra 7 rayon qaytarıla və Qarabağ məsələsi tam həll
olunar (ona formal müstəqillik verilməsilə).
Deməliyəm ki, problemin digər zorakılıq olmadan həlli olmuşdur
ki, bunu da anlamaq üçün yerli idarə sistemi imkan verməmişdir.
Əsasən təkbaşına göstərişlər və sərəncamlar verilməsi üsulu ilə
işləyən rəhbərlik Qarabağ və Ermənistan -Azərbaycan münasibətləri
üzrə nə parlament qrupu, nə hökumət komissiyası, nə elmi - texniki
Think tank - Ağıl dağarcığı qrupu yaratmışdır ki, problemin həllini
hazırlasın və həyata keçirsin. Dövlət səhvən güman etmişdir ki, bu
sahədə problemi həll edən müqavilə adi biznes müqaviləsidir və
lazımı əsaslar hazırlamamışdır. Bu, şübhəsiz, müsbət nəticəyə
gətirməmişdir və belə nəticəyə gətirə bilməzdi. Aşağıdakı
amillərdən istifadə edilsəydi, problem çoxdan həll edilmişdi:
1) Beynəlxalq aləmdə sözlə deyil, işlə müdafiə edənlərin
qarantiyası (olmamışdır)
2) Ermənistan daxilində erməni xalqı, təşkilatları və rəhbərləri ilə
lazımı iş, habelə xarici erməni diasporası ilə lazımı iş (olmamışdır,
bu ən optimaldır).
3) Düzgün xarici siyasət – Rusiya ilə təhlükəsizlik blokuna daxil
olmaq ( olmamışdır)
Dostları ilə paylaş: |