_________________Milli Kitabxana
________________
88
Hay ver, İnam Ata!
BİRLİYƏ DOĞRU
(Haray)
En üstəgəl bir bərabərdir bir (N+1=1).
***
Bütün başqa din, inanc və təlimlərdən fərqli olaraq, İnamçılıqda (Asifçilikdə)
insanı çaşdırma halı, məqamı, nöqtəsi yoxdur.
***
İnsanın qəlbinə sevgi və sayğın, azacıq da bələdliyin olsa, İnamçı (Asifçi) ola
bilərsən.
***
Öz təriqətindən yüksəyə qalxsan — İnamçı ola bilərsən; öz dinindən yüksəyə
qalxsan — İnamçı ola bilərsən.
***
Soydaşının, yurddaşının, yarının, yoldaşının, ərinin, arvadının, bacının,
qardaşının, gəlininin, qaynananın, baldızının, iş yoldaşının, amaldaşının...
arxasınca deyinməsən — İnamçı ola bilərsən.
***
Buradakılar oradakılarçün darıxmırlarsa, burada Ocaqçı yoxdur, İnamçı
yoxdur. Oradakılar buradakılarçün darıxmırlarsa, orada Ocaqçı yoxdur, İnamçı
yoxdur. Ocaqçı, İnamçı olmayan yerdə Ocaq yoxdur, İnam yoxdur.
***
Oradakılarla buradakılar bir-biri üçün darıxırlarsa, hər ikisi bir Ocaqdır, orda-
burdalıq önəmsiz bir anlaşılmazlıqdır və hətta ola da bilər, zərurətdən əmələ
gəlib...
***
Böyüyə (ata-anaya) qarşı sayğısızlıq elə də böyük yekəbaşlıq deyil; hələ qolu-
qıçı bərkiməmiş balaya qarşı sayğısızlıq Yer üzünün ən bağışlanılmaz suçudur.
***
Ata-ana qocalıb əldən düşənə qədər sayğıya yararsız yaşamış ola bilərdilər;
qolu-qıçı bərkiməmiş bala isə mütləq ilahi dəyərdir — gələcəyinin necəliyindən
asılı olmayaraq.
***
Beşikdəki, bələkdəki, qundaqdakı körpə İnsan gözünü yumaraq, yüzə-yüz,
bütünlüklə öz ixtiyarını verir sənə; o, sənin qarşında bir İnsan Mahiyyəti, Tanrı
olaraq dayanır. Buna görə də körpələrə qıymaq ən azğın başkəsən üçün də asan
başa gəlmir.
***
_________________Milli Kitabxana
________________
89
Ölüyə sayğı da bunun kimidir — sağlığında necə yaşamış olur-olsun. İstənilən
ölü də dirinin qarşısında mütləq bir İnsan Mahiyyəti kimi dayanır, öz Anlamı,
Mahiyyətiylə necə rəftar eləməyi bütünlüklə dirinin ixtiyarına verir.
***
İnsanın tanrılığı, bircəliyi (milyardlarca olmaması) bax budur.
***
Mahatma Qandi öz Hindistanını dişinə qədər yaraqlı İngiltərənin qarşısına belə
bir Mahiyyətin təzahürü kimi çıxarmaq istəyirdi.
***
Mahatma Qandinin ingilislərə qarşı döyüşündə ingilisə (insana) inam vardı.
***
Mahatma Qandi — təməldə İnamçı idi...
***
Atamız var olsun!
19- ilin Sərt ayı.
Hay ver, İnam Ata!
SUÇUN YAŞI
(Haray)
Suç insanda nə vaxtdan doğulur? Məsələn, 15 yaşlı gəncin və ya 25 yaşlı
cavanın suçu neçə yaşında olur?
***
Öz yiyəsi — daşıyıcısı ilə birgə doğulan suç (canavar, ilan, tülkü) özü nə vaxt
doğulur, oyanır?
***
Ola bilərmi suç heç doğulmasın — oyanmasın?
***
Özündən asılı olmayaraq, onunla qoşa doğulan (gələn) suça görə heç kəsi
qınamaq olmaz. Qınamağa nə vaxtdan başlamalı?
***
Gedənlərdə Safruha inam öləzik idi, qalanlarda Safruha
inam öləzikdir
(zəifdir).
***
_________________Milli Kitabxana
________________
90
Safruh — müqavimətsiz, iradəsiz, iddiasız olmaqla, tam bir Ocaq Mahiyyəti
kimi dayanıb qarşınızda. Körpə uşaq yetkin yaşlı yadların qarşısında dayanan
kimi; ölü bir kəs dirilərin qarşısında dayanan kimi.
***
Gedənlər — inamsızlığa görə getdilər.
***
Qalanlar — İnama görə qalmalıydılar, ancaq bunlar gedənlərə görə
qalmışlardır.
***
Biz — İnamçılarıq. İnam — bizə düşən (bizi açmağa yarayan) açardır və bizim
əlimizdəki açardır — hər cür bağlıya düşən (onu aça bilən).
***
Bizim qarşılıqlı inam və inamsızlığımızda, sevgi və sevgisizliyimizdə, sayğı və
sayğısızlığımızda İnam Ataya inam, sevgi və sayğımızın dərəcəsi bilinir.
***
İnam Ata: “Məni sevin. Bir-birinizi sevməsəniz də olar” deməmişdi. O
demişdi: “Bir-birinizi sevin. Bu elə məni sevməyiniz deməkdir”.
***
“Sizin bir-birinizə qarşılıqlı sevgilərinizə sizin ehtiyacınız var. Sizin sevginizə
mənim ehtiyacım yoxdur o qədər”. Bu da İnam Atanın dediyidir. Onun ara-sıra
dilinə gətirdiyi: “Hamınız çıxıb getsəniz, yenə Ocaq qalacaq və yaşayacaq;
özünüzü elə aparırsınız, hərdən özümü tamam yalqız hiss edirəm!” kimi sözləri
bu anlamı daşıyırdı.
***
...Suçun yaşını — onu doğan bilər. Suçu yaşatmaq da, yox etmək də onu
doğandan asılıdır.
***
Atamız var olsun!
3 Qar (XI ay), 19- il.
GƏRƏKƏN
(Haray)
Mənə bundan sonrakı ömür — iş görmək üçün “verilir”. “İş görmək” — yəni
okul açmaq — insanlıq, insanilik okulu...
***
İndiki bəşəriyyətin, indiki sayın — yarısı artıqdır; ola bilsin, dörddən üçü —
artıqdır.
***