_________________Milli Kitabxana
________________
115
Kütləvi əlöpmə gələnəyindən iyrənirəm və onu insana qəsd sanıram.
***
Mən Asif Atanın əlini öpməklə özümün Zəruri Əsarətimi ifadə elədim.
Vəcdli hallarımı çıxmaqla — mən o əməli heç vaxt tam nuşcanlıqla eləmədim
(ancaq candərdi də eləmədim — öz Zəruri Əsarətimin böyük anlamını gözəl
anlayırdım).
***
Mən Asif Atanın (daha doğrusu İnam Atanın) daim qəlbindən öpmüşəm
nüşcanlıqla, daim də öpəcəyəm.
***
Üz-üzə toxunmanı qarşılıqlı vəcdli anlaşma məqamlarının üzərdəki ən dolğun
ifadəsi sayıram.
***
Qarşılıqlı vəcdli anlaşmanın bundan da yüksək ifadəsi — şəxslərin yana
çevrilib ağlamaları, ən yüksək, son yüksək ifadəsi isə — bir səmtə baxaraq
ölümə getmələridir. Mən Asif Ataya bu məqsədlə qovuşmuşam.
***
...Atadan ötrü alışıb-yanıram! Ataya sevgilərimlə dolub-daşıram, şair demişkən
“get-gedə qocalmır, cavanlaşıram”!
***
Atamız var olsun!
17 Köçəri (XII ay) 22- il. Atakənd.
(Fevral 2001. Bakı).
BİLİK və MÖVQE
(İçsəs)
Dartışma mövzuları: 1) Aşırı insansevərlik son ucda insana zərər verir; 2) Aşırı
insansevərliyi harada görmüsən? (Yəni o – yoxdur); 3) Doğrudanmı yoxdur?..
***
Bu döngəli–dönümlü baxışların birincisini deyirsən – dinləyici odası
(auditoriya) ona inanır; ikincisini deyirsən – birincidən soyuyub ikinciyə
meyllənir; üçüncünü deyirsən – birinciyə qayıtmaq istəyir...
***
Bu – çoxölçülü dünya və çoxölçülü fikir deməkdir və bu, Deyəndən vicdan
istəyir, Dinləyəndən ağıl və ayıqlıq.
***
Bilik Mövqeyə nisbətən nə qədər dəqiq və nə qədər müəyyən olur-olsun, öz
bitkinliyinə Mövqedə çatır.
_________________Milli Kitabxana
________________
116
***
Son ucda: Bilik – dəyişilir, Mövqe – dəyişilmir, sabit qalır,
yiyəsiylə birlikdə
“olur”.
***
Birisi mənim “Bilik” deyə sunduğumu alt-üst eləyə bilər: məsələn, Yer
mərkəzçi sistemini təkzib edib, özünün Günəş mərkəzçi sistemini təsdiq eləyə
bilər. Ancaq məni heç kəs, məsələn, “Könül sevən – göyçəkdir” Mövqeyindən
daşındıra bilməz və bunun əksini sübut eləyə bilməz; olsa-olsa o da öz
mövqeyini söyləyər.
***
...Bəşər İstedadın nazıyla oynayır, İstedad bəşəri barmağına dolayır; ona əsl
dəyərləri – əzəli, əbədi, sonsuz, kamil dəyərləri unutdurur.
***
Məsələn, İstedad adamları məharətlə lütləndirir, bunun böyük gəlişmə
olduğuna onları inandırır və həm də ər-arvad sədaqətindən, ailə
müqəddəsliyindən, İsadan, Musadan dərin bələdliklə, coşğun ilhamla,
istedadlılar demiş, virtuozcasına danışır.
***
İstedad Allah dilini, Lenin dilini, Beynəlxalq biznes dilini, Kafe-Şantan dilini,
Tartan-Partan dilini hər vasitə ilə yayır, uğurla yayır və həm də dirigözlü
torpağa gömdüyü doğma dilə, dil doğmalığına öygülər (mədhiyyələr) oxuyur,
onun müdafiəsi üzrə komitələr yaradır! Doğmalığı öyə-öyə öldürməklə, yadlığı
məharətlə yeridib, qaldırır, yayır.
***
İstedadın oyunları sayəsində adam istədiyini, istəməli olduğunu – istəmir,
istəmədiyini – istəyir!..
***
Bəşər İstedadın nazıyla oynayır. Ona görə də mənim Mövqeyim belədir: bəşərə
bilikdən, istedaddan öncə, bunlardan qat-qat artıq dərəcədə inam gərəkdir –
inanc, ruhani haray anlamında İnam.
***
Ocaqlıq – Asif Ata İrsinin Mövqeyidir – Ocağın “Bakı Qolu”nun qismən,
“Saray-Soylu”nun mütləq şəkildə yaşatdığı; Mütləqə İnam fəlsəfəsi – Asif Ata
İrsinin Biliyidir – “Yanar Zəka”nın yaşatdığı.
***
Bilik – Mövqesiz deyil, Mövqe – Biliksiz deyil. Ancaq bununla belə, Mövqeyi
baş üzərində Bayraq kimi uca tutmadan Asif Ata Harayının bütövlüyünə
yetmək olmaz.
***
“Asif Ata Harayının bütövlüyünə yetmək” – “İnsana Mütləq anlamda yaramaq”
anlamı daşıyır – Bayrağımızdakı yazıya.
***
_________________Milli Kitabxana
________________
117
Bilik – sarsılandır, o cümlədən fənalıqlar, naqisliklər qarşısında; Mövqe –
sarsıdandır fənalıqları, naqislikləri.
***
İnsanın insanda iştirakı olmalıdır – o cümlədən, din yaradan,
inam yaradan,
fəlsəfə yaradan, sənət yaradan, mədəniyyət yaradan insanın, bu cür yaradıcılıq
iştahında olan insanın.
***
Mənim Mövqeyimcə amaclar amacı (məqsədlər məqsədi) budur; bu – Mütləqə
mütləq xidmətdir.
***
İnam – ən böyük, ən sarsılmaz, ən sarsıdıcı Mövqedir.
***
Atamız var olsun!
3 Murad günü, Günəş ayı
(I ay), 23- il. Atakənd.
(03.III.2001. Bakı).
İNAM İRSİ
(Haray)
“Asif Atanın Mütləqə İnam Ocağı”nı bir sözlə “Ocaqlıq” adlandırmaq olar.
(Müqayisə et: “Dünya – Dünyalıq”).
***
“Asif Atanın Mütləqə İnam Fəlsəfəsi”ni bir sözlə “İdraklıq” adlandırmaq olar.
***
Ocaqlıq üstəgəl İdraklıq bərabərdir –
İnamlıq.
***
Ən qısa ömürlüsü – Ocaqlıq ola bilər, ən uzun ömürlüsü – İdraklıqdır.
***
İrsin uğuru – İnamlıqdan asılıdır, onun uğuruyla ölçülür, onun cövhərləriylə
təsdiqlənir.
***
Atanın, Ata Əməyinin, Ata Qurbanının (Ömrün) Amacı, Məqsədi O idi.
***
Atanın İnsanlığa verdiyi Xeyir onda tapa bilər özünün dolğun ifadəsini –
İnamlığın Təsdiqində.