Яли Щясянов, Адил Вялийев
72
Şəhər və rayonların icra hakimiyyətlərinin başçıları səla-
hiyyətlərinin həyata keçirilməsini təşkil etmək məqsədilə şə-
hərlərdə, qəsəbələrdə və kəndlərdə icra nümayəndələrini vəzi-
fəyə təyin edirlər. Şəhər və rayon icra hakimiyyətlərinin baş-
çıları yanında tərkibində 15 nəfərə qədər şəxsin təmsil oluna
biləcəyi Şura yaradılır. Şuranın tərkibinə yerli icra hakimiyyə-
tinin başçısı, onun müavinləri, icra hakimiyyəti aparatının rəh-
bəri, aparatın struktur şöbələrinin və müvafiq ərazidə yerləşən
idarə və müəssisələrin rəhbərləri daxildir. Şuranın iclasları
ayda iki dəfədən az olmayaraq keçirilir.
Azərbaycan Respublikasında yerli özünüidarə seçkilər
əsasında yaradılan bələdiyyələr tərəfindən həyata keçirilir.
Bələdiyyələrin statusu və səlahiyyətləri Azərbaycan Respub-
likasının Konstitusiyası, “Bələdiyyələr haqqında” Qanun və
digər qanunvericilik aktları ilə müəyyənləşir. Bələdiyyələr öz
fəaliyyətlərini iclaslar, daimi və başqa komissiyalar vasitəsi ilə
həyata keçirirlər. Bələdiyyənin iclasları bələdiyyənin sədri
tərəfindən çağırılır.
Məhkəmə hakimiyyəti
Azərbaycan Respublikasında məhkəmə hakimiyyəti əda-
lət mühakiməsi yolu ilə yalnız məhkəmələr tərəfindən həyata
keçirilir. Konstitusiyaya görə əgər qanunvericilik və icra haki-
miyyəti iki yuxarı dövlət orqanına (ölkənin başçısına və par-
lamentə) həvalə olunursa, məhkəmə hakimiyyəti isə bütün
məhkəmə orqanlarını əhatə edir. Hər bir məhkəmə orqanı
Konstitusiyanı və qanunları rəhbər tutaraq müstəqil fəaliyyət
göstərirlər.
Məhkəmə hakimiyyətini Konstitusiya Məhkəməsi, Ali
Məhkəmə, apelyasiya məhkəmələri, ümumi və digər ixtisaslaş-
dırılmış məhkəmələr həyata keçirirlər.
Azərbaycan Respublikasının məhkəmə sisteminə aşağı-
dakı məhkəmələr daxildir:
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
73
rayon (şəhər) məhkəmələri;
Ağır cinayətlərə dair işlər üzrə Azərbaycan Respublika-
sının məhkəməsi;
Ağır cinayətlərə dair işlər üzrə Naxçıvan Muxtar Respub-
likasının məhkəməsi;
Hərbi məhkəmələr;
Ağır cinayətlərə dair işlər üzrə Azərbaycan Respublika-
sının hərbi məhkəməsi;
Yerli iqtisad məhkəmələri;
Naxçıvan Muxtar Respublikasının Ali Məhkəməsi;
Apelyasiya məhkəmələri;
Azərbaycan Respublikasının Ali Məhkəməsi.
Azərbaycan Respublikasının hər bir məhkəməsi müstəqil
hüquqi şəxsdir. Azərbaycan Respublikasının məhkəmələrində
işlərə qanunvericilikdə nəzərdə tutulmuş hallarda və qaydada
kollegial və hakim tərəfindən təkbaşına: birinci instansiya
məhkəməsində işlərə təkbaşına və ya üç hakimdən ibarət
tərkibdə, yaxud andlı iclasçılardan ibarət tərkibdə; apelyasiya
və kasasiya instansiyası məhkəməsində üç və ya daha çox
hakimdən ibarət tərkibdə baxılır. Məhkəmələr işlərə baxarkən
Azərbaycan Respublikasının Konstitusiyasını, qanunları və
digər qanunvericilik aktlarını, eləcə də ölkəmizin tərəfdar çıx-
dığı beynəlxalq müqavilələri rəhbər tuturlar.
Azərbaycanda məhkəmə hakimiyyəti Konstitusiya, mülki
və cinayət məhkəmə icraatı və qanunla nəzərdə tutulmuş digər
vasitələrlə həyata keçirilir. Məhkəmə hakimiyyətinin həyata
keçirilməsinin üç forması (konstitusion, mülki və cinayət) eyni
hüquqi statusa malikdir və onların hər biri özünəməxsusluğuna
baxmayaraq vahid prinsiplərə əsaslanırlar.
Azərbaycan Respublikası məhkəmələrinin fəaliyyəti əda-
lət mühakiməsinin və məhkəmə nəzarətinin həyata keçiril-
məsinə yönəlmişdir. Məhkəmələr ədalət mühakiməsini həyata
keçirərkən Azərbaycan Respublikasının Konstitusiyasında təs-
Яли Щясянов, Адил Вялийев
74
bit edilmiş əsas insan və vətəndaş hüquq və azadlıqlarını, mül-
kiyyət formasından asılı olmayaraq bütün müəssisə, idarə və
təşkilatların, siyasi partiyaların, ictimai birliklərin, digər hüqu-
qi şəxslərin hüquqlarını və qanuni mənafelərini hər cür qəsd-
lərdən və qanun pozuntularından müdafiə edir.
Azərbaycan Respublikasının Konstitusiyanın 25-ci mad-
dəsinə uyğun olaraq ölkəmizdə ədalət mühakiməsi irqindən,
milliyyətindən, dinindən, dilindən, cinsindən, mənşəyindən,
əmlak vəziyyətindən, qulluq mövqeyindən, əqidəsindən, siyasi
partiyalara, həmkarlar ittifaqına və digər ictimai birliklərə
mənsubiyyətindən asılı olmayaraq hər bir şəxsin qanun və
məhkəmə qarşısında hüquq bərabərliyi əsasında keçirilir.
Ədalət mühakiməsi həyata keçirilərkən Konstitusiyanın
63-cü maddəsində nəzərdə tutulmuş təqsirsizlik prezumpsiyası
prinsipinə riayət olunması təmin edilir.
Konstitusiyaya əsasən, işlərə məhkəmənin qapalı iclasla-
rında baxılması halları istisna olmaqla, bütün məhkəmələrdə
işlərin icraatı açıq aparılır. Qanunda nəzərdə tutulmuş hallar
istisna olmaqla, cinayət işlərinin qiyabi məhkəmə icraatına yol
verilmir. Bütün hallarda məhkəmələrin qərarları açıq elan
edilir.
Yaşı 30-dan aşağı olmayan, seçkilərdə iştirak etmək hüqu-
quna malik olan, ali hüquq təhsilli və hüquqşünas ixtisası üzrə
5 ildən artıq işləyən Azərbaycan Respublikasının vətəndaşları
hakim ola bilərlər.
Konstitusiyaya əsasən ikili vətəndaşlığı, xarici dövlətlər
qarşısında öhdəlikləri olanlar, din xadimləri, fəaliyyət qabiliy-
yətsizliyi və ya məhdud fəaliyyət qabiliyyəti məhkəmə tərəfin-
dən təsdiq edilmiş, tibbi rəyə əsasən fiziki və əqli qüsurlarına
görə hakim səlahiyyətlərini yerinə yetirməyə qadir olmayan,
cinayət törətməyə görə əvvəllər məhkum olunmuş, hakim adı
ilə bir araya sığmayan hərəkətlərə yol verdiyinə görə vəzifədən
azad edilmiş şəxslər hakim ola bilməzlər.