14
öyrəşən müəssisə artıq rəqib müəssislərin müştərilərini özünə cəlb etməyə çalışır.
Bu halda gözlənilməz hadisələr də baş verir. Ya, qiymətlər endirilir, ya da, güclü
reklam-təbliğat kompaniyası başlanır və s.
2)
Istehlakçılar mal alverində və danışıqlarda daha çox tələbkar və güzəştə getməyən
xasiyyətə malik olurlar. Çünki, artıq bütün rəqib firmaların əksəriyyətinin
məhsulları ilə yaxından tanış olan istehlakçılar öz tələblərini irəli sürərək daha
ucuz qiymətlə alver etmək istəyirlər.
3)
Rəqabət o səviyyəyə yüksəlir ki, artıq əsas fikir xərclərin çoxalması və xidmətin
artılmasına yönəldilir. Belə ki, əgr bütün təklif olunan mallar eyni
keyfiyyətdədirsə, o zaman müəssisə daha çox məhsul satmaq üçün qiymət və
xidmət sahəsindəki güzəştlərə üstünlük verir.
4)
Istehsal gücünü artırarkən müəssisə son bir “limit” halına gəlib çıxır. Aşağı templi
inkişaf onu göstərir ki, müəssisə istehsal gücünü artırmır. Hər bir müəssisə rəqib
müəssisələrin istehsal güclərini qiymətləndirməli və onların güclərindən aslı olaraq
öz gücünü müəyyənləşdirməlidir. Çünki, artıq istehsal bazarda satılmayaraq
müəssisəyə ziyan gətirəcəkdir. Bundan başqa, inkişafın aşağı tempi şəraitində
istehsal güclərinin yersiz olaraq artırılması müəssisənin gəlirini azaldacaq və
gələcəkdə onun rəqabətqabiliyyətliliyini də şübhə altına alacaq.
5)
Elə həddə çatılır ki, artıq nə buraxılan məhsulu təkmilləşirmək, nə də onun
istehlakçilarda yeni istifadə olunma yerlərini tapmaq mümkün deyil. Yəni,
istehlakçı artıq məhsulu başqa sahələrdə istifadə edə bilmir, istehsalçı isə o
məhsulun yeni çeşidlərini, növlərini təkmilləşdirib təklif edə bilmir.
6)
Beynəlxalq rəqabət artır. Artıq beynəlxalq bazarda nüfuz qazanmış şirkətlər başqa
ölkələrdə bazara çıxırlar, bir çoxları ucuz əmək resurslarıolan ölkələrdə filiallar
yaradırlar, sahə üzrə dünyada baş verən ən müasir yenilikləri və texnologiyanı
tətbiq edirlər, beləliklə də, ucuz mal təklif etməklə bazarda rəqabəti udurlar.
7)
Sahənin gəlirliyi gün-gündən azalmağa başlayır, yaxud da daima düşür. Zəif
inkişaf, sürətli rəqabət, istehlakçıların daim artan tələbi, istehsal güclərindən tam
istifadəni də aşağı salır, müəssislərin satdığı məhsulun həcmi və bununla da onun
gəliri aşağı düşür.
15
8)
Artan rəqabət get-gedə rəqib müəssisələrin daha zəiflərinin aradan çıxmasına
gətirib çıxarır. Sahə iri, güclü və rəqabətə dözənlərdən ibarət olur. Bu halda daha
zəif strateji proqramlı müəssisələr bir müddət ekstensiv yollarla yaşamağa çalışır
və son nəticədə onlar müflisləşir, bazarı itirir və sıradan çıxırlar.
Bütün bunlar inkişaf etmiş sahələrdə baş verən əsas dəyişiklikləri əks etdirir.
Lakin vəziyyət hər zaman çıxılmaz olmur. Belə ki, bir çox alimlər qeyd edirlər ki,
inkişaf etmiş müəssisələr xilasedici tədbirlər ilə çox hallarda vəziyyətlərini
qoruyub saxlaya bilirlər. Bu tədbirlərə aşağıdakılar aid edilir.
1)
Buraxılan məhsulun çeşidinin optimallaşdırılması.
2)
Istehsalın təkmilləşdirilməsinə daha çox əhəmiyyət verilməlidir.
3)
Xərclərin azaldılmasına daha çox əhəmiyyət verilməsi.
4)
Artıq daimi müştərilər kimi tanınmış və uzun müddət təmasda olduğu
istehlakçılara daha çox məhsul satmaq.
5)
Rəqib firmaların daha aşağı qiymətlə alınması.
6)
Beynəlxalq bazara çıxmaq.
Nəticədə bir tərəf öz ölkəsində istifadə edilməyən texnologiyasını xaricdə
(texnologiyası zəif olan ölkədə) yeni texnologiya kimi istifadə edir. Digər ölkə isə
öz ölkəsində hələ görmədiyi yeni istehsal sahəsi, yeni mal və xidmətlər qazanır.
Xüsusilə, yeni inkişaf edən ölkələrlə inkişaf etmiş ölkələr arasında baş verən bu
proses rəqabətqabiliyyətliliyi zəif olan müəssisələrə ikinci həyat verir. Məsələn,
Amerikada artıq yetkin həddə çatmış “Coca-Cola” şirkəti dünyanın ən müxtəlif
ölkələrinin bazarı hesbına alkoqolsuz içkilər istehsalı üzrə liderliyi hələ də özündə
saxlamaqdadır.
Bir çox müəssisələr elə sahələrdə fəaliyyət göstərirlər ki, o sahələr
iqtisadiyyatın başqa sahələrinə nisbətən çox yavaş inkişaf edir, yaxud da, get-gedə
istehsalları düşür. Belə bir şəraitdə bu sahədə çalışan bir çox müəssisə məhv olub
aradan çıxma səviyyəsinə gəlsələr də, bəziləri belə şəraitdə yaşama
qabiliyyətindədirlər. Durğunluq bürümüş sahənin müəssisələrinin mövcudluğu hələ
onların hamsının gərəksiz olacağı demək deyil və hələ bağlanacaq qərarını vermək
sonuncu qərar olmaya bilir, ona tərəf hələ çox çıxış yolları aramaq mümkündür. Bu
16
halda müəssisələrin özləri öz talelərini həll etmək sahəsində əsaslı tədqiqatlar
aparmalıdırlar. Belə ki, bu halda daha çox vəsait və investisya hesabına
vəziyyətdən çıxmağın mümkünlüyü, bəzi zərərli sahələrin ləğvi ilə əlaqəli ola
bilər. Bundan başqa, güclü rəqiblərin də artıq iflasa uğramışlar hesabına bazarı
qazanacaqlarını unutmaq olmaz. Odur ki, bazarda azacıq da olsa, paya sahib olmaq
ciddi strategiya tələb edir. Ümumiyyətlə, durğunluq və boğulmaq həddinə çatmış
sahələrdə fəaliyyətlərini davam etdirmək istəyən müəssisələr aşağıda qeyd olunan
strateji yanaşmalardan istifadə etməlidirlər.
1)
Sahə daxilində ehtiyyatda olan bazar seqmentlərini araşdırıb tapmağa və
ondan səmərəli istifadəyə yönəlmiş strategiya işləmələri.
2)
Istehsal olunan məhsulun keyfiyyətini yüksəltmək və onu təzələməklə ciddi
tədqiqat yolu ilə seçim aöarmaq.
3)
Durmadan, təkidlə çəkilən xərclərin həcminin azaldılması.
Xərclərin azaldılması yollarına qeyd olunduğu kimi, daha ucuz qiymətlə mal
təklif edən müəssisələrin xidmətindən istifadə, özündə baha başa gələn işlərin bu
işi ucuz görən müəssisələrdə görülməsi, daxili istesal ehtiyyatlarından və istehsal
gücündən səmərəli istifadə, satışın təşkilində əmələ gələn artıq aralıq mərhələlərin
ixtisar olunması, daha ucuz şərtlərlə emal etmə texnologiyasının tətbiqi və s.
daxildir.
Bir çox sahələrdə yüzlərcə, minlərcə kiçik, orta və iri ölçülü müəssisələr
fəaliyyət göstərirlər. Onlardan bir çoxu ayrı-ayrı şəxslər tərəfindən idarə olunur.
Pərakəndəlik və say çoxluğu onlardan hər hansı birinin bazarda yüksək yerə malik
olmasına imkan vermir. Odur ki, burada liderlikdən, bazara hökümranlıqdan, geniş
istehlakçı kütləsinin marağını qazanmaqdan söhbət getmir. Məsələn, kitab, qəzet
çap edən mətbəələr, əl əməyi ilə müxtəlif məişət şeyləri düzəldənlər, gül-çiçək əkib
becərənlər, yük daşayan nəqliyatlar və s.
Özünəməxsus xüsusiyyəti olan bu sahələrin xarakterik əlamətləri aşağıdakı
kimi səciyyələnir.
1)
Hər bir zaman eyni bir sahəyə girmək çox da çətinlik törətmir;
Dostları ilə paylaş: |