|
Microsoft Word turklib ru docТуркестанская Библиотека - www.turklib.ru – Turkistan Library
|
səhifə | 30/46 | tarix | 25.06.2018 | ölçüsü | 1,12 Mb. | | #51945 |
|
Туркестанская Библиотека - www.turklib.ru – Turkistan Library
Dünyada dil açıb
ilk dinəndə də
« ana » deyirik,
Qocalıb dünyanı
tərk edəndə də
« ana » deyirik.
Bütün dahilərə
layla çalar o,
günəşli layla…
Bütün ürəklərə
şəfəq salar o,
günəşlə, ayla.
Ana mərd olanda
nənə ağbirçək,
baxışları nur,
Qızları böyüyər
ay parçası tək
qüdrətli, məğrur.
Oğullar dünyanın
gələcəyidir,
ana bu günü,
İnsanlıq hər şeydən
müqəddəs bilir
ana südünü!
NİGAR RƏFİBƏYLİ
ANA SƏSİ
Nə güclüsən, ana səsi,
qadın səsi…
Ürəklərdən qopub gələn
odlu nəğmələr nəğməsi…
Səadətə, xoş günə çağıran bizi
ana səsidir.
Qüdrətiylə aşıb keçən
neçə qitəni, dənizi
ana səsidir.
Rəngi istər ağ olsun,
istər sarı, istər qara.
Туркестанская Библиотека - www.turklib.ru – Turkistan Library
Analıq bir şərəfdir
insanlara…
Dünyada bir səs varmı
Ana səsi qədər doğma, mehriban?
İlk laylasını dinləmişik,
İlk şəfqəti görmüşük
analardan.
Vətənin ağır günündə
döyüşə göndərib analar,
Qaranlıqlar ərisin deyə
Ürəyini məşələ döndərib analar.
Xoş gündə
könülləri xoş meh kimi
sarıb keçən ana səsidir.
Çətin yolları ümidlə, inamla
yarıb keçən ana səsidir.
Dünyada elə ana varmı
Körpələrin təbəssümünü
göz yaşına dəyişsin
Dünyaları ona versələr belə?!
Elə ana tapılarmı
Balasının bir gününə qıysın,
«Sənə əbədiyyət bəxş edərik», -
desələr belə?!
Bütün canlılar qoruyur balasını
Oddan, Sudan, küləkdən …
İllərin, əsrlərin arxasından
Anaların səsi gəlir:
« Qoruyaram səni, körpəm,
Qızılcadan, çiçəkdən ».
Silinir ölkələrdən
Qızılcanın, çiçəyin izi …
Bombaların çopurundan,
Yanğınların ləkəsindən
Qoruyur analar
Dünyamızı, yuvamızı, elimizi …
Ana sözü dayandırar
Dağdan qopan vəhşi seli.
Ana sözü oyandırar
Əsarətdə yatan eli.
Böyük ana,
Yaratmısan öz əlinlə
Keçmişi sən, bu günü sən.
Öz əlinlə qaldırarsan
Туркестанская Библиотека - www.turklib.ru – Turkistan Library
Bu dünyanın kürəyindən
Fəlakətin yükünü sən.
Bu gün bütün Yer üzündə
Səs- səsə versə analar,
Sülhün qalib bayraqları
Hər tərəfdə əzəmətlə dalğalanar.
Dinləyin, insanlar,
Analar danışır,
Üfüqlərdən- üfüqlərə dalğalanan
Anaların səsidir…
Bu səs
Səadət nəğməsi,
Ümid nəğməsidir…
HÖKÜMƏ BİLLURİ
ANAMA QURBAN OLUM
Anama qurban olum, anam yaradıb məni,
Ürəyimin yerinə bir dağ qoymuş elə bil.
Anam sevdirmiş mənə bu eli, bu Vətəni,
Ürəyimin başına çıraq qoymuş elə bil.
Dözümlüyəm, həssasam,
Düşünənəm, qananam.
Özgələrin dərdinə
Dərdim kimi yananam.
Qızılpərəst, pulpərəst,
Şöhrətpərəst deyiləm.
Məğruram anam kimi,
Mümkün deyil dünyada
Bir kimsəyə əyiləm.
Gözlərimin giləsi,
Almazdan doldurulmuş.
Bu dünya gözlərimdə
İşıq gölüdür tamam.
Dağlar, düzlər, dənizlər,
Çöllər şerimə ilham.
Anama qurban olum,
Gözəl yaradıb məni,
Dişlərim mirvaridir,
Bu, anamın töhfəsi,
Bu, anamın varıdır.
Mənə vermiş bu varı.
Həyat yolum anamın
Dostları ilə paylaş: |
|
|