Туркестанская Библиотека - www.turklib.ru – Turkistan Library
BAYRAQ
Ey mavi göylərin bəyaz və qızıl süsü…
Qız qardaşımın gəlinliyi, şəhidimin son örtüsü,
İşıq - işıq, dalğa - dalğa bayrağım,
Sənin dastanını oxudum, sənin dastanını yazacağam.
Sənə mənim gözümlə baxmayanın
Məzarını qazacağam.
Səni salamlamadan uçan quşun
Yuvasını pozacağam.
Dalğalandığın yerdə nə qorxu, nə kədər,
Kölgəndə mənə də, mənə də yer ver!
Sabah olmasa; günəş doğmasa,
Yurda ay - ulduzunun işığı yetər.
Savaş bizi qarlı dağlara götürdüyü gün
Qızıllığında isindik.
Dağlardan çöllərə düşürdüyü gün
Kölgənə sığındıq.
Ey indi süzgün, rüzgarlarda dalğalı,
Barışın göyərçini, savaşın qartalı…
Yüksək yerlərdə açan çiçəyim,
Sənin altında doğuldum,
Sənin kölgəndə öləcəyəm.
Tarixim, şərəfim, şerim, hər şeyim,
Yer üzündə yer bəyən,
Haraya sancılmaq istərsən,
Söylə, səni oraya sancım!
FARUQ NAFİZ ÇAMLIBEL
BAYRAQ ALTINDA
Bu gün gənc, ixtiyar, qadın, qız, oğlan
Uzanıb yatsaq da çardaq altında,
Şeypuru çalınca sabah borazan*
Dərhal toplanarıq bayraq altında.
Туркестанская Библиотека - www.turklib.ru – Turkistan Library
Bizi heç qayğılı görməz bu yerlər,
İgidlər ölürkən belə gülürlər.
Yetər ki, yaşayan ər oğlu ərlər
Bizi çiynətməsin ayaq altında.
Qəlbimiz çırpınar yurdu andıqca,
Gözlərdə zəfərin nuru yandıqca.
Üstündə bu bayraq dalğalandıqca
Könlümüz rahatdır torpaq altında.
*Borazan-nəfəsli musiqi aləti çalan şəxs
FİKRƏT SADIQ
UCAL, BAYRAĞIM
Türkün ömür möhürüdür,
Zəfər tarixidir
Onun üstündəki Ay- ulduz,
Bu möhürlə tanı bizi!
Yerə baxan-
yerə yaxın
alt zolağı- yaşıl.
Təzəcə cücərmiş taxıl,
çiçəkli çöl- çəmən,
barlı bağlar.
Qalın ormanlar, meşələr,
məğrur dağlar,
Ana yurd, Ana torpaq,
Ana Vətən.
Dinclik, gənclik, təmizlik.
İslam ümmətinin sevdiyi rəng.
Ey öz doğma ocağına
Bir də qayıtmış
Üç rəngli bayrağım, ucal!
Ucal başımızın üstündə,
Ucal bütün ölkələrdə
Özgələrə tanıt bizi,
Əsarətdən azad olmuş
ölkəmizi!
Туркестанская Библиотека - www.turklib.ru – Turkistan Library
VAHİD
ƏZİZ
BİR DƏFƏ YÜKSƏLƏN BAYRAQ
Azərbaycan
bayrağını ucaldanlar
gəldi yenə,
Qocalmadın, yorulmadın,
qayıdırsan gəncliyinə,
bayrağının üç rəngində
Torpaq gəldi,
Səma dindi,
Günəş axdı,
Bir dəfə yüksələn bayraq
Zaman yetdi,
yenə qalxdı!
Bu bayrağı ucaldanlar
qeyrətini
çəkənlərdir,
Yollarında çıraq
olub, önündə
diz çökənlərdir,
Bayrağının üç rəngində
Ürək də var,
Zəka da var,
Nəğmə də var,
Bir dəfə yüksələn bayraq-
Həmişə
göylərdə qalar!..
Ana Vətən, adındakı
əzəmətə
qurban olum,
Bəxtəvərəm,
sənə görə alovlardan
Keçdi yolum,
Bayrağının üç rəngində
Ulum da var,
Mən də varam,
Körpəm də var,
Səninlə
yüksələn bayraq
Həmişəlik
Dostları ilə paylaş: |