Туркестанская Библиотека - www.turklib.ru – Turkistan Library
Nə üçün?
Çünki tükənməz gücün,
Hamı sənə «can» deyir,
«Can Azərbaycan» deyir.
İSTİQLAL
Ey, salam tək hamıya söylədiyim, İstiqlal!
Rəngini yaxşı ayırd eylədiyim, İstiqlal!
Tən gəlir qan çeşidim bayrağımın
al qanına,
Nə yapar cansız ölüm məsləkinin qəltanına,
Döşümü qalxan edib girdim onun meydanına,
Öz içimdən doğulub etdi zühur İstiqlal!
Sözdə iş, işdə qürur, məncə, budur İstiqlal!
Onu biz gözləmədik, həm də can atdıq hey ona,
Başını hifz edənə söyləmişik baş əy ona,
Can atıb Kürlə Araz, mavi Xəzər, yer-göy ona,
Ey Yanardağda yanan məşəlimiz İstiqlal!
Ey Qobustanda donan heykəlimiz İstiqlal!
Deyirəm həm yaxına, həm uzağa, həm özümə,
Vermərəm əldən onu, diqqət elə son sözümə,
Amma ortaq edərəm Zəncanıma, Təbrizimə,
Adlasın qoy Arazı sürgün olan İstiqlal!
Dayağım, Ərkim olan, görküm olan İstiqlal!
Vurnuxur düşmənimiz lal kimidir,
kar kimidir,
Seçmir üç rəngini bayraqlarımın,
kor kimidir,
Şanlıdır keçmişimiz-
İyirmi yanvar kimidir,
Ey şəhid oğlu şəhid, ey dirimiz İstiqlal!
Qəhrəmanlıq işimiz, iksirimiz İstiqlal!
Necə ki, güclülərin hiyləsi var,
hikkəsi var,
Bu gözəl məmləkətin can kimi təhlükəsi var,
Çox da dünyanın, əzizim,
quru bir haqq səsi var,
Туркестанская Библиотека - www.turklib.ru – Turkistan Library
Millidir, milli olub, milli olar İstiqlal!
Söz deyil, söz eləsən, sözdə qalar İstiqlal!
Vətəni hürr olanın fikri, sözü hürr olacaq,
Özünü hürr edənin oğlu, qızı hürr olacaq,
Ən azı şax gəzəcək, lap ən azı hürr olacaq,
Söyləyim mənmi daha neyləyəcək İstiqlal?!
Əcdər Oldum, bizi biz eyləyəcək İstiqlal!
OXŞAMA
Mən
yarıdım,
yarımadım,
Vətənimi
qarğımadım,
Ona heç nə
sırımadım,
Tək özümü
qorumadım,
Köküm varmış,
qurumadım.
«Vətən» dedim,
Vətən, Vətən!
Dolaşdıqca
addım- addım,
Baxdım ona
maddım- maddım.
Havasını
uddum,
uddum,
Dadmalısın
dadım,
daddım.
Necə şaddım,
Necə şaddım,
«Vətən» dedim,
Vətən, Vətən!
Onu çox da
şişirtməyin,
Kiçik deyil,
kiçiltməyin,
Туркестанская Библиотека - www.turklib.ru – Turkistan Library
Hər yetəni
eşitməyin,
Yuvamızı
üşütməyin,
Zirvədəyəm,
düşürtməyin.
«Vətən» dedim,
Vətən, Vətən!
Öz imzamdır,
öz qolumdur,
Bayrağımda
üç yolumdur,
Addımbaşı
parolumdur,
«Sağ ol» umdur,
«Var ol» umdur,
Hər nədirsə,
qəbulumdur.
«Vətən» dedim,
Vətən, Vətən!
Yağısı çox
çətinlikdir.
Kimə nə var,
bu, mənlikdir.
Ruhum şehli
çəmənlikdir.
heyim, gücüm
Vətənlikdir.
Bələklikdir,
kəfənlikdir,
«Vətən» dedim
Vətən, Vətən!
RÜSTƏM BEHRUDİ
YURD YERİMİZ
Qarşı yatan qara dağı yaylağım,
Düzənləri, ormanları oylağım,
Əyilməyən çinarları bayrağım - Vətən!
Туркестанская Библиотека - www.turklib.ru – Turkistan Library
Bir gör sevgim təzədimi, tərdimi?
Hər doğulan oğuldumu, ərdimi?!
Daşlarına yazdım min il dərdimi-Vətən!
Ağ alnımda Araz qara yazıdı,
Varaq, yol uzaqdı - qar ayazıdı
Kərkükdü, Göyçədi, Qarayazıdı - Vətən!
Hər ağrılar, hər acılar ötəndi,
Əl uzatsam, Ərzuruma yetəndi,
…Füzulinin məzarı da Vətəndi, Vətən!
Vardım sona, « Ya bütövlük, ya qandı »,
Zalım dostlar qəbul edin bu andı.
Qara başım bu yol üstə qurbandı-Vətən!
NİZAMİ AYDIN
ƏSL ƏSGƏR*
Heç özü də bilmədən
əsl əsgər
bircə güllə atılsa da
düşmən tərəfindən,
qurtara bilməyir güllədən…
bircə döyüş də olmur
əsl əsgərlər ölmədən.
Elə döyüş də olmur
Yaralı əsgərlər
Bayraq kimi
enməsin atlardan.
Atlar inciməsin otlardan,
otlar atlardan.
Sonuncu davada
gözləri açıq ölməsin sonuncu əsgər.
Sonuncu səngərdə
Bayraq kimi
Qaldırılmasın Vətən torpağı.
Şəhidlərin öldüyü gün
uşaqlıq şəkli
tapılmasın cibindən…
Dostları ilə paylaş: |