|
Microsoft Word turklib ru docТуркестанская Библиотека - www.turklib.ru – Turkistan Library
|
səhifə | 25/46 | tarix | 25.06.2018 | ölçüsü | 1,12 Mb. | | #51945 |
|
Туркестанская Библиотека - www.turklib.ru – Turkistan Library
inam olub,
inad olub,
Bu torpaqdan qalxıb yenə!..
Məsləki var bu torpağın.
Bəlkə, elə buna görə
məhəbbəti
Qəlbimizə axıb dolub.
Dağı- daşı çiçək açıb,
çəmən olub.
Torpaq dönüb sevgi olub,
ana olub,
Vətən olub.
Özümüzlə
Dönüb bir can olub torpaq.
Bizim üçün
AZƏRBAYCAN olub torpaq.
SABİR SARVAN
QAN
Qana bələyirlər bizim elləri,
Qan deyir torpağı, daşı Vətənin.
Üzündə - gözündə qəm yuvalanıb,
Çəkir qovğaları başı Vətənin.
Şeytan ocağına, şər ocağına
Bəlli yelpiklərin küləyi gəlir.
Susuram, köksümü deşir ürəyim,
Dinirəm, ağzımdan qan iyi gəlir.
Bu yurd neçə dəfə qana çəkilib,
Quruyan dəniztək sinib özünə.
Axtarsan Vətənin sərhədlərini,
Düş tarix boyunca qanın izinə.
Torpağı bölündü yağlı tikətək,
Bu millət içindən sındı beləcə.
Hər gedən gecədə bir itiyi var,
Hər gələn səhəri qandı beləcə.
Gərək qan bağlaya şairin sözü,
Şair əllərini qandan gen tutub.
Туркестанская Библиотека - www.turklib.ru – Turkistan Library
Gör hansı zamandı, gör hansı vaxtdı,
Mən qana çapıram, məni qan tutub.
AYAZ ARABAÇI
SƏNƏ AND İÇİRƏM, VƏTƏN TORPAĞI
Eşqin qürub yeri, eşqin dan yeri,
Eşqin ürəyimin qan daman yeri,
Eşqin səcdə yerim, and- aman yerim,
Sənə and içirəm, Vətən torpağı.
Bu ürək yolunda bir sarı simsə,
Özgə bir havada çalmadı kimsə!
Harda duz- çörəyə and içirəmsə,
Sənə and içirəm, Vətən torpağı.
Azdım dumanda da, azdım çəndə də,
Sönməz ilhamın var bil ki, məndə də.
Sənə əyilirəm, əyiləndə də.
Sənə and içirəm, Vətən torpağı.
Adın var hər dürlü sözümdən qabaq
Nurlu çeşmələrin gözümdən qabaq!
Sənə and içirəm özümdən qabaq,
Sənə and içirəm, Vətən torpağı.
BAYRAQLARI BAYRAQ YAPAN ÜSTÜNDƏKİ QANDIR
ƏHMƏD CAVAD
AL BAYRAĞA
Gül rəngində bir yarpağın
Ortasında bir hilal.
Ey al bayraq, sənin rəngin
Söylə, neyçün böylə al?
Hakim olub bir torpağa,
Туркестанская Библиотека - www.turklib.ru – Turkistan Library
Ona etmək böylə naz;
Səndən başqa bir gözələ
Söylə, neyçün yaraşmaz?
Bu bənzəyiş nədən, gözüm,
Şəhidlərin qanına?!
Uğrunda can verənlər
Neyçün qıyar canına?!
Yol üstündə dərdli ninni
Görür səni ağlamaz.
Sən öylə bir şersən ki,
Sevməyənlər anlamaz!
Ey sevgili bayrağımın
O dalğalı duruşu.
Sandım salam rəsmi sənə
Buludların yürüşü!
Sən ey hilal, al qoynuna,
Aldın göydən ulduzu.
Məftun etdin sən kəndinə
Ən sevdalı bir qızı!
ÇIRPINIRDIN QARA DƏNİZ
Çırpınırdın Qara dəniz
Baxıb Türkün bayrağına!
«Ah!..» deyərdin, heç ölməzdim
Düşə bilsəm ayağına!
Ayrı düşmüş dost elindən,
İllər var ki, çarpar sinən!..
Vəfalıdır gəldi, gedən,
Yol ver Türkün bayrağına!
İncilər tök, gəl yoluna
Sırmalar səp sağ, soluna!
Fırtınalar dursun yana,
Salam Türkün bayrağına!
«Həmidiyyə» o Türk qanı!
Heç birinin bitməz şanı!
Туркестанская Библиотека - www.turklib.ru – Turkistan Library
«Kazbek» olsun ilk qurbanı!
Heyran Türkün bayrağına!
Dost elindən əsən yellər,
Bana şer, salam söylər!
Olsun bizim bütün ellər
Qurban Türkün bayrağına!
Yol ver Türkün bayrağına!!
CƏFƏR CABBARLI
AZƏRBAYCAN BAYRAĞINA
Buraxınız seyr edəyim, düşünəyim, oxşayayım
Şu sevimli üç boyalı, üç mənalı bayrağı!
Mələklərin qanadımı üzərimə kölgə salan!?
Nə imiş bu, aman allah! Od yurdunun yarpağı!
Göy yarpaqlar, al çiçəklər, yaşıl otlar topasımı!?
Xayır, xayır! Çiçək solur, otlar yerdə tapdanır,
Fəqət bizim bayrağımız ucaları pək seviyor,
Ulduzlardan, hilaldan da yüksəklərdə fırlanır…
Bu görünüş bir ananın şəfqətinə oxşayır,
Düşündükcə duyduqlarımı, vicdanımı oxşayır.
Bu ay- ulduz, boyaların qurultayı nə demək!?
Bizcə, böylə söyləmək:
Şu göy boya göy moğoldan qalma bir türk nişanı,
Bir türk oğlu olmalı!
Yaşıl boya islamlığın sarsılmayan imanı,
Ürəklərə dolmalı!
Şu al boya azadlığın, təcəddüdün fərmanı,
Mədəniyyət bulmalı.
Səkkiz künclü şu ulduz da səkkiz hərfli od yurdu
Əsarətin pəncəsindən fürsət bulmuş quş kimi
Səhərlərə uçmuşdur.
Şu hilal da türk bilgisi, düzgün sevgi nişanı
Yurdumuzu qucmuşdur.
Allah, əməllərim edib şu bayrağa intiqal,
Birər- birər doğru olmuş, bir ad almış istiqlal!
Ürəyimdə bir dilək var, o da doğru kəsilsin,
O gün olsun, bu göy bayraq Turan üstə açılsın!
ARİF NİHAT ASYA
Dostları ilə paylaş: |
|
|