Microsoft Word Vaqif Memmedov xatirelerde doc
Yüklə 21,11 Mb. Pdf görüntüsü
|
Vaqif Məmmədov xatirələrdə 22 Hacı Fəxrəddin Səfərli AMEA-nın müxbir üzvü, tarix üzrə fəlsəfə doktoru, professor XEYİRXAH ƏMƏLLƏRİ, ƏDƏBİ VƏ ELMİ İRSİ İLƏ ÜRƏKLƏRDƏ YAŞAYAN VƏTƏNSEVƏR İNSAN 28 fevral 2017-ci ildə, saat 10 30 -da telefonuma zəng gəldi. Zəng vuran gözəl pedaqoq, vətənsevər ziyalı, nəcib insan, mər- hum Vaqif Məmmədovun oğlu Səbuhi Məmmədov idi. Səbuhi müəllim atasının xatirəsinə nəşr etdirmək istədiyi kitabda mənim də xatirələrimin yer alması arzusunda olduğunu bildirdi. Mən qısa zaman çərçivəsində Vaqif müəllim haqqında ürək sözlərimi yazıb göndərəcəyimi bildirdim. Bəri başdan demək istərdim ki, Azərbaycan Yazıçılar Birli- yinin, Azərbaycan Jurnalistlər Birliyinin, Türkiyə Elm və Ədəbiyyat Əsəri Sahibləri Məslək Birliyinin (İLESAM) və Avrasiya Yazarlar Birliyinin üzvü, tarix üzrə fəlsəfə doktoru, dosent, gözəl şair, mərhum Vaqif Cəfər oğlu Məmmədov haq- qında düşünərkən nəzərimdə ilk öncə vətəninə bağlı, qayğıkeş, səmimi bir insan, təmkinli və müdrik bir ağsaqqal, yüksək səviy- yəli ziyalı, istedadlı şair, zəhmətkeş alim, ümumiyyətlə, özündə bir sıra müsbət keyfiyyətləri birləşdirən şəxsiyyət canlanır. Vaqif müəllimi qiyabi olaraq lap gənc yaşalarından, müxtə- lif mətbuat orqanlarında nəşr olunan şeirlərinin altında qoyduğu imzadan tanıyırdım. Ancaq 1970-ci illərin sonlarında elmi işim- lə əlaqədar material toplamaq üçün Sədərək kəndində olarkən onunla şəxsən tanış oldum. Bu tanışlıqla aramızda yaranan xoş münasibətlər getdikcə yüksələn xətt üzrə inkişaf etdi və onun Naxçıvan Dövlət Universitetində yaradılan “Qeyrət” nəşriyya- tına direktor təyin olunmasından sonra tez-tez görüşməyimiz səbəbindən daha da möhkəmləndi. Asudə vaxtlarımda Vaqif müəllimin universitetin əsas korpusunun I mərtəbəsində yer- ləşən otağına gedər, müxtəlif mövzularda söhbətlər edərdik. Vaqif Məmmədov xatirələrdə 23 Yaxından tanıdığıma və müşahidələrimə əsasən deyə bilərəm ki, Vaqif müəllim qayğıkeş bir ailə başçısı, etibarlı dost, Mövlana Cəlaləddin Ruminin təbirincə desək “olduğu kimi görünən” bir insan idi. Paxıllıq, gözügötürməzlik, başqasının haqqında danış- maq, qeybət, söz gəzdirmək və s. bunlar kimi mənfi xüsusiyyət- lər ona yad idi. Artıq Vaqif müəllim həyatının kamillik dövrünü yaşayırdı. Hər bir kamil insana məxsus bir sıra müsbət keyfiyyətləri özündə birləşdirən Vaqif müəllim hərtərəfli yetkin bir insan idi. Ona görə də onun bir insan, ziyalı, vətəndaş kimi özünəməxsus xarakterik xüsusiyyətləri haqqında danışmaq, kiçik bir yazıda onları təhlil etmək çox çətindir. Heç şübhəsiz ki, Vaqif müəlli- min müxtəlif peşə sahibləri olan dostları və yaxınları onun bu xüsusiyyətləri haqqında yazacaqlar. Mən isə onun haqqında bəzi məqamlara çox yığcam şəkildə toxunmaq istərdim. Vaqif müəllim çox vətənsevər insan idi. Onun xarakterində- ki bu cəhət 1988-ci ildə bədnam qonşularımız tərəfindən ortaya atılan Dağlıq Qarabağ problemi, ermənilərin Azərbaycanın bütün sərhədyanı bölgələrində olduğu kimi, xalqımızın ümum- milli lideri Heydər Əliyevin “qeyrət qalası” adlandırdığı Sədə- rəyə hücumları zamanı özünü qabarıq şəkildə büruzə verdi. O erməni quldarlarının Sədərəyə hücumlarının qarşısının alınması üçün istər Sədərək kəndi əhalisindən, istərsə də qonşu kəndlər- dən, muxtar respublikanın müxtəlif yaşayış məskənlərindən, hətta Azərbaycanın bir sıra rayonlarından gələn insanların düş- mən hücumlarının dəf olunması, ermənilərə qarşı mübarizə üçün təşkilatlanması sahəsində xüsusi rol oynadı. Mən Vaqif müəl- limin Sədərək hadisələri ilə əlaqədar çox səliqə ilə yazdığı və müəyyən bir hissəsini nəşr etdirdiyi “Sədərəkdə yazılan gün- dəlik”lə tanışam. Tam qətiyyətlə deyə bilərəm ki, bu gündəlik Sədərək hadisələri haqqında obyektiv və ətraflı məlumat verən çox sanballı qaynaqdır. Qeyd etmək istərdim ki, Vaqif müəllimin qəlbində bir “Kərki nisgili” vardı. Sədərək kəndindən 8-10 km aralıda yerlə- şən, qohum əqrəbası yaşayan Kərki kəndində baş verən hadisə- Vaqif Məmmədov xatirələrdə 24 ləri, ermənilərin orada törətdikləri faciələri bütün ağrı-acısı ilə yaşayan kövrək insan Vaqif müəllim bu kəndə çoxlu şeirlər həsr etsə də, bunlarla kifayətlənmədi. Canlı şahidi və iştirakçısı oldu- ğu hadisələri yazıya köçürüb Kərki kəndi haqqında kitab yazdı. Həmin kitabın əlyazmasını mənə təqdim edərək “bu kitabı Kərki kəndinin ermənilər tərəfindən işğal edilməsinin 25 illiyinədək (18 yanvar 2015-ci ilədək) nəşr etdirmək istəyirəm. İstərdim ki, kitaba ön sözü sən yazasan”. Mən məmuniyyətlə bu təklifi qəbul etdim və kitaba “Kərkisiz 25 il… yaxud “Kərkinin taleyi” haqqında düşüncələrim” başlığı ilə ön söz yazdım. Kitab 2015-ci ilin yanvar ayının əvvəllərində, Kərki kəndinin işğal edildiyi gün ərəfəsində “Kərkinin taleyi” adı ilə nəşr olundu. Qeyd etmək istəyirəm ki, kitabın ön sözündə yazdığım kimi “Kərki kəndində baş verən hadisələrin canlı şahidi, fəal iştirakçısı, kəndin mü- dafiəsinin təşkilatçılarından biri, həmin vaxt ömrünün 42 yaşlı cavanlıq çağlarını yaşayan, məktəb direktoru işləyən Vaqif müəllimin topladığı materiallar, yazdığı gündəliklər əsasında 25 il sonra, 67 yaşlı müdrik insan, artıq yaşının kamillik dövrünü yaşayan el ağsaqqalı, püxtələşmiş tarixçi alim, tarix üzrə fəlsəfə doktoru, dosent Vaqif Cəfər oğlu Məmmədov tərəfindən yazılan və özünün məna tutumu, məzmunu, oxunaqlığı və oxucuya təsir gücü ilə seçilən əsər” özündə geniş oxucu kütləsinə məlum olmayan çoxlu faktları əks etdirir və Kərkidə baş verən hadisə- lərlə əlaqədar bir sıra məsələlərə aydınlıq gətirir. Fikrimcə, Vaqif müəllim bu kitabı yazmaqla sanki ürəyini boşaltmaq, daim qəlbini sıxan Kərki dərdini bir az yüngülləş- dirmək istəmişdi. Ancaq bu kövrək insan dağ boyda Kərki dər- dinə dözə bilmədi və mən deyərdim ki, bu dərd onun ağır xəs- təliyə dücar olmasında, dünyasını dəyişməsində öz mənfi təsirini göstərdi. Vaqif müəllim Azərbaycanın, xüsusilə Naxçıvan Muxtar Respublikasının ictimai-siyasi və mədəni həyatında əsasən bir yaradıcı insan, görkəmli şair kimi xüsusi yer tutsa da, bir alim kimi fəaliyyəti də çox səmərəli olmuşdur. Onun “Cəlil Məm- mədquluzadə adına Naxçıvan Müəllimlər İnstitutunun yaran- Yüklə 21,11 Mb. Dostları ilə paylaş:
|