Vaqif Məmmədov xatirələrdə
31
Vaqif müəllim həmişə deyərdi ki, “xalq üçün çörəkdən və
sudan sonra ən vacibi məktəbdir. Hər bir insan təhsil prosesində,
məktəbdə tərbiyə olunur. Buna görə də təhsil tam, aydın və sabit
olmalıdır.” Bir pedaqoq kimi tez-tez fransız yazıçısı A.
Barbusun aşağıdakı sözlərini xatırladırdı “Məktəb yetişməkdə
olan nəslin formalaşdığı emalatxanadır. əgər sən gələcəyi əldən
vermək istəmirsənsə, onu əldə möhkəm saxlamaq lazımdır”.
Onun müəllimliyində tələbkarlıqla qayğı üzvü bağlılıq təşkil
edirdi. Dərsdə çox ciddi, tələbkar görünən Vaqif “Jurnalistika
və dünya ədəbiyyatı” kafedrasının sevilən müəllimlərindən idi.
O, tələbələri ilə dostluq etməyi bacarır, onlara dəyərli məsləhət-
lər verir, elm və həyat yollarında onların əsl qayğıkeşi, yol gös-
tərəni olurdu.
Peşəsinin qəlbən vurğunu olan Vaqif müəllim öz müəllimli-
yini Vətəninə, xalqına xidmət etmək vasitəsinə çevirmişdi. Onun
dediyi sözlər, atdığı addımlar, apardığı dərslər bir pedaqoq kimi
cəmiyyət üçün faydalı məqsədlər güdür, mənəvi keyfiyyətləri isə
xalqımızın tarix boyu qazandığı dəyərlər olduğundan cəmiyyətin
sonrakı inkişafı üçün böyük əhəmiyyət kəsb edirdi.
Ömrünü müəllimlik kimi müqəddəs bir peşəyə həsr etmiş
Vaqif həm həyatı, həm də elmi-pedaqoji fəaliyyəti ilə bir ziyalı
örnəyi idi. Həyatının mənasını insanlara xidmətdə görən Vaqif
təvazökar, xeyirxah və alicənab insan idi. Onun dost kimi səda-
qətinə, insan kimi kamilliyinə, ziyalı kimi alicənablığına, ağsaq-
qal kimi nüfuzuna, vətəndaş kimi xalqına, torpağına bağlılığına
hamımız şahid idik.
Vaqif müəllim sadə, zövqlə geyinən bir şəxsiyyət idi. Onun
insanlarla rəftarında, cəmiyyət hadisələrinə münasibətində son
dərəcə səmimi bir ziyalı mövqeyi formalaşmış, rəftarında, oturu-
şunda, duruşunda, ədəb-ərkanında gözəl bir müəllim qüruru
cəmləşmişdi.
Hər kəsə bir ömür verilib deyiblər. Hərə də bir cür yaşayır
bu ömrü. Elə buna görə də dilimizdə ömür, şərəfli ömür ifadələri
yaranıb. Faydalı, xeyirxah, gənc nəslin inkişafına təkan verən,
xalqına və millətinə xidmətdə keşən ömrə dəyərli ömür deyiblər.
Vaqif Məmmədov xatirələrdə
32
Cəsarətlə, sözübütöv, sədaqətli, şərəfli ömür sahibinə çevrilib bu
cür şəxsiyyətlər. Vaqif müəllim də belə mənalı və şərəfi ömür
sahiblərindən idi.
Vaqif müəllimin bədii, elmi və pedaqoji fəaliyyətindən,
onun insani keyfiyyətlərindən günlərlə danışmaq olar. Onun
haqqında şair, pedaqoq, alim, ziyalı, kamil şəxsiyyət kimi düşü-
nəndə fəxr edirsən ki, belə bir insanla dostluq etmisən. Çünki
cəmiyyətin tərəqqisinə, onun təhsilinin inkişafına, gənc nəslin
tərbiyəsinə sərf edilmiş ömür şərəfli ömürdür.
Qanlı qış günlərinin birində, 6 fervral 2016-cı ildə Vaqif
müəllim qəflətən, gözlənilmədən, heç kəsə xəstə olduğunu demə-
dən, heç kəsə şikayətlənmədən, ölümdən qorxmayaraq, ölümün
gözlərinə dik baxaraq, mərdi-mərdanə, ləyaqətlə, öz mənliyinə,
ləyaqətinə və şəxsiyyətinə xas tərzdə dünyasını dəyişdi.
Vaxtilə özü yazmışdı:
Vədələr, niyyətlər demək boş imiş,
Səadət göylərdə uçan quş imiş.
Sənin də ürəyin demək boş imiş
Dünyada heç kəsdə gözüm qalmayıb.
Dünya yalan üstə qurulub məncə,
Yalanlar içində gerçək var təkcə.
Ölümdür, başqa şey deyil o gerçək
Yaranan hər varlıq bir gün köçəcək.
Ölümün fəlsəfəsi mənası bütün dünyanın yeniləşməsi anla-
rından biridri. Əgər ölüm olmasaydı, insan əbədilik haqqında
düşünə bilməzdi. Ölməzlik ölümün inkarıdır, ölüm isə həyatın
inkarıdır. Deməli ölməzlik inkarı inkardır, ikiqat inkardır. Bunun-
la belə, əbədilik ölümdən keçmək vasitəsilə mümkün olur, ölüm
dünyada bütün insanların qismətidir. O, var-dövlətə baxmır.
Lakin ölüm öz işini görərkən ölülər deyil, dirilər əzab çəkir.
Bu mənada, Vaqif müəllimin ölümü böyük əzab və qəm yükü
olsa da, biz bu insanın ölməzliyinə, xatirəsinin daima qəlbimiz-
də qalacağına inanırıq. Çünki, bu ölməzliyi o, özü qazanmışdır.
Vaqif Məmmədov xatirələrdə
33
Əlbəttə, Vaqif müəllimin mənalı həyatı, ədəbi yaradıcılığı
və elmi-pedaqoji fəaliyyəti haqqında yazdıqlarım kiçik qeydlər-
dir. Əminəm ki, onu tanıyan və xatirəsini əziz tutan dost və
qohumlarının da gözəl şair, kamil tarixçi alim, əsl müəllim,
müdrik şəxsiyyət haqqında yazdıqları Vaqifin əsl portretini
tamamlayacaq, Vaqif müəllim haqqda zəngin bir xatirə kitabı
yaranacaqdır. Ancaq Əməkdar Mədəniyyət və Qabaqcıl Təhsil
işçisi gözəl şair və kamil şəxsiyyət Vaqif Məmmədova ən böyük
abidə onun dostlarının, çoxsaylı tələbələrinin, qohumalarının,
qəlbində, yaddaşında öz əməlləri ilə yaratdığı əsl insan, gözəl
şair, bacarıqlı müəllim və həqiqi alim obrazıdır.
Allah ruhunu şad etsin.
Vaqif Məmmədov xatirələrdə
34
Hüseyn Həşimli
Filologiya elmləri doktoru,
professor, Əməkdar Elm Xadimi
“BİR GÜN OLAR, İTİRƏRSİZ VAQİFİ...”
Bənzərsiz istedada və yüksək insani ləyaqətə malik olan
Vaqif müəllimin özünü şəxsən tanımazdan əvvəl müxtəlif qəzet
və jurnallarda dərc olunmuş bir sıra əsərlərini oxumuşam, qəlbə
yatan çoxsaylı şeirlərindən bir qismini hələ tələbəlik dövründə
əzbərləmişəm. Bitirdiyim ali məktəbdə əmək fəaliyyətimə başla-
yandan iki il sonra isə şairi yaxından görmək, tanımaq qismət
oldu. 1988-ci ilin sentyabr ayının sonları idi. Fakültə dekanı,
mərhum dosent Arif Əliyev bildirdi ki, hazırlaşın, Sədərəyə səfə-
rimiz olacaq, şair Vaqif Məmmədovla da görüşəcəyik... Belə ki,
bir neçə gün əvvəl ustad Məhəmmədhüseyn Şəhriyar dünyasını
dəyişmişdi və Arif müəllimin təklifi ilə mən böyük şairin
əsərləri, həmçinin ona həsr olunan poetik örnəklər əsasında bir
ədəbi kompozisiya hazırlamışdım. Tələbələrin iştirakı ilə həmin
musiqili-ədəbi kompozisiyanı ali məktəbin böyük zalında nüma-
yiş etdirmişdik. Yaxşı qarşılanmış bu tədbirdən sonra Arif müəl-
lim bizə demişdi ki, rayonların birinə səfər edib kompozisiyanı
orada da göstərmək üçün çalışacağam. Və o zaman Sədərək
kəndində orta məktəb direktoru işləyən Vaqif müəllimlə əlaqə
saxlamışdı. Biz B.Vahabzadənin, M. Arazın, B. Azəroğlunun və
digər müəlliflərin də müvafiq şeirlərini əlavə etməklə kompozisi-
yanı genişləndirdik. “Elə oğul istəyir vətən” adlı bu kompozisiya-
nı Sədərək məktəbində müəllim və şagirdlərə nümayiş etdirdik.
Tədbirdə məktəbin direktoru Vaqif Məmmədov da çıxış etdi,
vətənpərvərlik ruhunda bir neçə şeirini oxudu. Onun sadəliyi,
səmimiyyəti, təşkilatçılıq məharəti hamımızda rəğbət oyatdı...
Sonrakı illərdə Naxçıvan şəhərində Vaqif müəllimlə müx-
təlif ədəbi-mədəni tədbirlərdə görüşüb hal-əhval tuturduq. 1998-
ci ildən isə o, vaxtı ilə məzunu olduğu ali məktəbdə işləməyə
başlayandan sonra iş yoldaşı kimi tez-tez görüşürdük. Beləcə, bu
Dostları ilə paylaş: |