Vaqif Məmmədov xatirələrdə
38
O həm də səriştəli pedaqoq kimi tanınmışdı. Uzun illər
Sədərəkdə orta məktəbdə tarix fənnini yüksək məharətlə tədris
etmişdi. Son on beş ildən artıq müddətdə isə çalışdığı ali
məktəbin nəşriyyatına rəhbərlik etməklə yanaşı, “Jurnalistika”
ixtisasında bir neçə fənni tədris edir, gənc jurnalist kadrların
hazırlığı işində də qüvvəsini əsirgəmir, illər boyu topladığı
zəngin təcrübəni və nəzəri biliyi tələbələrə həvəslə öyrədirdi.
Vaqif Məmmədov təkcə bilavasitə dərs verdiyi tələbələrin
müəllimi deyildi, bütövlükdə yaradıcı gəncliyin yol göstərənlər-
indən biri idi. Bədii yaradıcılığa meyl göstərən bir çox gənclərin
muxtar respublikanın müxtəlif şəhər, qəsəbə və kəndlərindən
Vaqif müəllimin yanına gələrək ondan məsləhət (əslində sənət
dərsi) almasının dəfələrlə şahidi olmuşam. Naxçıvan televiziya-
sında apardığı ədəbi verilişlərə dəvət etdiyi gənc ədəbiyyat
həvəskarları sırasından istedadlı qələm sahiblərinin yetişməsi də
çəkilən əməyin nəticəsi idi.
Ümumiyyətlə, Vaqif müəllimi tanıyanların hamısı ona böyük
ehtiram bəsləyirdi. Xüsusən gəncliyin qaynar sevgisini ayrıca
vurğulamaq istərdim. Bunun arxasında şairin bənzərsiz sənəti və
yetkin, nurlu şəxsiyyəti dayanırdı. Vaqif müəllim kimi istedadlı,
vicdanlı, ləyaqətli ziyalılar təkcə mənsub olduqları ailənin, yaxud
nəslin deyil, bütövlükdə xalqın hörmətini qazanırlar.
Vaqif Məmmədov son illərdə daha məhsuldar işləyirdi.
Sanki amansız əcəlin onu qəfildən yaxalayacağını hiss etmişdi.
Ürəyindən keçən nəcib duyğuları, fikrini məşğul edən düşüncə-
ləri poetikləşdirib oxuculara çatdırmağa, indiki və gələcək nəsil-
lər üçün ərməğan qoymağa can atırdı... İndi düşünürəm ki, son
əsərlərində, xüsusən “Yüz rübai” və “Dəniz də nigaran, sən də
nigaran” kitablarındakı bir sıra şeirlərdə kədər, niskil və həsrət
notlarının qabarıqlaşması da səbəbsiz deyilmiş...
Heç yadımdan çıxmır: dünyasını dəyişməsindən təxminən
yeddi-səkkiz ay əvvəl Vaqif müəllimin iş otağına getmişdim.
Arabir belə ziyarətlərim olurdu və hər dəfə də ədəbiyyatdan
maraqlı söhbətlər edirdik. Şairin həmişə qayğılı görünən baxış-
larında bu dəfə boy verən dərin bir kədər də sezdim. Səbəbini
Vaqif Məmmədov xatirələrdə
39
soruşdum, sadəcə: “Heç”, – deməklə kifayətləndi. Amma beş-on
dəqiqədən sonra söhbət heç gözləmədiyim axara yönəldi. Vaqif
müəllim özünəməxsus bir aramla, həm də həzin səslə ədəbiyya-
tımızdakı klassik və müasir şair Vaqifləri sadalamağa başladı.
Və onların ikisinin hər birindən iki misra şeir də dedi. Məni
heyrətləndirən bu oldu ki, Molla Pənah Vaqifin-bu nikbin ruhlu
klassikimizin şən ovqatlı şeirləri bir yana, görəsən, hansı ilahi
hökmün diqtəsiylə Vaqif Məmmədov aşağıdakı misraları xatır-
lamışdı:
Bir gün olar, itirərsiz Vaqifi,
O qədər gəzərsiz əli çıraqlı.
Və Vaqif Səmədoğlunun misraları:
Atamı səslədim dara düşəndə
Gördüm ki, arada qəbir dayanıb.
Bu görüşün sarsıntısının mahiyyətini aylar sonra əziz Vaqif
müəllimin vaxtsız vəfatı xəbərini eşidəndə daha dərindən anla-
dım və yaşadım. Və mənə elə gəldi ki, Vaqif müəllim o zaman
həmin misraları asta səslə təkrarlayarkən yaxınlaşan əcəlin ayaq
səslərini eşitmiş, hənirtisini şair həssaslığı ilə duymuşdu.
Çox təəssüf... Vaqif müəllimi də itirdik. Yanılmıramsa, rus
ədibi O. Mandelştamın sözləridir: “Ədəbiyyat tarixi həm də
ədəbi itkilərin tarixidir”. Beləcə, Vaqif Məmmədov itkisi də
ədəbiyyat tarixinin kədərli faktına çevrildi, əsərlərinin ideya-
bədii dəyəri isə bu itkinin acısına təsəlli qatmaq gücündədir.
1987-ci ildə çapdan çıxmış ilk kitabını “Yaşadacaq bu yol məni”
adlandıran şairin cismani həyatı başa çatsa da, mənəvi ömrü
davam etməkdədir, – əsərlərində, unudulmayan xeyirxah əməllə-
rində, onu tanıyanların, doğmalarının yaddaşlarına köçən nurlu
xatirəsində və bir də böyüdüb boya-başa çatdırdığı övladlarının
simasında...
Ruhu şad olsun!
Vaqif Məmmədov xatirələrdə
40
Elbəyi Maqsudov
Pedaqoji elmlər doktoru,
professor
GÖZƏL İNSAN, İSTEDADLI ŞAİR,
FƏDAKAR ALİM
Dostum, həmkarım, gözəl insan Vaqif Məmmədovu univer-
sitet həyatına gəlməmişdən əvvəl qiyabi tanıyırdım. Onun
müxtəlif qəzet və jurnallarda yaxşı müəllim, təcrübəli məktəb
direktoru, vətənpərvər bir şair kimi imzalarına tez-tez rast gəlir-
dim. Universitetimizə gələndən sonra əlaqələrimiz daha da artdı,
elmi, bədii, publisistik söhbətlərdə, konfrans və görüşlərdə daha
tez-tez görüşürdük. “Çinar ömrü” ədəbi birliyinə rəhbərlik etmə-
si, həmin adda bir neçə almanax nəşr etdirməsi, televiziya
verilişlərində birgə çıxışlarımız bizi daha da yaxınlaşdırdı.
Vaqif müəllim bir çox keyfiyyətləri ilə səmimiliyi, işgüzar-
lığı, yaxşı yoldaşlığı, müxtəlif mövzularda qələmə aldığı oriji-
nal, təbii, düşündürücü yazıları, sakit, gözəl nitqi, verdiyi sözə
sədaqəti, dəqiqliyi, vətənpərvərliyi və s. ilə başqalarından fərq-
lənirdi. Bütün bu müsbət keyfiyyətləri özündə əks etdirən Vaqif
Məmmədovla yoldaşlığımız sonradan yaxın və möhkəm dostluq
əlaqələrinə çevrildi.
Vaqif müəllim sözün həqiqi mənasında ustad pedaqoq idi .
Müəllim əməyini çox yüksək dəyərləndirir, onun bütün peşə
sahiblərindən yüksəkdə dayandığını, ömrünü, gözünün nurunu
gələcək nəsilər üçün sərf etdiyini qürur hissi ilə qeyd edir. Onun
gördüyü işlərin, çəkdiyi zəhmətin heç bir formada çəkiyə
gəlmədiyini söyləyir:
Müəllim ömrü hər ömürdən uludur,
Ləkə nədir, qara nədir bilməz o.
Müəllim ömrü sabahların yoludur,
Nə çəkiyə, nə ölçüyə gəlməz o.
Dostları ilə paylaş: |