www.achiq.info
94
Nəticə
Nəzərdən keçirilən dövrdə İran azərbaycanlılarının əsas
hissəsini, əyalət əhalisinin böyük əksəriyyətini
təşkil edən Azərbaycan azərbaycanlıları əsasən tam sosial struktura malik idilər. Azərbaycanın sosial
strukturunun etnik baxımdan ən qarışıq komponentini məmurlar təşkil edirdi.
İranda Qacar sülaləsinin hakimiyyətinin (1796-1925) əvvəllərindən 1906-cı ile qədər Azərbaycanı
başlıca olaraq hakim sülalənin və yerli əyanların nümayəndələri idarə edirdi.
Həmin dövr ərzində Azərbaycanın varlı təbəqələrinin nümayəndələri ölkənin idarə olunmasında Qacar
sülaləsi ilə fəal əməkdaşlıq edirdilər, Azərbaycan hərbi hissələri sülalənin əsas dayağını təşkil edirdi. 1905-
1911-ci illər İran burjua inqilabı zamanı istər Azərbaycanda (Azərbaycan əyalət əncüməni), istərsə də
bütövlükdə ölkədə (İran hökümət kabinələri, məclis, siyasi və s. Təşkilatlar) azərbaycanlıların nüfuzu daha
da artdı.
1911-ci ilin sonundan 1917-ci ilə qədər Azərbaycan İranın nominal hakimiyyəti altında
olub faktiki
olaraq öz siyasətində yerli varlı, yarım-feodal dairələrə arxalanan Rusiyanın protektoratı idi. Rusiyada
Fevral inqilabı və başlıca olaraq Oktyabr (1917) inqilabından sonra həm Azərbaycanın demokratik
qüvvələri, həm də İranın mərkəzi hakimiyyəti İranın Azərbaycan üzərində nəzarətini gücləndirməyə səy
edir və əyalətə mərkəzi hökümətin qanuni nümayəndələrini göndərmək yolu ilə burada qanunçuluq və
qayda-qanunu təmin etməyə səy edirdilər.
Azərbaycanda demokratik qüvvələrin nüfuzunun artması və İranın yarım-feodal mülkədarlarının ölkənin
milli müstəqilliyinin zərərinə Böyük Britaniyaya arxalanaraq öz mövqelərini qoruyub saxlamaq cəhdi
Azərbaycan demokratları ilə Tehran höküməti arasında ciddi ziddiyyətlərin meydana çıxmasına
və nəticədə
1920-ci ildə Ş.M.Xiyabaninin başçılığı ilə demokratların üsyanına səbəb oldu. Demokratik hərəkatın
yatırılmasından sonra (IX. 1920) əyalətdə İranın Azərbaycan üzərində həqiqi suvervnliyi bərpa olundu və
İranda 1921 -ci ilin fevral dövlət çevrilişindən sonra daha da möhkəmləndi.
1921-1925-ci illər ərzində Azərbaycan burjuaziyası, ziyalıların bir hissəsi və xüsusən ali rütbəli hərbi
məmurlar ölkənin mərkəzləşdirilməsi siyasətinin həyata keçirilməsində, Qacar sülaləsinin devrilməsi və
Rza xanın İranın yeni irsi şahı elan olunmasında əhəmiyyətli rol oynadılar. Bütün bunlar azərbaycanlıların
İranın hərbi- bürokratik sistemində nüfuzunun güclənməsinə səbəb olurdu.
Sülalərin bir-birini əvəz etməsi əvvəlki kimi Azərbaycan hakim təbəqələrinin sosial və iqtisadi
vəziyyətinə heç bir mənfi təsir göstərmədi.
İnzibati-idarə orqanlarının Tehranda mərkəzləşməsi,
hərbi qüvvələrə istinad etmək, hakim təbəqələrin
mənafeyini qorumağa yönəldilmiş təhlükəsizlik və qayda-qanunun möhkəmləndirilməsi üçün görülən
tədbirlər, əyalətdən vergiləri müntəzəm şəkildə yığmağa çalışan mərkəzlə əvvəllər mərkəzi hökümətə
vergini təsadüfdən-təsadüfə verən, yaxud heç verməyən Azərbaycan arasındakı münasibətləri birincinin
xeyrinə olaraq tənzimləmək imkanını xeyli asanlaşdırdı. Azərbaycanın burada əsasən fars və qeyri-
www.achiq.info
95
azərbaycanlı yüksək rütbəli məmurlarla təmsil olunan dövlət tərəfindən istismarınıin
sonralar daha da
güclənməsi və genişlənməsi üçün şərait yarandı. Fars ünsürü Azərbaycanın yuxarı və orta təbəqələrinin
qarşılıqlı münasibətlərinə elə bir dəyişiklik gətirmədi, o, prinsip etibarilə birincilərin mənafeyinə xidmət
edirdi, və əyalətin məcmu istismarının əsas agenti sifətində çıxış edirdi. Bundan əlavə fars yaxud qeyri-milli
ünsür əyalət inzibati aparatında həmişə olmuşdur. Lakin həmin ünsürün 1926-cı ildən etibarən əyalət
inzibati aparatında və digər idarə və müəssisələrdə üstünlük təşkil etməyə başlaması əyalət-mərkəz və fars-
azərbaycan münasibətlərinə yeni rəng verirdi. Məmurlar
özlərinin mərkəz və əyalət, əyalətdə isə müxtəlif
təbəqələr arasında vasitəçilik funksiyalarına baxmayaraq tədricən hakim millətin, istismarın simvoluna
çevrilir, azərbaycanlılara zorla qəbul etdirilmiş, əyalətin hakim təbəqələri ilə heç bir genetik bağlılığı
olmayan xarici qüvvə sifəti ilə çıxış edirdilər.
Beləliklə, Azərbaycanda məmurlar nəinki nisbi müstəqil bir təbəqə (hər yerdə olduğu kimi) kimi, həm də
qeyri-yerli, qeyri-milli, ayrıca etnik bir qrup təşkil edirdilər. Məmurların özlərinin xüsusi korporativ
mənafeyinin olması onların
istər orta, istərsə də hakim təbəqələrlə müəyyən ziddiyyətlərə girməsinə səbəb
olurdu.
Bütün bunlar hakim fars milləti ilə eyniləşdirilən mərkəzə qarşı ümumi narazılığa səbəb olurdu.
Nəzərdən kecirilən dövr ərzinde həmin təbəqələr milli tələblər irəli sürməsələr də onların iqtisadi
mənafeyini təmin edə biləcək hər hansı bir qüvvəni müdafiə etməyə hazır idilər, öz sosial-iqtisadi, milli
problemlərini həll etmək meyli artırdı.
Sosial-iqtisadi vəzifelərin milli tələblərlə çulğalaşması onların qarşılıqlı əlaqədə, milli cəhətin forma,
demokratik cəhətin məzmun kimi çıxış etməsi şəklində həllini nəzərdə tuturdu, məsələ məhz bu cür,
Azərbaycanda milli, demokratik rejimin bərqərar olmasına gətirib çıxaran milli-demokratik hərəkat zamanı
həll edildi. Həmin hərəkatın məğlubiyyəti milli məsələnin demokratik esaslarla qəti həllini təxirə saldı,
Azərbaycan millətinin sosial strukturunun, onun fars milləti və mərkəzi hakimiyyətə münasibətinin belə
özünəməxsusluğu, onların sonrakı dəyişiklikləri azərbaycanlıların milli şüurunun və milli ideologiyasının
inkişafının özünəməxsusluğunu şərtləndirmiş oldu.
Azərbaycanlıların milli şüurunun inkişafı iki mərhələdən kecir: XIX əsrin axırlarından XX esrin 20-ci
illərinin ortalarına kimi, 20-ci illərin ortalarından 40-cı illərin əvvəllərine kimi.
Birinci merhələ onunla
xarakterizə olunur ki, əgər azərbaycanlılar əsasən etnik şüura, vətənpərvərlik
hissinə, yüksək siyasi şüura malik idilərsə və özlərini Azərbaycan türkləri hesab edirdilərsə, azərbaycanlı
ziyalılar əsasən azərbaycanlılarda İranlılıq oriyentasiyası tərbiyə etməyə səy edirdilər. Əgər Azərbaycan
ziyalılarının nümayəndələrinin bəzilərində İranizm İran təbəəliyi mənası daşıyırdısa, digərlərində etnik çalar
kəsb edərək, fars millətini ifadə edən anlayış kimi qavranırdı.
Həmin dövrdə İran ictimai fikrində fars milləti anlayışı səbt olunmasa da, İran əhalisinin
fars dilli birlik
kimi qəbul edilməsi, ”milləte İran” (”İran milləti”) termininin ancaq sosial, dövlət birliyini bildirməsi deyil
həm də etnik birliyi nəzərdə tutmasını göstərirdi.
Azərbaycan ziyalılarının bir hissəsi azərbaycanlıların İran cəmiyyətində sosial-iqtisadi, siyasi, mədəni
vəziyyetinə görə onları farsdilli İran millətinin tərkib hissəsi hesab edirdilər. Bununla belə ziyalıların bəzi