12
– kütləvi tədbirlərin keçirildiyi, habelə təbii fəlakətlərin, epide-
miya və epizootiyaların baş verdiyi, fövqəladə vəziyyət elan edil-
diyi zaman ictimai qaydanın qorunması və ictimai təhlükəsizliyin
təmin edilməsi;
– təbiətin
mühafizəsində iştirak edilməsi, narkomanlıq və alko-
qolizmə qarşı inzibati-hüquqi mübarizənin təşkil edilməsi;
– pasport-qeydiyyat
rejimin təmin edilməsi;
– xüsusi icazə sistemi qaydalarına nəzarətin həyata keçirilməsi.
Qeyd edilən vəzifələr müxtəlif xidmətlər tərəfindən həyata keçi-
rilir. İctimai təhlükəsizlik xidmətlərinin aşağıdakı növləri vardır:
– növbətçi hissələrin
fəaliyyəti;
– post-patrul xidməti;
– polis sahə inspektorlarının fəaliyyəti;
– müvəqqəti saxlama təcridxanalarının fəaliyyəti;
– yetkinlik yaşına çatmayanların baxımsızlığı və hüquqazidd
hərəkətlərinin profilaktikası
üzrə xidmət;
– yol-patrul xidməti;
– mühafizə xidməti və s.
İctimai təhlükəsizlik xidmətinin əsas vəzifələrinin əhatə dairəsi
onun funksiyalarını müəyyən edir. İctimai təhlükəsizlik xidməti-
nin funksiyaları özündə ictimai qaydanın inzibati-hüquqi mühafi-
zəsinin təşkili və bilavasitə həyata keçirilməsinə, hüquq pozuntu-
larına qarşı mübarizəyə və bu xidmət qarşısında qoyulmuş digər
vəzifələrin yerinə yetirilməsinə yönəldilmiş kompleks təşkilati və
hüquq-mühafizə tədbirlərinin cəmini əks etdirir.
İctimai təhlükəsizlik xidmətinin aparat və hissələri öz funksi-
yalarını ayrılmaz surətdə bir-biri ilə bağlı
iki fəaliyyət növü ilə
həyata keçirirlər:
1. təşkilatçılıq fəaliyyəti;
2. inzibati-icraedici fəaliyyət.
Dostları ilə paylaş: