© AMEA Hüseyn Cavidin Ev Muzeyi- www.huseyncavid.com
orqanlarından olan “Həqiqət”də, “Tazə xəbər”də müxtəlif məqalələri, “İşıq”,
“İqbal”, “Məktəb”də şerləri işıq üzü görür. Cavid bir müddət Gəncədə Məhəmməd
ağa Pişnamazzadənin mədrəsəsində dərs deyir. Maraqlı fotolardan biri H.Cavidin
1912-ci ildə Gəncədə Pişnamazzadənin məktəbində dərs deyərkən çəkilmiş və o
məktəbin ilk buraxılışının vinetkasına daxil edilmiş şəklidir. Elə həmin divardan
asılmış daha bir şəkil diqqəti çəkir. H.Cavidin 20-ci illərdə H.Cavidin Teatr
texnikumunun müəllim və tələbələri ilə çəkdirdiyi orijinal foto.
Həmin divarda yuxarıda Cavidin fotoşəkilləri yer alıb.
H.Cavidin fotoşəkli. Naxçıvan 1912.
H.Cavid ailəsi ilə. Bakı 1922.
H.Cavid ailəsi ilə. Bakı 1924.
H.Cavid. Bakı 1924.
H.Cavid. Bakı 1924.
Həmin divarda fotoların sağ tərəfində Mişkinaz Cavidin obrazı əks olunmuş
süjetli əl xalçası asılmışdır. Xalçanın altında ailəyə məxsus sandıq və onun
üzərində yenə də ailəyə məxsus əllə toxunmuş xalça var.
Vaxtilə elə burada olmuş qapısı şüşəli şkaf.
Bu şkafın içərisində Cavidə və Mişkinaz xanıma məxsus olmuş bir sıra
əşyalar düzülmüşdür.
Diqqəti çəkən bu eksponatlar arasında Mişkinaz xanımın iki üzüyü, əl işləri-
toxumalar, Hüseyn Cavidə məxsus əşyalar – cib dəftərləri, eynək qabı və s. vardır.
ŞKAFIN YANINDAKI BU TİKİŞ MAŞINI AĞIR İLLƏRDƏ ONLARIN
DADINA ÇATDI. MİŞKİNAZ XANIM 1938-Cİ İLİN APRELİNDƏ “KLARA
SETKİN” ADINA SƏNAYE KOOPERATİV ŞİRKƏTİNƏ İŞƏ DÜZƏLMİŞDİ
VƏ EHTİYAC VADAR ETDİ Kİ, FASİLƏLƏRLƏ TA 1948-Cİ İLƏ QƏDƏR
TİKİŞ ARTELİNDƏ ÇALIŞSIN. ARTEL İŞƏMUZD QAYDADA QƏBUL
ETDİYİ QADINLARA BACARACAQLARI QƏDƏR SİFARİŞ VERİRDİ. ƏN
ADİ İŞ ÜÇÜN QAPILAR “XALQ DÜŞMƏNLƏRİ”NİN ÜZÜNƏ BAĞLI
OLDUĞUNDAN BÜTÜN ƏZİYYƏTLƏRİNƏ BAXMAYARAQ, ARTEL
GÖYDƏNDÜŞMƏ ÇÖRƏK AĞACI İDİ.
Bu guşədə həmçinin M.Cavidin rəfiqəsi – İdris Axundzadənin həyat yoldaşı
Fəramuş xanımla çəkdirdiyi fotoşəkil asılmışdır.
“Cavidin faciəsi” otağının giriş qapısının sağ tərəfində H.Cavidin portreti
asılıb.
Aparıcı mətn:
BU PORTRETİNİ CAVİD ÖZÜ DƏ GÖRMÜŞDÜ. AZƏRBAYCAN
DEMOKRATİK
CÜMHURİYYƏTİ
DÖVRÜNDƏ
VƏ
SOVET
HAKİMİYYƏTİNİN İLK İLLƏRİNDƏ BAKI ŞƏHƏRİNİN BAŞ MEMARI
OLMUŞ ZİVƏRBƏY ƏHMƏDBƏYOV (1873-1925) ƏSƏRİNİ ŞAİRƏ 1922- Cİ
İLDƏ HƏDİYYƏ EDİB. YENİ QURULUŞUN AZƏRBAYCANA ZİDD
SİYASƏTLƏRİNƏ DÖZMƏYƏRƏK ÖZ HƏYATINI YARIMÇIQ QIRMIŞ
İSTEDADLI RƏSSAM VƏ MEMAR Z.ƏHMƏDBƏYOV CAVİDİN İKİ
PORTRETİNİ İŞLƏMİŞDİ. BUNLAR ŞAİRİ BİLAVASİTƏ MÜŞAHİDƏ
NƏTİCƏSİNDƏ YARANMIŞ MÜSTƏSNA RƏSMLƏRDİR.
© AMEA Hüseyn Cavidin Ev Muzeyi- www.huseyncavid.com
Etajerin rəfində ailəyə məxsus “pioner” markalı radio nümayiş etdirilir.
İki pəncərə arasındakı sahədə mərkəzdə Cavidin böyük qardaşı Şeyx
Məhəmmədin və ilk müəllimi olan M.T.Sidqinin fotoşəkilləri asılıb.
Aparıcı mətn:
Özü də müəllim olan Cavid dərs aldığı insanların hamısını daim ən dərin
ehtiramla xatırlasa da, iki ad onun üçün xüsusən əziz idi. İlk müəllimləri-böyük
qardaşı Şeyx Məhəmməd və “Məktəbi-tərbiyyə”dəki ustadı Məhəmməd Tağı
Sidqi.
Fotoşəkillərin ətrafında Cavidə məxsus sənədlər nümayiş etdirilir:
1. 1912-ci ildə Zaqafqaziya Ruhani İdarəsi tərəfindən verilmiş ruhani rütbəsi
haqqında attestat.
2. 1911-ci ildə yaşadığı yer haqqında vəsiqə.
3. 1926-cı ildə Berlinə və Parisə ezamiyyət vərəqəsi.
4. 1926-cı ildə Azərbaycanda və SSRİ-nin ərazisində yaşamaq hüququ
haqqında şəhadətnamə.
5. İstanbul Universiteti ədəbiyyat fakültəsinin tələbəsi H.Cavidin şəxsiyyət
vəsiqəsi.
6. Cavid gecəsinin döş nişanı. Bakı 1922. 27 mart 1922-ci ildə Bakıdakı 2-ci
dərəcəli 3,4 və 7-ci Azərbaycan məktəblərinin keçirdiyi H.Cavid gecəsinin
məramnaməsi.
7. Böyük üstad!
... üç gün bundan əvvəl buraya gələn bir seyid həkim ara-sıra məktəbə yolu
düşür, qardaşımla dostdur. Ona hər on gündən bir “Nasiri”, “İzzət”, “İttila”
qəzetləri ayrıca onlara verilir, oda qərib məktəbdə oxuyur. Mən isə ondan alıb
oxuyuram indi artıq abunə olmaq lazım deyildir...
Kiçiyiniz Hüseyn Rasizadə
Naxçıvan 1897.
Otağın ortasında bir zamanlar bu otaqda istifadə olunmuş yemək masası
nümayiş etdirilir.
Aparıcı mətn:
BU OTAQDAKI MASANIN ARXASINDA MEHRİBAN AİLƏ HƏR GÜN
SƏHƏR
YEMƏYİNƏ,
NAHARA,
ŞAMA
ƏYLƏŞƏRDİ.
SÜFRƏNİN
ALTINDA QALDIĞINDAN MASANIN GÖZLƏRİ İSTİFADƏ EDİLMİRDİ VƏ
CAVİD MÜXTƏLİF QARALAMALARINI KİP-KİP O SİYİRTMƏLƏRƏ
DOLDURURMUŞ.
1937-NİN
4
İYUN
GECƏSİNDƏ
AXTARIŞ
APARANLARIN SÜFRƏNİN ALTINDA SİYİRTMƏ OLA BİLƏCƏYİ
AĞILLARINA GƏLMƏYİB VƏ XOŞBƏXT TƏSADÜF NƏTİCƏSİNDƏ
CAVİD ƏLYAZMALARININ BİR QİSMİ BELƏCƏ XİLAS OLUB.
**
*
**
CAVİDİN FACİƏSİ
Ev muzeyinin bu qanadındakı son kiçik otaq Hüseyn Cavidin və onun
ailəsinin sovet rejimi tərəfindən məruz qaldıqları müsibətlərə həsr edilib.