Rüstəm Kamal
99
ЫЫ
“Hər şey sırf həqiqətə söykənir... Gerçəkdən-gerçəkləri
istisnasız qələmə almışam”. Bu sözlər Azərbaycanın görkəmli
yazıçısı Vidadi Babanlıya məxsusdur.
Bəs onda V.Babanlı üçün sırf həqiqət nədir? Sualı
L.Tolstoyun məlum sözləri ilə cavablandırmaq olar: “xalq
fikri” və “ailə fikri” (Tolstoyun bu deyimini S.A. Tolstoya 3
mart 1877-ci il gündəliyində qeyd etmişdir: “Əsərin yaxşı
alınması üçün gərək ondakı fikri sevəsən. “Anna Karenina”da
mən ailə fikrini, “Hərb və sülh”də isə 1812-ci il müharibəsinin
nəticəsi kimi fikrini sevirəm”.) Vidadi Babanlı da “Vicdan
susanda”, “Gəlin”, “Müqəddəs ocaq”, “Ömürlük əzab”, “İnsaf
nənə”, “Ana intiqamı”, “Öz evimdə qonaq”, “Qəribə eşq” və
başqa əsərlərində bu “fikirləri” təsdiq etməli olur.
V.Babanlı kitablarının səhifələrində baş verən ekzistensial
faciə bilavasitə etik dəyərlərin eroziyası ilə əlaqədardır.
Ömrünün ixtiyar çağında və müdriklik zirvəsində olan
görkəmli yazıçı yenə də milli etik dəyərlərin daşıcıyısı olan
qəhrəmanlar axtarışındadır. Əslində, müxtəlif etnik dəyərlər
tarixini (etnik tale kontekstində) yazır. O, klassik təhkiyənin
bədii təməl üsullarından ustalıqla istifadə edir. Azərbaycan
insanının dəyərləri və bu dəyərlərlə bağölı fikirləri-deyimləri
V. Babanlı nəsrinin və şeirinin üslub struktorunda əriyərək, çox
maraqlı təhkiyəyə çevrilir.
Vidadi Babanlı epik təcrübəni (“xalq və ailə fikrini)
bölüşdürmək qabiliyyətini itirməyən yazıçılarımızdandır.
Söyləmə tərzi, təhkiyə axarı epik təcrübənin, epik müdrikliyin
əsasıdır. Təəssüf ki, yeni Azərbaycan nəsrində (gənclər
arasında) epik təhkiyə imkanı sönməkdədir. Ənənəvi xalq
söyləmə tərzinin yerini məntiqsiz cümlələr, fraqmentlər və s.
tutur.
Rüstəm Kamal
100
Yazıçının epik hekayəsi XX əsr Azərbaycan insanın varlıq
təcrübəsio ilə sıx bağlıdır. Onun təhkiyəsinin fiziki
xüsusiyyətləri (bu və ya digər dərəcədə) qəhrəmanların taleyini
müəyyənləşdirir. “Qəribə eşq” romanında bu daha qabarıq
görünür.
Vidadi Babanlının bir nasir kimi özünəməxsusluğu və gücü
ondadır ki, özünün emosional təcrübəsini öz qəhrəmanlarına
“ötürə bilir”. Sevgi sosial təcrübənin xüsusi forması kimi
“Qəribə eşq” adlı yeni romanın mövzusuna və sujetinə çevrilir.
Yaşlı adamın (Şərəf kişi) gənc qdını (Şəfəq müəllimə) sevməsi
şəxsi sevgi tarixi kimi təqdim olunur. Bütün vasitələr-məktub
(“Məhəbbət nə yaşa baxır, bədə başa, bu ilahi verginin cücərtisi
ürəyə necə düşür, insan varlığına yavaş-yavaş nə cür hakim
kəsilir, heç kim doğru-dürüst bilmir...” ) (Şərəf kişinin
məktubundan) xalq mahnısı (leytmotiv), yaşlı kişinin sevgi
etirafı romanda “linqvistik” ünsiyyəti mümkün edir.
V.Babanlı jest-mimika yaddaşına malik yazıçıdır, onun
təhkiyəsində jestlərin şərhi bir neçə səviyyəni ehtiva edir. O,
təhkiyəçi kimi həmişə hər bir jestin, mmimikanın arxasında nə
durduğunu çox yaxşı duyur. Dəqiq jestlərlə, mimika ilə
yaratdığı obraza yetərli diqqət yetirir və bununla da surətlərin
aurasını oxuculara ötürə bilir. Müəllifin səsi jestlərin, ədəb-
ərkanlı Şərəf kişi o gündən güşənişin oldu. Büsbütün özünə
qapıldı. Elə bil, hamıdan incimişdi. Səhər tezdən işə gəlib,
təmirçiləri ilə ağızucu salamlaşar, vacib tapşırıqlarını müxtəsər
verər, sonra da bir qırağa çəkilər, başını əlləri arasında alar,
kətil üstündə saatlarla lal-dinməz oturardı.”
V. Babanlı öz təhkiyəçisini özünə boylanmağa məcbur edir.
Duyğu yaddaşı yazıçı üçün epik gerçəkliyin qarantı olur. Bu
mənada
“Qəribə eşq”i gerçək təhtəlşüurun romanı”
adlandırmaq olar. Cəsarətlə deyərdim ki, bu roman içinə
yığılmış duyğuların bədii stenoqramıdır.
Rüstəm Kamal
101
V.Babanlı yalnız sadəcə danışıq nitqinin deyil, koloritli
məişət dedi-qodusunu (Şərəf kişinin qızlar ilə söhbətləri)
təbiiliyini və səmimiyyəliyini oxuculara çatdırmağı bacarır.
Şifahi nitqin canlılığı yalnız təsvir edilmir, həm də dialoqlar
şəklində təhkiyənin laylalarına hopdurulur.
V.Babanlı genetik olaraq, məhz şifahi hekayəyə xas olan
bədii priyomları özümləşdirə bilən yazıçıdır. O, normativ ədəbi
nitqin hələ tükənməyən imkanlarına həssaslıqla yanaşır,
psixoloji baxımdan inandırıcı təsvir edir. Şifahi nitq və geniş
həyat örnəkləri onun üslub strukturlarına dərindən-dərinə kök
atıbdır. Romanda təəhkiyə emosional-psixoloji və ideoloji
baxımdan vəhdət təşkil edir.
Vidadi müəllim buir sıra nasir kimi, bir epos yaradıcısı kimi
üstünlüyü ondadır ki, sözün romanda (mövzunun, ideyanın,
qəhrəmanların) epik miqyasını, sambalını hiss etdirərək yazır.
Onun bir az romantik, bir az da ehtiraslı təhkiyəsində tələsiklik,
mücərrədlik, yarımçılıq yoxdur. O, epik detal ustasıdır. Hər bir
hadisəni, faktı təhkiyə toxumasına özünəməxsus improvizə ilə
daxil edir. Və nəticədə oxucu yeni bir təcrübə qazanır.
Vidadi müəllim üçün ömür bir yuxudur, mifdir, simvolik
mətndir, nağıldır.
Ömrün müdrik çağında kişilər sevgi nağılı danışırlar.
Qocalıqdan və ölümdən qorxmamaq üçün!
Dostları ilə paylaş: |