101
mədəni mühitini şərh edərkən burada türk-Azərbaycan
nüfuzunun hökmranlığını, erməni faktının isə mövcud
olmadığını dönə-dönə dilə gətirir. (səh.149-169)
«Qarabağ Qaraqoyunlular dövründə» bölümündə müəllif
Əmir Teymurun oğlu Şahruxun bu cənnət torpaqlara daimi
maraq və vurğunluğundan söz açır, bu yerləri yaylaq seçib, öz
istirahətini burada keçirdiyini vurğulayır.
Müəllifə görə «Qarabağ Səfəvilər dövründə» də
azərbaycanlıların əbədi məskəni olub. (səh.193) O, F. Sumerə
istinad edərək yazır ki, Səfəvi hökmdarı Şah İsmayılı
müşayiət edənlərdən Bayram bəy Qaramanlı, Qara Piri bəy
Qacar qarabağlı idilər. Onlar Şeyx Heydərə və Şah İsmayıla
yaxınlıqları ilə tanınırdılar. Bayram bəy sonralar divanbəyi
vəzifəsinə yüksəldi.
Cənubi Azərbaycanla daim ortaq tale yaşamış Qarabağı
Şah İsmayıl özünün qışlağı hesab edirdi. Təbrizi paytaxt edən
Səfəvi hökmdarı ölkəni 4 bəylərbəyinə bölmüşdü: Təbriz,
Qarabağ, Çuxursəd, Şirvan. Qarabağın hüdudları da o dövrdə
hər kəsə bəlli idi: Gəncə, Bərdə, Bərgüşad, Lori, Cavanşir
mahalları. (səh. 196)
Təəssüflər olsun ki, Azərbaycanın milli birliyinə Şah
İsmayıl dövründəki qayğılar sonralar şəxsi maraq və
mənafelərin, tayfa, sülalə, məzhəb, region hisslərinə qurban
verilmiş, hətta Nadir şahın hakimiyyəti dövründə bir qrup
erməni feodalının Qarabağa köçürülməsi sonralar maraqlı
dövlətlər tərəfindən davam etdirilmişdir.
Bu süni deportasiya siyasəti Abbas Mirzənin
hakimiyyəti dövründə də olmuş, guya ruslara qarşı
müharibədə ehtiyatkarlıq göstərmiş bir çox Qarabağ elatları
cəzalandırılaraq İranın yaşayış üçün əlverişsiz səhralarına
sürülmüşdür. Nəticədə isə Qarabağın boş qalan elatları
növbəti erməni köçlərinin artıb çoxalma məskəninə
102
çevrilmişdir. (səh. 344)
Qarabağın xanlıqlar dövründə bir türk (Azərbaycan)
yurdu kimi inkişafını, çiçəklənməsini o dövrdə xanlığa
başçılıq edən Cavanşir tayfasından çıxan xanların uzaqgörən
siyasəti, dövlətçilik səriştəsi ilə əlaqələndirən müəllif həm də
bu yerlərin ədəbi-mədəni mühiti haqqında görkəmli elm, sənət
adamları barədə məlumat verir. Molla Pənah Vaqifin həm
şair, həm də yetkin siyasət adamı kimi mərtəbəsini tanıdan
S.Sərdarniya onunla bir sırada Qarabağın məşhur
şəxsiyyətlərinin, o cümlədən Əbülfət xan Cavanşirin,
Cəfərqulu xan Cavanşirin, Ağabəyimin, Xurşidbanu
Natəvanın, Mehdiqulu xanın, Qasım bəy Zakirin, Molla Vəli
Vidadinin adlarını çəkir. Bütün bunlardan sonra Qarabağa
erməni iddialarının puçluğu heç kəsdə şübhə doğurmasa da,
müəllif tarixi-xronoloji ardıcıllıqla Qarabağ reallıqları ilə
tanışlığı davam etdirir.
Tarixçi alim Qarabağdakı demoqrafik faciələrdə
Rusiyanın əsaslı rolu olduğunu, Rusiya-İran müharibəsindən
və «Türkmənçay» müqaviləsindən sonra bu prosesin
gücləndiyini, tarixi Azərbaycan ərazilərində erməni anklavı
yaratmaqla bölgədə türk-islam avtonomluğunu pozmaq
cəhdləri barədə söz açır: «Uzun sürən həmin müharibələrdə
Qarabağ diyarı əsas döyüş cəbhələrindən idi və bu region hər
iki tərəf üçün böyük əhəmiyyət kəsb edirdi. XIX əsr
Azərbaycan tarixçisi Əhməd bəy Cavanşirin dediyinə görə
Şuşa qalası İran üçün Qafqazın açarı, Rusiya üçün İranın
qapısı hesab edilirdi». (səh. 321)
Müəllif çar generalı Sisianovun Qarabağda ermənilərə
göstərdiyi xüsusi qayğını, aborigen xalqa etdiyi zülmü də
Rusiyanın Azərbaycana, Qarabağa münasibətinin nəticəsi
kimi şərh edir, Qarabağın erməniləşdirilməsi istiqamətində
total tədbirlərin başlandığını bildirir: «Çarın tapşırığı Sisianov
103
üçün qanun idi. O, bütün fəaliyyəti dövründə ermənilərə
xüsusi qayğı göstərirdi və hücum zamanı ermənilərdən
istifadə edirdi. O, hiyləgərlik və xəyanətdə başqalarından
seçilir, qəlbində azərbaycanlılara nifrət hissi yaşadırdı». (səh.
321) Rusiya çarından aylıq məvacib alan ermənilərin
İbrahimxəlil xanın öldürülməsində əli olduğunu qeyd edən
müəllif rus-erməni birliyini Qarabağdakı faciələrin başlıca
səbəbi hesab edir. İranla «Türkmənçay» sülhü imzalayan
Rusiya bu müqaviləyə İran ərazisindəki ermənilərin Qarabağa
köçürülməsi bəndini əlavə etməklə Şimali Azərbaycanda
əbədi milli münaqişələrin əsasını qoymuş oldu. Müəllif
kitabın «Ermənilərin Qarabağa köçürülməsi» bölməsində
yazır: «Böyük Pyotr Qafqazın əhəmiyyətini başa düşərək onu
Yaxın Şərqin qapısı hesab edirdi. Bu strateji əraziləri ələ
keçirməklə Osmanlıların Xəzər sahilinə yolunu bağlamaq
istəyirdi. Bu məqsədlə erməni əsillilərdən dayaq kimi istifadə
edir, onların Qarabağda daha sıx və sürətlə məskunlaşmasına
yardım edirdi». (səh. 362)
Ermənilərin türklərə tarixi xəyanəti barədə fransız
müəlliflərinin (Jan Moqi Karzo «Ermənistan 1915-ci ildə»)
əsərlərindən sitat gətirən S. Sərdarniya ruslarla partnyorluq
edən ermənilərin, hətta iki ölkə ərazisində (İran, Türkiyə)
birləşərək Rusiya-İran müharibəsində «ikinci cəbhə»
açdıqlarını və ruslara sədaqət göstərdiklərini, həmin regionu
müsəlmanlardan təmizləməyi qarşılarına məqsəd qoyduqlarını
bildirir. (səh. 363)
Ermənilərin Qarabağa köçürülməsi zamanı yerli
türklərin rəyinə məhəl qoyulmadığını ürək ağrısı ilə diqqətə
çatdıran müəllif yazır: «Əvvəlcə onların (ermənilərin) Bərdə
şəhərində yerləşdirilməsi və həmin şəhərin yenidən tikilməsi
çar Rusiyası tərəfindən planlaşdırılırdı. Lakin oranı
bəyənməyən ermənilər Şuşanın səfalı ərazilərini seçərkən
Dostları ilə paylaş: |