111
Saat 6.00-6.04 SSRİ-nin və Azərbaycan SSR-nin Dövlət
himnləri
7.04-7.30 Moskvadan son xəbərlər. Gimnastika
8.00-8.15 Moskvadan «Pravda» qəzetinin xülasəsi
9.00-9.16 Moskvadan son xəbərlər
10.00-10.15 Moskvadan mərkəzi qəzetlərin xülasəsi
12.00-12.10 Moskvadan istehsalat gimnastikası
13.00-13.30 Moskvadan «Soyuz» radiostansiyasının
proqramı
14.30-14.50 Moskvadan musiqi proqramı
16.00-16.15 Moskvadan son xəbərlər
16.30-17.00 Moskvadan yerli teleradio komitələrinin
proqramı
18.00-18.15 Moskvadan son xəbərlər
19.40-20.00 Moskvadan «İnsan və qanun» (II, IV, V
günlər)
20.00-20.30 Moskvadan son xəbərlər (hər gün)
20.00-20.30 Danışır Bakı (Tbilisi, Yerevan) (III günlər)
21.15-22.00 Moskvada beynəlxalq vəziyyət (Suallar və
cavablar)
(I, II, III günlər)
23.00-23.30 Moskvadan son xəbərlər
00.05-00.50 Moskvadan «Yunost» radiostansiyasının
proqramı
00.50-01.00 Moskvadan son xəbərlər (hər gün)
01.00-01.03 Moskvadan SSRİ-nin Dövlət himni
01.03-02.00 Moskvadan «Gecəyarısından sonra»
proqramı
Yəqin ki, hər şey aydındır. Bu vəziyyət 1950-ci ildən
1991-ci ilin sentyabrınadək, yəni Azərbaycan müstəqil
respublika olanadək davam etmişdir.
112
Bu gün artıq Azərbaycan radiosu özünün proqram
siyasətini müstəqil həyata keçirir. Radionun bu gün fəaliyyət
göstərən 15 redaksiyasının bir aylıq verilişlərinin xüsusi
həcmi 276 saatdır. Həftəlik proqramlar tərtib edilərkən
dinləyicilərin arzu və istəkləri nəzərə alınır.
2006-cı il yanvarın 1-dən Azərbaycan radiosu 24 saat
fasiləsiz yayımlanır.
Ulu öndərimiz H.Əliyev hakimiyyətdə olduğu illərdə
Azərbaycan radiosu və televiziyasına xüsusi diqqət və qayğı
göstərmişdir. Bu qayğı istər teleradionun müasir avadanlıqla
təchiz edilməsində, istərsə də kollektivimizin ayrı-ayrı
əməkdaşlarının zəhmətinin qiymətləndirilməsində öz ifadəsini
tapmışdır.
Böyük öndərimiz deyirdi: «Xalqımızın mədəniyyətini,
dilini, milli adət-ənənələrini yaşatmaq, inkişaf etdirmək və
bütün dünyaya təbliğ etmək bizim hər birimizin üzərinə düşən
çox məsuliyyətli, tarixi bir işdir».
Bu gün Azərbaycan teleradiosunun əməkdaşları bu tarixi
missiyanı həyata keçirmək üçün bütün səy və bacarıqlarını
əsirgəmirlər.
«Xalq qəzeti»,
24 may 2006-cı il
113
RADİO VƏ TELEVİZİYANIN
İNFORMASİYA TARİXİNDƏN
Bu gün özünün yeni inkişaf dövrünü yaşayan
Azərbaycan radiosunun 80 illik tarixi bir növ ilk xəbərlərin
efirə çıxdığı gündən başlayır. Bakı radiosunda ilk informasiya
buraxılışı (Azərbaycan radiosu əvvəl bu adla fəaliyyətə
başlayıb) 1926-cı il noyabrın 6-da «Danışır Bakı!» sədası ilə
gün ərzində yarım saat həcmində sırf istehsalat xəbərləri ilə
efirə çıxıb. Bu xəbərləri radionun ilk azərbaycanlı diktorları
İsmayıl Əlibəyov, Raya İmamzadə, Ənvər Nəcəfov, Əsgər
Mövsümzadə, Səməd Səmədov və Soltan Nəcəfov oxuyublar.
Həmin tarixi gündən Azərbaycanda radio müntəzəm
verilişlərinə başlayıb. 1928-ci ilə kimi radio verilişlərinə
ancaq Bakıda və Abşeron yarımadasında qulaq asa bilirdilər.
Lakin bir il sonra Azərbaycan radiosunun xəbərləri
respublikamızın hər yerinə yayımlanmağa başladı. Artıq 30-cu
illərin ortalarında «Son xəbərlər» tipli mükəmməl xəbərlər
proqramı yaradıldı. Azərbaycan radiosunda xəbərlər
buraxılışının təşəkkül dövrü isə 1932-ci ilə təsadüf edir.
Əvvəllər «Mərkəzi informasiya» redaksiyası kimi fəaliyyətə
başlayan bu redaksiya az sonra «Son xəbərlər» adlandırılıb.
Beləliklə, o vaxtlar efirdə tez-tez səslənən yeknəsək radio-
qəzet əvəzinə, ilk dəfə olaraq müntəzəm operativ verilişlərin
yeni forması – «Son xəbərlər» yarandı. Mühüm ictimai-siyasi
informasiyaları özündə cəmləşdirən bu xəbərlər toplusu uzun
illər ərzində radio proqramlarının ən çox dinlənilən kütləvi
verilişi olub. Artıq 50-ci illərin ortalarında bu proqram öz
114
ənənələrini yaratdı. Efirdə operativ informasiyalara, ölkədə və
xaricdə baş verən son hadisələrə, günün aktual mövzusunda
qısa şərhlərə, sosial-iqtisadi, mədəniyyət və idman
yeniliklərinə, reportaj və müsahibələrə geniş yer verildi.
1960-cı illərdə tematik informasiya proqramlarına
ehtiyac artdı. «Dünya həftə ərzində» ictimai-siyasi
proqramının yaranması o vaxt əsl yenilik oldu. Qənbər
Hüseynov, Şirməmməd Hüseynov, Bəhram Rəcəbov, Bilal
Muradov kimi siyasi icmalçılar çıxış edərək günün aktual
mövzularını şərh etməyə başladılar. Sonralar bu sahədə Yasin
Qaraməmmədli davamlı çıxışlar etdi.
Radionun diktorları Aydın Qaradağlı, Sabutay Quliyev,
Ramiz Mustafayev, Züleyxa Hacıyeva, Fatma Cabbarova,
Gültəkin Cabbarova, Sevda Saleh, Qara Tağızadə və başqaları
məhz son xəbərlərin bacarıqlı təqdimatçıları kimi tanındılar.
1960-cı ildən «Son xəbərlər» baş redaksiyasına Hacı
Hacıyev rəhbərlik etməyə başladı. Redaksiyanın strukturu
xeyli yeniləşdi. İnformasiya proqramlarını daha operativ,
maraqlı etmək sahəsində axtarışlar onunla nəticələndi ki,
radionun birinci proqramındakı əsas xəbər buraxılışının
strukturu və adı dəyişdirildi. Uzun illər «Son xəbərlər» adı ilə
tanınan baş xəbər proqramı 1966-cı il iyunun 13-dən «Günün
səsi» kimi efirə çıxdı.
İnformasiya proqramlarının formalaşmasında Teymur
Əliyev, Ənvər Əlibəyli, Hacı Hacıyev, Valid Sənani, Yalçın
Əlizadə, Tofiq Rüstəmov, Yasin Qaraməmmədli və digər
təcrübəli əməkdaşların rolu böyük oldu. 1964-cü il oktyabrın
15-də isə Azərbaycan radiosunun «Araz» xəbərlər proqramı
efirə çıxdı. Tədricən radionun birinci proqramı ilə efirə gedən
xəbərlər «Araz»la da təkrar səslənməyə başlandı. Azərbaycan
radiosunun ən uzaqlarda eşidilən və maraqla izlənilən
proqramında dünya azərbaycanlılarına Azərbaycanın ən son
Dostları ilə paylaş: |