139
Şuradan keçən əsərlər lentə köçürülür və fonotekaya qəbul
olunurdu. O illərin lent yazıları və əvvəlki vallara yazılmış
əsərlər lentə köçürülüb qızıl fonda daxil edilirdi.
Bədii Şuraya respublikanın görkəmli bəstəkarları,
xanəndələri, ifaçıları, musiqişünasları və şairləri daxil idi.
Cahangir Cahangirov, Bəxtiyar Vahabzadə, Tofiq Quliyev,
Ramiz Zöhrabov, Əlibaba Məmmədov və başqaları fonda
qəbul olunan əsərlərə cavabdehlik daşıyırdılar.
50-ci illərdə musiqi şöbəsi hələ müstəqil deyildi, ədəbi-
bədii verilişlər baş redaksiyasının tərkibində fəaliyyət
göstərirdi. Baş redaktor Hacı Hüseynov, baş rejissor Rauf
Kazımovski idi. Musiqi şöbəsinə Tələt Şahverdiyev rəhbərlik
edirdi. Redaktorlar Qulam Qasımov və Rəhim Nağıyev idi.
Radio İdarəsi Fioletov küçəsində yerləşirdi. İkinci mərtəbədə
konsert studiyasında hər gün musiqi kollektivlərinin məşqi və
əsərlərinin lentə yazılması prosesi gedirdi.
Yalnız 60-cı illərdə müstəqil fəaliyyət göstərməyə
başlayan redaksiya ənənəvi musiqi proqramları ilə efirdə öz
yerini tutdu.
60-70-ci illərin qaynar həyatı olimpiadalarla,
festivallarla, müxtəlif musiqi tədbirlərilə yadda qalıb. Musiqi
redaksiyası xəttilə «Festival gündəliyi», «İstedadlar axtarırıq»,
«İstedad sorağında», «Oxu, tar!» müsabiqələrinin gedişi silsilə
verilişlərlə efirdə öz əksini tapırdı. Musiqi redaksiyası
Bəstəkarlar İttifaqı ilə yaradıcılıq əlaqəsində olub, rayonlara
səyyar briqadalar göndərir, zəhmətkeşlər qarşısında incəsənət
ustalarının çıxışlarını təşkil edirdi.
Radio bu illərdə bir çox incəsənət xadimlərinin
inkişafına təkan verirdi. Vasif Adıgözəlov, Ramiz Mirişli,
Telman Hacıyev, Adil Bəbirov, Elxan Babayev, Tamilla
Məmmədzadə, Aydın Əzimov, Tahir Əkbər, Rasim Bədəlov
ilk addımlarını radionun musiqi redaksiyasında atıblar.
140
70-ci illərdə redaksiya peşəkarlar hesabına daha da
zənginləşdi. Baş redaktor Kamil Məmmədov, bəstəkar
Telman Hacıyev, musiqişünaslar Aslan Əfəndiyev, Valid
Səfərov, ədəbi redaktor Qüdrət Vahabova, tərcüməçi Tələt
Ələkbərov musiqi redaksiyasının rəngarəng proqramlarının
qayğısını çəkirdilər. Bu illərdə musiqinin bütün janrları paritet
əsasda efirdə yer alırdı.
1975-ci ildə canlı konsertlərə geniş yer verilirdi. Bu
proqramlar keçmiş Fioletov küçəsində yerləşən radionun
səsyazma studiyasından və keçmiş Teleradio Komitəsinin
müxtəlif studiyalarından efirə çıxırdı.
Respublikanın tanınmış ədəbiyyatçıları, jurnalistlər,
musiqişünas və bəstəkarları bu illərdə efir üçün musiqili
kompozisiya, musiqili hekayələr, portret verilişlər
hazırlayırdılar. Redaksiyanın ən məhsuldar müəlliflərindən
Möhbəddin Səməd, Tofiq Abdin, Hacı Ağayev, Rəfael
Hüseynov, Telman Qarayev, musiqi tədqiqatçısı Firudin
Şuşinski, musiqişünaslardan Ramiz Zöhrabov, İmruz
Əfəndiyeva, Elxan Babayev, Solmaz Qasımova,
bəstəkarlardan Azər Rzayev ən müxtəlif kompozisiyalı
verilişlər hazırlayırdılar.
«Xanəndəlik sənəti», «Muğam» radio jurnalları, «Axşam
görüşləri», «Arzu» musiqi poçtu, «Azərbaycanın musiqi
aləmində», «Opera səhnəmizin ustaları» və s. bu kimi silsilə
verilişlər populyarlıq qazanmışdı.
1970-80-ci illərdə orta nəsil bəstəkarlarından Azər
Dadaşov, Eldar Mansurov, Tahir Əkbər, Mobil Babayev,
Rafiq Əliyev, Nazim Qəmərlinski və başqaları məhz radionun
musiqi redaksiyasında çalışırdılar.
O illərdə başqa respublikalarla musiqili radio-körpülər
təşkil olunurdu. «Bakı-Moskva-Praqa» musiqi radiokörpü
uğurlu alınmışdı. Beləliklə, Azərbaycan efirində rus, Çexiya,
141
yuqoslav musiqisi səslənir və həmin ölkələrdə Azərbaycan
musiqisi öz əksini tapırdı. Mübadilə yolu ilə bir çox sosialist
ölkələrinin radiolarına Azərbaycan incəsənət ustalarının lent
yazıları göndərilirdi. Ümumittifaq radiosunda bir qayda olaraq
hər ay Azərbaycan musiqisinə yer ayrılırdı. Bununla yanaşı,
«Mayak» proqramında hər həftə Azərbaycanın incəsənət
ustalarının çıxışları təşkil olunurdu.
Azərbaycan radiosunun musiqi redaksiyası ilə xarici
musiqi şöbələri arasında salınan körpü bu gün də musiqi
əlaqələrimizin genişlənməsinə xidmət edir. 2005-ci ildə
Türkiyə-Azərbaycan radioları arasında belə uğurlu musiqi
mübadiləsi keçirildi.
Radionun diktorları Soltan Nəcəfov, Fatma Cabbarova,
Züleyxa Hacıyeva, Aydın Qaradağlı, Sabutay Quliyev, Ramiz
Mustafayev musiqili verilişlərinin təqdimatında daha çox
iştirak edirdilər.
Gözəl musiqi əsərlərinin seçilməsi və fonda daxil
edilməsində teleradionun Bədii Şurasının çox böyük rolu
olub. Bu əsərlər radionun səsyazma studiyasında peşəkar ifaçı
və musiqi kollektivlərinin müşayiətilə lentə yazılıb Bədii
Şuraya təqdim olunur, sonra isə efirdə səslənmə hüququ
qazanırdı.
Öz tarixi ənənəsinə sadiq qalan musiqi redaksiyası son
illərdə də Azərbaycan xalq musiqisinə, muğamlarımıza və
bəstəkarlarımızın yaradıcılığına geniş yer verir, ölməz
xanəndə və müğənnilərimizin, vokal ifaçılarının, aşıqlarımızın
bu gün xatirəyə çevrilmiş səs yazılarından istifadə edir. Artıq
bu gün xatirələrdə yaşayan, ancaq ifaçılıq sənətində müstəsna
xidmətləri olan Cabbar Qaryağdı oğlu, Qurban Pirimov,
Bülbül, Rəşid Behbudov, Şövkət Ələkbərova, Rübabə
Muradova, Sara Qədimova, Zülfü Adıgözəlov, Xan Şuşinski,
Seyid Şuşinski, Ağabala Abdullayev, Bəhram Mansurov,
Dostları ilə paylaş: |