135
Paşayevin, Mailə Muradxanlının, İsa İsmayılzadənin, Mövlud
Süleymanlının, Vaqif Əlixanlı, İntiqam Mehdizadə, Məmməd
Oruc və başqalarının aldığı bu müqəddəs məbədin ədəbiyyat,
söz, sənət çırağının bu gün radiomuzda şair İbrahim Göyçaylı,
Şəfəq Sultan Əlixanlı, Gülbəniz Hüseynova, Rəbiyyə Səyyadi,
Nəcibə Bağırzadə, gənc jurnalistlərdən Aygün Diridağlı,
Rübabə Səməndər, Mahəddin Əsgər kimi qoruyucuları var. 80
yaşlı radiomuzun ədəbi-bədii sözü bu gün də etibarlı
əllərdədir. Sabaha ümidlə baxan söz adamları xalqın mənəvi
dəyərlərini, insanların ruhunun bir parçasını yenə də onu
dəyərləndirən insanlara ərməğan edəcəyinə inanır.
«Azərbaycan» qəzeti,
20 may 2006-cı il
136
RADİO VƏ MUSİQİ
Bu il Azərbaycan radiosunun 80, televiziyasının 50 illik
yubileyi tamam olur. Radio və televiziyanın tarixi xalqın
etnokulturoloji inkişafının, ictimai-siyasi nailiyyətlərinin
tarixi, salnaməsidir. Özündə bir çox elm, mədəniyyət
sahələrini, ən kütləvi təbliğat bioenerjisini yaşadan teleradio
bütün dünyada olduğu kimi, ölkəmizdə də hamının diqqət
mərkəzindədir. Xalqın ən xırda uğuru, inkişafın ən müxtəlif
istiqamətləri bu sehrli, unikal «qutuda» əks olunaraq hər kəsin
məlumat, informasiya mənbəyinə çevrilir. Ona görə do
yubiley qarşısında radio və televiziyanın inkişaf
tendensiyalarından mərhələli şəkildə söz açmağı
məqsədəuyğun sayırıq. Söhbətimiz radio və musiqi
mövzusunda olacaq.
Musiqi verilişləri Azərbaycan Radio İdarəsi işə başlayan
gündən efirə yoldaşlıq edir. 1926-cı ilin noyabrından xəbərlər
proqramları ilə yanaşı pərakəndə olsa da, efirdə canlı musiqi
səslənirdi. Amma təbii ki, o vaxt müstəqil redaksiya hələ
təşkil olunmamışdı. Musiqiçilər studiyaya dəvət olunurdular.
Onların arasında Məşədi Məmməd Fərzəliyev, Cabbar
Qaryağdı oğlu, Bülbül, Qurban Pirimov, Qılman Salahov,
Xalıq Babayev (dəf), Xosrov Məlikov, Teyyub Dəmirov,
Ağabala Abdullayev, Əmirulla Məmmədbəyli, İslam
Abdullayev vardı. Canlı konsertlər saatlarla davam edirdi.
Qocaman diktor, əruz vəzninin gözəl bilicisi Soltan Nəcəfov
söylərdi ki, konsert seçilmiş bir qəzəlin qiraətilə başlardı,
musiqi müşayiət edərdi, sonra efiri verərdik xanəndənin
137
sərəncamına. O vaxt canlı əlaqə də vardı, dinləyici fikir və
rəyini söyləyə bilirdi. Bəzən idarənin qarşısına gəlib konsertin
bitməsini gözləyənlər də olurdu. O illər lentə köçürülmə
olmadığı üçün məşhur xanəndə və sazəndələrin ifası
qrammofon vallarına yazılardı. Muğam konsertlərində Zülfü
Adıgözəlov, Ruxsara Mirzəbəyova (piano), Hüseynağa
Hacıbababəyov, Əlövsət Sadıqov, Kor Əhəd iştirak edərdi.
1931-ci ildə Üzeyir Hacıbəyovun təşəbbüsü ilə Xalq
Çalğı Alətləri (XÇA) Orkestri yarandı. Müslüm
Maqomayevin bədii rəhbəri olduğu bu notlu orkestrə bəstəkar
Səid Rüstəmov dirijor köməkçisi təyin olunmuşdu. Həmin
ildə Müslüm Maqomayevin bəstələdiyi «Radio marşı» (RV-8)
orkestrin ifa etdiyi ilk əsərlərdən idi. Sonralar bu marş hər
səhər Azərbaycan radiosunun çağırtısına çevrildi. Orkestrin
repertuarı Azərbaycan, rus və dünya klassiklərinin əsərlərilə
zəngin idi.
O vaxt radionun binası Mərkəzi Poçtun yanında
yerləşirdi. Radionun solistləri Səltənət Qacar, Sürəyə Qacar,
Cahan Talışınskaya, Bikə Səmədzadə, Sima Haşımlı, Həqiqət
Rzayeva, Münəvvər Kələntərli, Qüdrət Əmiraslanova hər gün
məşqə gəlir, canlı konsertlərdən əlavə Filarmoniyada çıxış
edirdilər. Qüdrət Əmiraslanova «Kəsmə-Şikəstə»si ilə,
Cavahir Firudinbəyli Üzeyir bəyin «Qaragöz» mahnısının ən
yaxşı ifaçısı kimi məşhur olmuşdular. Sonralar radionun
musiqi proqramlarında Xurşud Babayevanın, Sara
Qədimovanın, Gülağa Məmmədovun, Tükəzban
İsmayılovanın, Töhfə Əliyevanın, daha sonra Fatma
Mehrəliyevanın adları çəkilməyə başladı.
1936-cı ildə radionun 10 illik yubileyini keçirmək
Üzeyir bəyin təşəbbüsü idi. Gecəni dənizkənarı küçədəki
binalardan birinin zirzəmisində keçirdilər. Radionun diktorları
Soltan Nəcəfov və Leyla Terequlova müğənniləri təqdim
138
edirdilər. Gecəyə Üzeyir bəylə həyat yoldaşı Məleykə xanım
da gəlmişdilər. Orkestrə Üzeyir bəy özü dirijorluq edirdi, Səid
Rüstəmov isə köməkçi idi. Üzeyir bəyin 2 fantaziyası – «Şur»
və «Cahargah» ilk dəfə o vaxt səsləndi. 1936-cı ildə Üzeyir
bəy XÇA orkestrini Səid Rüstəmova təhvil verdi və 1937-ci
ildə Moskvada keçirilən Azərbaycanın birinci dekadasında
«Arşın mal alan» operettasını bu orkestr müşayiət etdi. Bütün
bu hadisələr musiqi redaksiyasının salnaməsinə yazılan ilk və
parlaq səhifələr oldu.
1936-cı ildə xor kollektivi də yaradıldı. Xorun bədii
rəhbəri bəstəkar Cahangir Cahangirov təyin olundu. İfaçılar o
qədər də çox deyildi: Bülbül, Şövkət Məmmədova, Cahan
Talışinskaya, Xan Şuşinski, Seyid Şuşinski…
Radionun kollektivi getdikcə genişlənirdi. Bura yeni
ifaçılar cəlb edilirdi. Sara Qədimova, Tükəzban İsmayılova,
Firəngiz Əhmədova, Şövkət Ələkbərova orkestrin müşayiətilə
canlı konsertlərdə çıxış edirdilər.
1946-cı ildə Qara Qarayev və Cövdət Hacıyev Moskva
Dövlət Konservatoriyasını bitirib Bakıya qayıtdılar və o
vaxtdan efirdə ciddi musiqi öz yerini tutdu. Həmin illərdə xor
kollektivinin də canlı çıxışları oldu. 1948-ci ildə İrana,
Türkiyəyə konsertlər ünvanlanardı. Cahangir Cahangirov
xəstəliyilə əlaqədar xor kollektivindən ayrıldı, sonralar Radio
və Televiziya Komitəsinə bədii rəhbər vəzifəsinə təyin edildi.
Respublikada keçirilən dövlət tədbirlərində, baxış-
müsabiqələrdə, festivallarda musiqi redaksiyasının
əməkdaşları fəal iştirak edirdilər. İstedadlar seçilir, Asəf
Zeynallı adına musiqi məktəbinə daxil olurdular.
1949-cu ildə elektromaqnit lentlərinin meydana çıxması
radionun tarixə çevrilməsində yeni mərhələ oldu. Musiqi
əsərlərinin audiolentə köçürülməsi başlandı.
1950-ci ildə radionun fond fonotekası yarandı. Bədii
Dostları ilə paylaş: |