Microsoft Word Zamanin axari 2
Yüklə 1,64 Mb. Pdf görüntüsü
|
145
nümunə ola bilər. Redaksiyanın təşəbbüsü ilə Fransa, Yunanıstan, İsrail dövlətlərinin Bakıdakı səfirliklərilə əlaqə yaradılır, həmin xalqların müasir musiqi əsərləri əldə edilir. Radiomuza təmənnasız olaraq bağışlanan kompakt-disklər əsasında rəngarəng konsert proqramları hazırlanır, dünyanın ən seçmə musiqi əsərləri Azərbaycan dinləyicisinə təqdim olunur. Bu gün Azərbaycan radiosunun əməkdaşları dünyanı gəzən musiqimizin uğurlarından söz açan silsilə verilişlər hazırlayır, respublikamızdan kənarda yaşayıb yaradan həmyerlilərimizin müntəzəm olaraq mikrofon qarşısında çıxışları, onların beynəlxalq müsabiqələrdəki qələbələri barədə dinləyiciləri məlumatlandırırlar. Musiqi redaksiyası milli irsimizin təbliği sahəsində ənənə və müasirlik prinsipindən istifadə edərək Azərbaycan radiosunun 80, televiziyasının 50 illik tarixinə yeni-yeni töhfələr verəcəkdir.
«Respublika» qəzeti, 13 may 2006-cı il
146
TELERADİOMUZ MAARİFÇİLİK İŞIĞINDA
Ümummilli liderimiz Heydər Əliyev qeyd edirdi ki, Şərqlə Qərbin, Avropa ilə Asiyanın kəsişdiyi nöqtədə yerləşən Azərbaycan iki sivilizasiya arasında körpüyə çevrilib. Bu gün biz dünyəvi, hüquqi, demokratik, bir sözlə, müasir dövlət qururuq. Azərbaycan öz tərəqqisinin ikinci mərhələsini – müasirləşmə, yeniləşmə və inkişaf mərhələsini keçirir. Bu da bir həqiqətdir ki, sivilizasiya təhsil və elmə söykənir. Nə məğlubedilməz ordu, nə xalqın kəmiyyət potensialı, nə də dövlətin böyük ərazisi təhsili, elmi əvəz edə bilməz. Yarandığı gündən radio və televiziya da üç funksiyanı fəaliyyətində əsas götürüb: informasiya, maarifçilik və əyləncə-musiqi. Azərbaycan televiziyasında «Tədris baş redaksiyası» 1973-cü ilin iyul ayında yaradılıb. Bu vaxta qədər maarifçilik məsələlərini «Təbliğat» redaksiyası yerinə yetirirdi. Ölkəmizdə təhsilin inkişafı, yeni tədris metodları məhz belə bir redaksiyanın yaranmasını zəruri etdi. Redaksiyaya baş redaktor yazıçı Namiq Abdullayev təyin edildi. Redaksiyada iki şöbə – «Ali məktəb» və «Orta məktəb» şöbələri fəaliyyət göstərirdi. Hazırlanan verilişlərdə ,məqsəd tədrisə kömək, qabaqcıl iş təcrübəsi və metodlarını yaymaq idi. Orta məktəblər üçün nəzərdə tutulmuş və canlı yayımla verilən proqramlara məktəblərdə qoyulmuş xüsusi monitorlar vasitəsilə müəllim və şagirdlər baxırdılar. Azərbaycanın müxtəlif rayon və kəndlərində çalışan müəllimlər bu proqrama
147
dəvət olunur, iş təcrübələrindən danışırdılar. Sonradan bu yeniliklər barədə diskussiyalar təşkil edilirdi ki, bu da televiziyanı xalq həyatına daha da yaxınlaşdırırdı. 70-ci illərin tədris proqramları – «Kimya», «Biologiya», «Ədəbiyyat», «Fizika», «Botanika», «Azərbaycan dili» bu sahə elmlərinin populyarlaşmasına xidmət göstərirdi. Tədris filmləri, əyani vasitələrdən gen-bol istifadə bu proqramları baxımlı edirdi. Azərbaycanın qabaqcıl elm və maarif xadimləri verilişlərin hazırlanmasında məsləhətçi və aparıcı kimi iştirak edirdilər. Professorlardan Əjdər Ağayev, Abdulla Mehrabəyov, Xudu Məmmədov, Abdulla Nuruşov, akademik Musa Musayev bu redaksiya ilə ən yeni elmi nailiyyətlərini bölüşürdülər. 1975-ci ildən redaksiya «Tədris və elmi-kütləvi proqramlar» adı ilə fəaliyyətini davam etdirdi. İxtisasca müəllim olan Araz Əliyev redaksiyaya baş redaktor təyin olundu. Artıq tədris verilişləri ilə yanaşı elm və istehsalatdan ən son yeniliklər barədə çoxçeşidli verilişlər hazırlanmağa başlandı: «İnsan və qanun», «Təbiətə səyahət», «Elm və istehsalat», «Valideynlər, sizin üçün» və s. Zamanın, dövrün tələbinə uyğun olaraq həmişə verilişlərdə yeniləşmə, tamaşaçı istəyi əsas götürülüb. 1983-cü ildə efirə çıxan «Əsrlərdən gələn səslər» Azərbaycanın tarixinə, adət-ənənələrinə, türkçülük ideyalarının təbliğinə üstünlük verib. Bu silsilədən hazırlanan «Qədim Naxçıvan» xüsusi proqramı ilk dəfə diyarın tarixi, onun görkəmli şəxsiyyətləri barədə geniş məlumatı tamaşaçılara çatdırdı. 1991-ci ildən redaksiya qısa vaxt ərzində «Radikal» studiyası adı altında fəaliyyət göstərsə də bu yenilik özünü doğrultmadı. 1993-cü ildən əvvəlki adına qayıdan redaksiyanın 148
məzmun və formaca sürətli inkişafı 1996-cı ilə təsadüf edir. Yeni istedadlı kadrların redaksiyaya cəlb olunması elm, təhsil sahəsindəki islahatların təbliği istiqamətində maraqlı teleformalarla müşahidə olundu. Redaksiyanın orijinal efir saatı artırıldı. Bu qayğının nəticəsi kimi yaranan yeni verilişlər müasirlik və millilik baxımından diqqəti cəlb etməyə başladı. «Yeni əsr, yeni nəsil», «Diyar», «Təhsil: düşüncələr, mülahizələr», «Örnək», «Məktəb» televiziya jurnalı, «Həkim məsləhəti», «Elm xadimlərimiz», «Dünya, səndən kimlər keçdi?», «Ziya», «Elm və istehsalat», «Bağçılıq» öz elmi- praktik tutumu, kütləvi populyar təqdimat üsulları ilə geniş auditoriya qazandı. Təəssüf hissi ilə qeyd etməliyəm ki, özünün səkkizinci onilliyini yaşayan Azərbaycan radiosunda isə təhsil və elmi təbliğ edən redaksiya son vaxtlara kimi fəaliyyət göstərmirdi. Halbuki radio həmişə böyük məktəb sayılıb və onun ən yüksək tarixi xidməti də xalqı maarifləndirmək olub. Cəmiyyətin məlumatlandırılması, dünyagörüşlərinin inkişaf etdirilməsi, ideyaca formalaşdırılması, milli-mənəvi dəyərlərin, Azərbaycan ədəbi dilinin və milli mədəniyyətin təbliğində radio həmişə öyrədib, istiqamət verib. Televiziya meydana gələndən sonra da radionun uşaqlar, məktəblilər, tələbələr üçün nəzərdə tutulan proqramları böyük təsir gücünə malik olub. Azərbaycan elmi barədə biz həmişə radiodan səviyyəli verilişlər eşitmişik. Lakin bütün bu işlərdə sistem və ardıcıllığa ehtiyac hiss olunurdu. Təhsildən, elmdən, təhsilin və elmin söykəndiyi milli-mənəvi dəyərlərdən, təhsilin problemlərindən söz açan analitik proqramlara ehtiyac duyulurdu. Bır sözlə, təhsillə elmi verilişləri əlaqələndirən, uzlaşdıran, planlaşdıran, onu dövrün, zamanın tələbi əsasında quran redaksiyanın yaranması zərurətə çevrilmişdi. Çünki tarix XXI əsrin qarşısında qlobal vəzifələr qoyub. Bu əsr Yüklə 1,64 Mb. Dostları ilə paylaş:
|