Microsoft Word Zamanin axari 2
Yüklə 1,64 Mb. Pdf görüntüsü
|
142
Əhsən Dadaşov, Əliağa Quliyev, Gülağa Məmmədov, aşıqlardan Sadıq Sultanov, Əmrah Gülməmmədov, Şakir Hacıyev, Pənah Pənahov, Hüseyn Saraclı, Mikayıl Azaflı və başqa sənətkarların səs yazılarını vaxtaşırı səsləndirməklə redaksiya sənətin dünəni ilə bu günü arasındakı əlaqələri bərpa edir. «Muğam saatı», «Muğam axşamları», «Sizin istəyinizlə», «Aşıq havaları», «Qəhrəmanlıq nəğmələri», «Muğam ustalarımız» kimi proqramlar dinləyici ürəyinə yol tapır. Hazırda musiqi redaksiyası sutka ərzində 18-20 saat efirə çıxır. Bu da ümumi proqramın 70 faizini təşkil edir. Son illər vətənpərvərlik mövzusuna xüsusi diqqət yetirilir. «Azərbaycan əsgəri», «Əsgər andı», «Vətən oğulları, sizin üçün», «Azərbaycan ordusu», «Vətənin keşiyində», «Əsgər istəyi» başlığı altında musiqi proqramları hazırlanır. «Əsgər istəyi» musiqili kompozisiya 1991-ci ildən efirdə səslənir. Verilişin hər bir sayı əsgər və zabitlərimizin arzu və istəyi əsasında qurulur. Proqramın yaradıcı qrupu əsasən cəbhə bölgələrində xidmət edən vətən oğulları ilə görüşlər keçirir. «Əsgər istəyi»nə tanınmış ziyalılarımız, sənətkarlar, əsgər valideynləri və şəhid ailələri dəvət olunurlar. Musiqinin vətənpərvərlik ruhu gənclərə aşılanır. 1994-cü ilin aprel ayından efirə çıxan «Ovqat» proqramının əsas məramı sübh tezdən insanı nikbin notlar üstə kökləmək, səmimi söhbətlə, şirin havacatlarla könlünü açmaq, onu az da olsa qayğılardan uzaqlaşdırıb ovqatını yaxşılaşdırmaqdır. Bu proqramda maarifləndirici süjetlərin bolluğu diqqəti çəkir. Belə ki, xalq yaradıcılığı inciləri, zərb məsəllər, müdriklərin söyləmələri, xalq təbabətinin örnəkləri musiqi kaleydoskopu şəklində dinləyiciyə təqdim olunur. Təsadüfi deyil ki, sadə insanlardan ziyalılara, alimlərə kimi çoxları bu verilişi maraqla izləyir, telefon əlaqəsi yaradıb 143
öz fikirlərini bölüşür, məsləhət istəyir, verilişin onlara mənəvi dayaq olduğunu söyləyirlər. «Ovqat» hər çərşənbə və cümə günləri saat 6.20-də efirə çıxır. «Sarıtel» proqramının ilk sayı 1992-ci ilin dekabrında dinləyicilərin görüşünə gəlib. Veriliş aşıq yaradıcılığının inkişaf tendensiyalarını, bu sənətin incəliklərini dinləyicilərlə bölüşməyə xidmət edir. Bu vaxta kimi səslənən verilişlərdə aşıq sənətinin genezisi, inkişaf mərhələləri, məktəb və mühitlərin özəllikləri, ustad aşıqların sənət incəlikləri, repertuar polifoniyası, dastan yaradıcılığı və s. haqda zəngin məlumatlar verilib. «Sarıtel»ə təkcə respublikamızda deyil, Güney Azərbaycanda, Borçalı və Türkiyədə də böyük maraq göstərirlər. Heç təsadüfi deyil ki, bu vaxtacan Güney Azərbaycan aşıq mühitindən bəhs edən 60, Borçalı mahalı sənətkarlarından 40-45, Türkiyə sənətçiləri barədə 20 veriliş efirdə böyük uğurla səslənib. Musiqi redaksiyasının xətti ilə efirə gedən müəllif proqramlarından biri də 10 yaşını qeyd edən həftəlik «Bu gün sizinlə» verilişidir. Hər şənbə efirə çıxan bu proqram sənətə addım atan gənclər üçün bir radio məktəbə çevrilib. Proqramın ayda 2 sayı fonotekamıza qəbul olunmuş yeni lent yazılarına həsr olunur. «El sənətkarlarımız», «Nəğmə də bir silahdır», «Ötən illərin nəğmələri», «İllərin nəğmə yaddaşı», «Danış, telli sazım», «O taydan gələn səslər», «Könlüm keçir Qarabağdan», «Dağlar dağımdır mənim», «Ana laylası», «Mənim şikəstəli dünyam», «Yada düşər xatirələr», «Uçur durna qatarı» və s. başlıqlar altında hazırlanan musiqi proqramları da musiqi ilə mətnin uğurlu harmoniyasından yarandığı üçün geniş dinləyici auditoriyası qazanıb. «Muğam dünyamız» (1997-ci il) verilişində 144
muğamlarımızın tarixindən, görkəmli muğam ifaçılarından, xanəndə və sazəndələrdən söhbət açılır və onların ifasında muğamlar səslənir. «Musiqi dünyamız» (1998-ci il) proqramı isə dəyirmi masa arxasında toplaşmış sənət adamlarının musiqimizdə mövcud problemlər barədə şərh, təklif və rəylərinə həsr olunur. 2000-ci ildən efir ömrü yaşayan «Bəstəkarlarımızın iş otağında» verilişində görkəmli bəstəkarlarımızdan Tofiq Quliyev, Arif Məlikov, Vasif Adıgözəlov, Ramiz Mirişli, Tofiq Bakıxanov, Şəfiqə Axundova, Ramiz Mustafayev, Aqşin Əlizadə və başqalarının son dövr yaradıcılıq nailiyyətlərindən söhbət açılır, musiqi fondumuzu zənginləşdirən əsərlərin sənətkarlıq vüsətindən bəhs olunur. 1999-cu ildə Azərbaycan radiosunun Azərbaycan Kinostudiyasının musiqi redaksiyası ilə əməkdaşlığı sayəsində «Kino və musiqi» adlı verilişi yarandı. Burada kino sənətinin tarixindən, bəstəkarlarımızın yaradıcılığında kinonun əhəmiyyətindən söhbət açılır. Proqramın qonaqları da bəstəkarlar, ssenaristlər, rejissor və aktyorlar, eləcə də digər yaradıcı kino-musiqi xadimləri olur. «Ustad sənətkarlarımız» verilişi sənət korifeylərinin taleyindən bəhs edir. Tanınmış filoloq, professor Rafael Hüseynovun 20 ildən bəri hazırladığı «Axşam görüşləri» musiqi proqramı da musiqi palitrasının zənginliyi və səmimiliyi ilə seçilən verilişdir. «Klassik və müasir dünya musiqisi», «Musiqi ekspresi», «Nəğməli səhər», «Sizin istəyinizlə» proqramları ən müxtəlif zövqlü musiqisevərlərin arzularını efirdə gerçəkləşdirir. Musiqi redaksiyasının hazırladığı proqramlar sırasında yubiley şənliklərindən bəhs edən verilişlər xüsusi yer tutur. Üzeyir Hacıbəyov, Fikrət Əmirov, Tofiq Quliyev və Arif Məlikovun yubileylərindən hazırlanmış verilişlər buna Yüklə 1,64 Mb. Dostları ilə paylaş:
|