Microsoft Word Zamanin axari 2
Yüklə 1,64 Mb. Pdf görüntüsü
|
149
intellekt əsridir, zəkaların meydanıdır. BMT bu əsri «Təhsil əsri», YUNESKO «Mədəniyyətlər əsri» elan edib. XXI əsr həm də «Şərq-Qərb mədəniyyətlərinin dialoqu» əsridir. «Təhsil əsri»nə, «Mədəniyyətlər əsri»nə, «Şərq-Qərb mədəniyyətlərinin dialoqu» əsrinə inteqrasiya olunmaq üçün ölkəmizin milli, milli olduğu qədər də dünyəvi təhsili inkişaf etməlidir. Təhsili güclü olan xalqın dövlətçiliyi də güclü olur. Savadlı xalq, güclü kadr və möhkəm dövlətçiliyin kökündə yüksək təhsil dayanır. ABŞ kimi qüdrətli bir dövlətin milli proqramında yazılıb: «Ölkənin inkişaf vasitəsi iqtisadiyyat, siyasi quruluş, bazar, hüquq, xüsusi mülkiyyət, hərbi güc deyil, yeni şanlı təhsildir». Bu problemləri Azərbaycan radiosunun efirindən xalqa çatdıran bir redaksiya isə uzun müddət yaradılmamışdı. Bu boşluğu doldurmaq üçün ciddi hazırlıqdan sonra XXI əsrin astanasında – 1999-cu il aprelində Azərbaycan radiosunda «Təhsil və elmi-kütləvi proqramlar» redaksiyası yaratdıq. Uzun müddət radionun əvvəlcə «Təbliğat», «İctimai-siyasi proqramlar» redaksiyasının baş redaktoru və «İctimai-siyasi, sosial proqramlar» birliyinin rəhbəri işləmiş, peşəkar jurnalist Qənbər Ağayevi bu redaksiyaya baş redaktor vəzifəsinə təyin etdik. Redaksiyaya pedaqoq, filoloq ixtisaslı, təcrübəli jurnalistlər cəlb etdik. Kollektivin qarşısında ciddi vəzifələr qoyuldu. Çünki 1993-cü ildə xalqın təkidli tələbi ilə respublikanın siyasi hakimiyyətinə qayıdan ulu öndərimiz Heydər Əliyev ölkə təhsilinə, maarifə və elmə xüsusi diqqət yetirirdi. Elə həmin vaxtdan Milli Elmlər Akademiyası sahə elmi-tədqiqat müəssisələrinin işini canlandırmaq üçün konkret addımlar atdı. Ulu öndərin bilavasitə təşəbbüsü ilə ölkədə çoxmərhələli nəhəng təhsil islahatı proqramının hazırlanmasına başlandı ki, bütün bunlar Azərbaycan radiosunun çoxmilyonlu dinləyicisinə çatdırılmalı idi. Yeni 150
yaranan redaksiya 1999-cu il aprel ayının 13-də özünün «Görüş» adlı ilk verilişi ilə efir çıxdı, dinləyicilərə təhsilin, elmin aktual problemlərindən söz açdı. Ümummilli liderimiz Heydər Əliyev bu vaxt Azərbaycan təhsil sistemində islahatların aparılması ilə bağlı sərəncam imzaladı. Sərəncam redaksiya kollektivinin məsuliyyətini daha da artırdı. Elə ilk verilişlərdən məlum oldu ki, kollektiv milli təhsilimizin, elmimizin, tariximizin efir təbliğinin mahiyyətini, strategiyasını və fəlsəfəsini dəqiq müəyyən edib. Həm də hazırlanan verilişlərin məzmunu göstərdi ki, redaksiya kollektivi tamamilə yeni yol seçib. Bunun üçün hazırlanan verilişlərə nəzər salmaq kifayətdir: «Təhsil: problemlər, vəzifələr», «Müəllim otağı», «Pedaqoq sözü», «Ali pedaqoji təhsil», «Pedaqoji fikir tariximizdən», «Azərbaycan və dünyəvi təhsil», «Təhsilin bu günü, bu günün təhsili», «Dilimiz – mənliyimiz, mənəviyyatımız», «Fəlsəfi fikir tariximizdən», «Tariximizin izi ilə», «Azərbaycan elmi XXI əsrdə», «Alimlərimizin laboratoriyalarında», «Sabaha pəncərə», «Axtarışlar, tapıntılar», «Elm xadimlərimiz», «Ömrü örnək olanlar» və digər verilişlər redaksiyanın düzgün mövqedə olduğunu göstərir. Proqramların məzmun və əhatə dairəsi çox genişdir. Məsələn, «Dövlətçilik», «Ordumuz-qüdrətimiz», «Hamımızın bir vətəni», «Gücümüz-birliyimiz», «Müstəqilliyimiz- dövlətçiliyimiz», «Yeni yüz il», «Şəxsiyyət və zaman», «Böyük ömrün izləri» və digər silsilə verilişlərin əsas qayəsini müstəqil dövlət quruculuğu problemləri, bu quruculuğun memarı Heydər Əliyev irsinə məhəbbət, Vətənə sevgi, azərbaycançılıq ideologiyası təşkil edir. Təhsil bütöv bir sistemdir, cəmiyyətin hər bir sahəsini və üzvünü əhatə edir. Haqlı olaraq redaksiya təkcə elm xadimlərini, təhsil qurucularını, müəllimləri, valideynləri 151
deyil, müxtəlif sənət sahiblərini mikrofon qarşısına dəvət edir, təhsil, elm, milli-mənəvi, əxlaqi, sosial, siyasi sahədə problemləri öyrənib ictimaiyyətə çatdırır. Göründüyü kimi, redaksiyanın bütün qlobal problemlərə müraciət etməsi kollektivin hərtərəfli hazırlığından, peşəkarlığından və dövlətçilik məfkurəsindən xəbər verir. Təbliğ olunan problemlərin sanbalını, verilişlərə kütləvi marağın gücləndiyini və dinləyici auditoriyasının genişləndiyini nəzərə alıb redaksiya yaranandan 3 ay sonra onun efir həcmini daha 2 saat artırdıq. Məlumat üçün deyək ki, redaksiya 7 il ərzində dinləyicilərə 3490 orijinal veriliş təqdim edib. Bu müddət ərzində redaksiyanın 2604 verilişi efirdə təkrar səslənib ki, bunun 1500-dən çoxu dinləyicilərin xahişi ilə proqrama daxil edilib. «Tariximiz, torpağımız, taleyimiz» verilişi hədsiz populyarlıq qazandığına görə, dinləyicilərin xahişi ilə eyni adda kitab hazırlandı. Son iki yüz ildə erməni-türk, erməni-Azərbaycan münaqişələrindən, müharibələrindən, azərbaycanlıların soyqırımından bəhs edən tarixi mənbələrə və faktlara əsaslanan, həm də mənim elmi məsləhətçisi olduğum 700 səhifəlik bu kitab (tarixçi alim İsrafil Məmmədovla redaksiyanın baş redaktoru Qənbər Ağayevin dialoqu əsasında) 2003-cü ilin may ayında «Adiloğlu» nəşriyyatı tərəfindən çap edilib, pulsuz olaraq oxuculara paylandı. Ali məktəblərə qəbul vaxtı redaksiya abituriyentlərin, valideynlərin və müəllimlərin TQDK-nın məsul işçiləri ilə birbaşa, canlı əlaqəsini yaradır ki, dinləyicilər də onları maraqlandıran bütün suallara operativ cavab ala bilirlər. Onu da qeyd edim ki, redaksiyanın təhsilimizin problemləri ilə bağlı qaldırdığı məsələlər, irəli sürülən təkliflər bir neçə dəfə Azərbaycan Respublikası Milli Yüklə 1,64 Mb. Dostları ilə paylaş:
|